ಸಿಂಹಳೀಯರ ಬಲೆಗೆ ಬಿದ್ದ ಇಂಡಿಯನ್​ ಟೈಗರ್ಸ್​

ದಿಟ್ಟ ಹೋರಾಟ ನಡೆಸಿದ ಆತಿಥೇಯ ಶ್ರೀಲಂಕಾ

ಸ್ಪಿನ್​ ಮುಂದೆ ಮಂಡಿಯೂರಿದ ಬ್ಯಾಟ್ಸ್​ಮನ್ಸ್..!

ಸಿಂಹಳೀಯರ ನಾಡಲ್ಲಿ ಗೆಲುವಿನ ಕನಸು ಕಾಣ್ತಿದ್ದ ಟೀಮ್​ ಇಂಡಿಯಾಗೆ ಸೋಲಿನ ದರ್ಶನವಾಗಿದೆ. ತಿಣುಕಾಟ ನಡೆಸಿ ಮೊದಲ ಏಕದಿನದಲ್ಲಿ ಡ್ರಾ ಸಾಧಿಸಿದ್ದ, ಟೀಮ್​ ಇಂಡಿಯಾ 2ನೇ ಪಂದ್ಯದಲ್ಲಿ ಮಕಾಡೆ ಮಲಗಿದೆ.

ಟೀಮ್​ ಇಂಡಿಯಾದ ಶ್ರೀಲಂಕಾ ಪ್ರವಾಸಕ್ಕೆ ತೆರಳಿದ್ದ ದಿನದಿಂದ ಕನಿಷ್ಟ ಯಾರೂ ಊಹೆ ಕೂಡ ಮಾಡಿರಲಿಲ್ಲ. ಸಿಂಹಳೀಯರ ಎದುರು ಟೀಮ್​ ಇಂಡಿಯಾ ಸೋಲುತ್ತೆ ಅಂತಾ.! ಆದ್ರೆ, ಕೆರಳಿದ ಲಂಕನ್​ ಲಯನ್ಸ್​ ಅಕ್ಷರಶಃ ಶಾಕ್​ ಕೊಟ್ಟಿದ್ದಾರೆ. 2ನೇ ಏಕದಿನದಲ್ಲಿ ಬಲಿಷ್ಟ ಇಂಡಿಯಾಗೆ ಸೋಲಿನ ರುಚಿ ತೋರಿಸಿದ್ದಾರೆ.

ಮೊದಲ ಎಸೆತದಲ್ಲೇ ಲಂಕಾಗೆ ಶಾಕ್​ ಕೊಟ್ಟ ಸಿರಾಜ್​.!

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡು ಕಣಕ್ಕಿಳಿದ ಶ್ರೀಲಂಕಾ ಮೊದಲ ಎಸೆತದಲ್ಲೇ ಶಾಕ್​ ಎದುರಿಸಿತು. ಮೊಹಮ್ಮದ್​ ಸಿರಾಜ್ ವೇಗಕ್ಕೆ ಫಾತುಮ್​ ನಿಸ್ಸಾಂಕ ಬಲಿಯಾದ್ರು. ಬಳಿಕ ಕ್ರಿಸ್​ನಲ್ಲಿ ಜೊತೆಯಾದ ಅವಿಷ್ಕಾ ಫರ್ನಾಂಡೋ – ಕುಸಾಲ್​ ಮೆಂಡಿಸ್ 74 ರನ್​ಗಳ ಜೊತೆಯಾಟವಾಡಿ​ ತಂಡಕ್ಕೆ ಚೇತರಿಕೆ ನೀಡಿದ್ರು.

ಲಂಕಾಗೆ ಡಬಲ್​ ಶಾಕ್​ ಕೊಟ್ಟ ವಾಷಿಂಗ್ಟನ್​ ಸುಂದರ್​.!

ಆದ್ರೆ, ಈ ಜೊತೆಯಾಟ ಹೆಚ್ಚು ಹೊತ್ತು ಬೆಳೆಯಲು ವಾಷಿಂಗ್ಟನ್​ ಸುಂದರ್​ ಬಿಡಲಿಲ್ಲ. ಸುಂದರ್​ ಮೋಡಿಗೆ ಬಲಿಯಾದ ಅವಿಷ್ಕಾ, ಕುಸಾಲ್ ಬ್ಯಾಕ್​ ಟು ಬ್ಯಾಕ್​ ಪೆವಿಲಿಯನ್​ ಸೇರಿದ್ರು. ಸದೀರಾ ಸಮರವಿಕ್ರಮ ಬಂದಷ್ಟೇ ವೇಗವಾಗಿ ಔಟಾದ್ರು. ಜನಿತ್​ ಲಿಯನಗೆ 12 ರನ್​ಗಳಿಸುವಷ್ಟರಲ್ಲಿ ಸುಸ್ತಾದ್ರು. ನಾಯಕ ಚರಿತ್​ ಅಸಲಂಕ ಆಟ 25 ರನ್​ಗಳಿಗೆ ಅಂತ್ಯವಾಯ್ತು.

ಕಮಿಂದು ಮೆಂಡಿಸ್​ – ಧುನಿತ್​​ ವೆಲ್ಲಲಗೆ ದಿಟ್ಟ ಹೋರಾಟ

7ನೇ ವಿಕೆಟ್​ಗೆ ಜೊತೆಯಾದ ಕಮಿಂದು​ ಮೆಂಡೀಸ್​, ಧುನಿಲ್​ ವೆಲ್ಲಲಗೆ ಶ್ರೀಲಂಕಾಗೆ ಅಸರೆಯಾದ್ರು. ಇಂಡಿಯನ್​ ಬೌಲರ್ಸ್​ನ ದಿಟ್ಟವಾಗಿ ಎದುರಿಸಿದ ಈ ಜೋಡಿ, 72 ರನ್​ಗಳ ಜೊತೆಯಾಟವಾಡಿತು. 39 ರನ್​ಗಳ ಉತ್ತಮ ಇನ್ನಿಂಗ್ಸ್​ ಕಟ್ಟಿದ ದುನಿಲ್​ ವೆಲ್ಲಲಗೆ, ಕುಲ್​ದೀಪ್​​ ಮೋಡಿಗೆ ಬಲಿಯಾದ್ರು. ಕಮಿಂದು ಮೆಂಡೀಸ್​​, ಶ್ರೇಯಸ್​​ ಅಯ್ಯರ್​ ಎಸೆದ ಶರವೇಗದ ಥ್ರೋಗೆ ರನೌಟ್​ ಆದ್ರು. ಅಂತಿಮವಾಗಿ 50 ಓವರ್​ಗಳಲ್ಲಿ 9 ವಿಕೆಟ್​ ಕಳೆದುಕೊಂಡ ಶ್ರೀಲಂಕಾ 240 ರನ್​ ಕಲೆಹಾಕಿತು.

ಬೌಂಡರಿ-ಸಿಕ್ಸರ್​ ಸಿಡಿಸಿ ಹಿಟ್​ಮ್ಯಾನ್​ ಆರ್ಭಟ.!

241 ರನ್​​ಗಳ ಟಾರ್ಗೆಟ್​ ಬೆನ್ನತ್ತಿದ ಟೀಮ್​ ಇಂಡಿಯಾಗೆ ಒನ್ಸ್​ ಅಗೇನ್​ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಅಬ್ಬರದ ಆರಂಭ ಒದಗಿಸಿದ್ರು. ಬೌಂಡರಿ, ಸಿಕ್ಸರ್​ಗಳಲ್ಲೇ ರನ್​ ಡೀಲ್​ ಮಾಡಿದ ಹಿಟ್​ಮ್ಯಾನ್,​ 5 ಬೌಂಡರಿ, 4 ಸಿಕ್ಸರ್​​ ಸಿಡಿಸಿ ಘರ್ಜಿಸಿದ್ರು. ಕೇವಲ 29 ಎಸೆತಗಳಲ್ಲೇ ಹಾಫ್​ ಸೆಂಚುರಿ ಚಚ್ಚಿದ್ರು.

64 ರನ್​ಗಳಿಸಿದ್ದ ರೋಹಿತ್​ ಶರ್ಮಾ ರಿವರ್ಸ್​ಸ್ವೀಪ್​ ಮಾಡೋ ಯತ್ನದಲ್ಲಿ ವಿಕೆಟ್​ ಕೈ ಚೆಲ್ಲಿದ್ರು. ಅಲ್ಲಿಂದ ಶುರುವಾಯ್ತು ಟೀಮ್​ ಇಂಡಿಯಾದ ಪತನ.! ಉತ್ತಮ ಆಟವಾಡ್ತಿದ್ದ ಶುಭ್​ಮನ್​ ಗಿಲ್​ 35 ರನ್​ಗಳಿಸಿ ನಿರ್ಗಮಿಸಿದ್ರು. 4ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಶಿವಂ ದುಬೆ ಮತ್ತೊಂದು ಫ್ಲಾಪ್​ ಶೋ ನೀಡಿದ್ರು.

ಲಂಕನ್ನರಿಗೆ ಸುಲಭಕ್ಕೆ ಶರಣಾದ ಕಿಂಗ್​ ಕೊಹ್ಲಿ.!
ಶ್ರೇಯಸ್​ ಅಯ್ಯರ್​, ಕೆ.ಎಲ್​ ರಾಹುಲ್​ ಫ್ಲಾಪ್​.!

ಶಿವಂ ದುಬೆ ಬೆನ್ನಲ್ಲೇ ವಿರಾಟ್​ ಕೊಹ್ಲಿ ಮತ್ತೊಮ್ಮೆ ನಿರಾಸೆ ಮೂಡಿಸಿದ್ರು. ಕೊಹ್ಲಿ 14 ರನ್​ಗಳಿಸಿ ಔಟಾದ್ರೆ, ಶ್ರೇಯಸ್​ ಅಯ್ಯರ್​ 7 ರನ್​ಗಳಿಸುವಷ್ಟರಲ್ಲಿ ಸುಸ್ತಾದ್ರು. ಕೆ.ಎಲ್​ ರಾಹುಲ್​ ಡಕೌಟ್​ ಆಗಿ ನಿರ್ಗಮಿಸಿದ್ರು.

ಬಳಿಕ ಕಣಕ್ಕಿಳಿದ ಅಕ್ಷರ್​ ಪಟೇಲ್​​ ಉತ್ತಮ ಆಟವಾಡಿದ್ರು. ವಾಷಿಂಗ್ಟನ್​ ಸುಂದರ್​ ಜೊತೆಗೂಡಿ ಕುಸಿದ ತಂಡಕ್ಕೆ ಆಸರೆಯಾದ್ರು. 44 ರನ್​ಗಳ ಉತ್ತಮ ಇನ್ನಿಂಗ್ಸ್​ ಕಟ್ಟಿ ಗೆಲುವಿನ ಭರವಸೆ ಹುಟ್ಟು ಹಾಕಿದ್ರು. ಆದ್ರೆ, 33.1ನೇ ಓವರ್​​ನಲ್ಲಿ ಲಂಕಾ ಕ್ಯಾಪ್ಟನ್​ ಅಸಲಂಕ ಅಕ್ಷರ್​​ ಆಟಕ್ಕೆ ಬ್ರೇಕ್​ ಹಾಕಿದ್ರು. ಅಕ್ಷರ್​ ಬೆನ್ನಲ್ಲೆ ಸುಂದರ್​ ಆಟವೂ ಅಂತ್ಯವಾಯ್ತು. ಅಂತಿಮವಾಗಿ 208 ರನ್​​ಗಳಿಗೆ ಟೀಮ್​ ಇಂಡಿಯಾ ಆಲೌಟ್​ ಆಯ್ತು. ಹೋರಾಟ ನಡೆಸಿದ ಲಂಕಾ 32 ರನ್​ಗಳ ಗೆಲುವು ದಾಖಲಿಸಿತು.

ಇದನ್ನೂ ಓದಿ: ಟೀಮ್​ ಇಂಡಿಯಾದಿಂದ ಸ್ಟಾರ್​ ಆಟಗಾರನನ್ನೇ ಕೈ ಬಿಟ್ಟ ಗಂಭೀರ್​​; ‘ನಾಚಿಕೆ ಆಗಲ್ವಾ?’ ಎಂದು ಆಕ್ರೋಶ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ