ಒಂದು ಸೋಲು, 3ನೇ ಸ್ಥಾನಕ್ಕೆ ಕುಸಿದ ಟೀಮ್ ಇಂಡಿಯಾ.. ಫಸ್ಟ್, ಸೆಕೆಂಡ್ ಯಾವ ಟೀಮ್ ಇವೆ?

ಅಡಿಲೇಡ್​ನಲ್ಲಿ ನಡೆದ ಬಾರ್ಡರ್​ ಗವಾಸ್ಕರ್ ಟ್ರೋಫಿಯ 2ನೇ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೀಮ್ ಇಂಡಿಯಾ ಮಕಾಡೆ ಮಲಗಿದೆ. ಈ ಸೋಲಿನಿಂದ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಪಟ್ಟಿಯಲ್ಲಿ ಭಾರತ 3ನೇ ಸ್ಥಾನಕ್ಕೆ ಕುಸಿದಿರುವುದು ಬೇಸರದ ಸಂಗತಿಯಾಗಿದೆ.

ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ರ್ಯಾಕಿಂಗ್ ಪಟ್ಟಿಯಲ್ಲಿ ಭಾರತ 3ನೇ ಸ್ಥಾನಕ್ಕೆ ಕುಸಿದಿದೆ. ಆದರೂ ಚಾಂಪಿಯನ್​ಶಿಪ್​ ಫೈನಲ್ ರೇಸ್​ನಿಂದ ಟೀಮ್ ಇಂಡಿಯಾ ಇನ್ನು ಹೊರಬಿದ್ದಿಲ್ಲ. ಏಕೆಂದರೆ ಆಸ್ಟ್ರೇಲಿಯಾ ವಿರುದ್ಧ ಇನ್ನು 3 ಟೆಸ್ಟ್​​ ಪಂದ್ಯಗಳು ಬಾಕಿ ಇರುವ ಕಾರಣ ಇದು ಇಂದಿಗೆ ನಿರ್ಧಾರ ಆಗಲ್ಲ. ಒಂದು ವೇಳೆ ಆಸಿಸ್​ ವಿರುದ್ಧ ಟೀಮ್ ಇಂಡಿಯಾ 4-1 ರಿಂದ ಸರಣಿ ಗೆದ್ದರೇ ಮಾತ್ರ ಫೈನಲ್​ಗೆ ಹೋಗುವ ಸಾಧ್ಯತೆ ಇದೆ. ಇಲ್ಲದಿದ್ದರೇ ಚಾಂಪಿಯನ್​ಶಿಪ್​ ಫೈನಲ್ ಕನಸು ಕೈಬಿಟ್ಟು ಭಾರತ ತಂಡ ತವರಿಗೆ ವಾಪಸ್ ಆಗಲಿದೆ.

ಇದನ್ನೂ ಓದಿ:ಟೀಮ್ ಇಂಡಿಯಾ ಸೋಲಿಗೆ ಇವರೇ ಕಾರಣ.. ಕೊಹ್ಲಿ, KL ರಾಹುಲ್ ಸೇರಿ ಲಿಸ್ಟ್​ಲ್ಲಿ ಯಾರ್ ಯಾರಿದ್ದಾರೆ?

ಪಾಯಿಂಟ್​​ಗಳನ್ನು ಲೆಕ್ಕಾಚಾರ ಮಾಡಿದರೆ ಮೊದಲ ಸ್ಥಾನದಲ್ಲಿರುವ ಆಸಿಸ್​ಗಿಂತ 2 ಪಾಯಿಂಟ್​ ಕಡಿಮೆ ಪಡೆದ ಭಾರತ 3ನೇ ಸ್ಥಾನದಲ್ಲಿದೆ. 2ನೇ ಸ್ಥಾನದಲ್ಲಿ ಇರುವ ಆಫ್ರಿಕಾ 64 ಪಾಯಿಂಟ್ ಪಡೆದುಕೊಂಡಿದೆ. ಆದರೆ ಕಡಿಮೆ ಪಂದ್ಯದಲ್ಲಿ ಅಂದರೆ ಕೇವಲ 9 ಮ್ಯಾಚ್​ಗಳಲ್ಲಿ ಆಫ್ರಿಕಾ 5 ಪಂದ್ಯ ಗೆದ್ದಿದೆ. ಹೀಗಾಗಿ 2ನೇ ಸ್ಥಾನದಲ್ಲಿದೆ.

ಇಂದು ಅಡಿಲೇಡ್​ನಲ್ಲಿ ಟೀಮ್ ಇಂಡಿಯಾ ವಿರುದ್ಧದ ಗೆಲುವಿನೊಂದಿಗೆ ಆಸಿಸ್ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ. ಪಟ್ಟಿಯಲ್ಲಿ ಆಸಿಸ್ ಶೇ. 60.71 ಪಾಯಿಂಟ್ಸ್ ಹೊಂದಿದೆ. ಆಫ್ರಿಕಾ ಶೇ.59.26 ಪಾಯಿಂಟ್​​ನಿಂದ 2ನೇ ಸ್ಥಾನದಲ್ಲಿದೆ. ಇನ್ನು ಭಾರತ ಶೇ.57.29 ಪಾಯಿಂಟ್ಸ್​ನಿಂದ 3ನೇ ಸ್ಥಾನದಲ್ಲಿದೆ. ಶೇಕಾಡವಾರು ಅಂಕಗಳನ್ನು ಗಣನೆಗೆ ತೆಗೆದುಕೊಂಡಾಗ ಭಾರತಕ್ಕಿಂತ ಆಫ್ರಿಕಾ ಉತ್ತಮವಾದ ಪ್ರದರ್ಶನ ನೀಡಿದೆ ಎಂಬುದು ಗೊತ್ತಾಗುತ್ತದೆ. ಹೀಗಾಗಿ ಭಾರತವನ್ನ ಹಿಂದಿಕ್ಕಿದೆ.

ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ರ್ಯಾಕಿಂಗ್ ಪಟ್ಟಿ

• ಆಸ್ಟ್ರೇಲಿಯಾ 14 ಪಂದ್ಯ, 9 ಗೆಲುವು, 102 ಪಾಯಿಂಟ್ಸ್, ಶೇಕಡಾ 60.71
• ಆಫ್ರಿಕಾ ತಂಡ 9 ಪಂದ್ಯ, 5 ಗೆಲುವು, 64 ಪಾಯಿಂಟ್ಸ್, ಶೇಕಡಾ 59.26
• ಭಾರತ ತಂಡ 16 ಪಂದ್ಯ, 9 ಗೆಲುವು, 110 ಪಾಯಿಂಟ್ಸ್, ಶೇಕಡಾ 57.29
• ಶ್ರೀಲಂಕಾ ತಂಡ 10 ಪಂದ್ಯ, 5 ಗೆಲುವು, 60 ಪಾಯಿಂಟ್ಸ್, ಶೇಕಡಾ 50.00

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ