ಇಂದು ಅಂತರಾಷ್ಟ್ರೀಯ ಟೆಸ್ಟ್​ ಪಂದ್ಯಾಟಕ್ಕೆ ಪಾದಾರ್ಪಣೆ

ಮೊದಲ ಇನ್ನಿಂಗ್ಸ್​ನಲ್ಲಿ ಮೂರು ವಿಕೆಟ್ ಕಿತ್ತ ಆಕಾಶ್​ ದೀಪ್​

ಆಕಾಶ್​​ ದೀಪ್ 313ನೇ ಆಟಗಾರನಾಗಿ ಟೆಸ್ಟ್​ಗೆ ಪಾದಾರ್ಪಣೆ

ಭಾರತದ ಮತ್ತು ಇಂಗ್ಲೆಂಡ್​​ ನಡುವೆ ಟೆಸ್ಟ್​ ಪಂದ್ಯಾಟ ನಡೆಯುತ್ತಿದೆ. ಇಂದು ಅಂತರಾಷ್ಟ್ರೀಯ ಟೆಸ್ಟ್​ ಪಂದ್ಯಾಟಕ್ಕೆ ಪಾದಾರ್ಪಣೆ ಮಾಡಿದ ಭಾರತದ ವೇಗಿ ಆಕಾಶ್​ ದೀಪ್ ಮೊದಲ ಇನ್ನಿಂಗ್ಸ್​ನಲ್ಲಿ 3 ವಿಕೆಟ್​ ಕಬಳಿಸಿದ್ದಾರೆ. ಆ ಮೂಲಕ ತನ್ನ ಸಾಮರ್ಥ್ಯ ಪ್ರದರ್ಶಿಸಿದ್ದಾರೆ.

ಬುಮ್ರಾ ಬದಲಿಯಾಗಿ ಆಕಾಶ್​​

ರಾಂಚಿಯಲ್ಲಿ ನಡೆಯುತ್ತಿರುವ 4ನೇ ಟೆಸ್ಟ್​ ಪಂದ್ಯದಲ್ಲಿ ಭಾರತದ ವೇಗಿ ಬುಮ್ರಾ ಅವರಿಗೆ ವಿಶ್ರಾಂತಿ ನೀಡಲಾಗಿದ್ದು, ಅವರ ಬದಲಿಗೆ ಆಕಾಶ್​ ದೀಪ್​ಗೆ ಅವಕಾಶ ನೀಡಲಾಗಿದೆ. ಹಾಗಾಗಿ ಇಂದು ಆಕಾಶ್​​ ದೀಪ್​ ಅಂತರಾಷ್ಟ್ರೀಯ ಟೆಸ್ಟ್​ ಪಂದ್ಯಕ್ಕೆ ಇಂದು ಪಾದಾರ್ಪಣೆ ಮಾಡಿದ್ದಾರೆ.

3 ವಿಕೆಟ್​ ಕಿತ್ತ ಆಕಾಶ್

ಇಂದು ಉತ್ತಮ ಬೌಲಿಂಗ್​ ಪ್ರದರ್ಶಿಸಿದ ಆಕಾಶ್​ ದೀಪ್​ ಇಂಗ್ಲೆಂಡ್​ ತಂಡದ ಝಾಕ್​ ಕ್ರೌಲಿ, ಬೆನ್​ ಡಕೆಟ್​, ಆಲಿ ಪೋಪ್​​ ಅವರ ವಿಕೆಟ್​​ ಕಿತ್ತಿದ್ದಾರೆ. ಇಂದಿನ ಮೊದಲ ದಿನದಾಟಕ್ಕೆ ಇಂಗ್ಲೆಂಡ್​ 7 ವಿಕೆಟ್​ ನಷ್ಟಕ್ಕೆ 302ರನ್​ ಗಳಿಸಿದೆ. 17 ಓವರ್​ ಬೌಲಿಂಗ್​ ಮಾಡಿದ ಆಕಾಶ್​​ 70 ರನ್​ ಜೊತೆಗೆ 3 ವಿಕೆಟ್​ ತಮ್ಮದಾಗಿಸಿಕೊಂಡಿದ್ದಾರೆ.

Our own #AkashDeep is breathing fire 🔥🇮🇳

What a 𝐫𝐞𝐦𝐚𝐫𝐤𝐚𝐛𝐥𝐞 𝐓𝐞𝐬𝐭 𝐝𝐞𝐛𝐮𝐭 for 𝐨𝐮𝐫 𝐬𝐮𝐩𝐞𝐫-𝐭𝐚𝐥𝐞𝐧𝐭𝐞𝐝 𝐥𝐚𝐝 𝐟𝐫𝐨𝐦 𝐁𝐞𝐧𝐠𝐚𝐥!! Super proud of you brother! 🙌 🏏🙌#TeamIndia | #INDvENG pic.twitter.com/xVQlOoMZGn

— MANOJ TIWARY (@tiwarymanoj) February 23, 2024

ಆರ್​ಸಿಬಿ ಕೊಟ್ಟ ಅವಕಾಶ

ಆಕಾಶ್​ನದ್ದು ಸಾಮಾನ್ಯ ಕುಟುಂಬ. ಬಡತನದಿಂದಾಗಿ ಕಷ್ಟದ ಜೀವನ ಸಾಗಿಸುತ್ತಾ ಬಂದ ಆಕಾಶ್​ ಇಂದು ಅಂತರಾಷ್ಟ್ರೀಯ ಟೆಸ್ಟ್​ ಪಂದ್ಯಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಅಂದಹಾಗೆಯೇ ತಂದೆಯನ್ನು ಕಳೆದುಕೊಂಡಿರುವ ಈ ಕ್ರಿಕೆಟಿಗ 3 ವರ್ಷ ಕ್ರಿಕೆಟ್​ ಆಡೋದನ್ನ ನಿಲ್ಲಿಸಿದ್ದರಂತೆ. ಆ ಬಳಿಕ ಕೋಲ್ಕತ್ತಾಗೆ ತೆರಳಿದ ಆಕಾಶ್​ ತಮ್ಮ ಸಾಮರ್ಥ್ಯದಿಂದ ಬಂಗಾಳದ 23 ವರ್ಷದೊಳಗಿನವರ ತಂಡ ಸೇರಿಕೊಂಡರು. ಆಕಾಶ್​​ ಸಾಧನೆಯನ್ನು ಕಂಡು ಆರ್​ಸಿಬಿ ತಂಡ 2022ರಲ್ಲಿ ತಮ್ಮ ತಂಡಕ್ಕೆ ಸೇರಿಸಿಕೊಂಡಿತು. ಸದ್ಯ ಈತ ತಾಯಿ ಮತ್ತು ಸಹೋದರನ ಜೊತೆಗಿದ್ದಾರೆ.

ಇಂದು ಆಕಾಶ್​​ ಭಾರತೀಯ ತಂಡದ 313ನೇ ಆಟಗಾರನಾಗಿ ಟೆಸ್ಟ್​ಗೆ ಪಾದಾರ್ಪಣೆ ಮಾಡಿದ್ದಾರೆ. ಮೊದಲ ದಿನವೇ ಆಕಾಶ್​ ತಮ್ಮ ಸಾಮರ್ಥ್ಯ ತೋರಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ