ಅಡಕತ್ತರಿಯಲ್ಲಿ ಸರ್ಫರಾಜ್​ ಖಾನ್ ಕ್ರಿಕೆಟ್ ಬದುಕು.. ಆರೋಪ ಸಾಬೀತಾದ್ರೆ ಖೇಲ್ ಖತಂ..!

ಆಸ್ಟ್ರೇಲಿಯಾ ಟೂರ್​ ತನಕ ಟೀಮ್ ಇಂಡಿಯಾದಲ್ಲಿ ಎಲ್ಲವೂ ಒಕೆ, ಒಕೆ ಎನ್ನಲಾಗ್ತಿತ್ತು. ಯಾವಾಗ ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ತಲುಪ್ತೋ, ಆಗಿನಿಂದಲೇ ಟೀಮ್ ಇಂಡಿಯಾದಲ್ಲಿ ಕಿಡಿಯಾಗಿದ್ದ ಬಂಡಾಯದ ಹೊಗೆ ಆಡಲಾರಂಭಿಸಿತ್ತು. ಟೀಮ್ ಇಂಡಿಯಾದಲ್ಲಿ ಎಲ್ಲವೂ ಸರಿ ಇಲ್ಲ ಅನ್ನೋ ಡ್ರೆಸ್ಸಿಂಗ್ ರೂಮ್​ನ ಸಿಕ್ರೇಟ್​ಗಳು ಒಂದೊಂದಾಗಿ ರಿವೀಲ್ ಆಗ್ತಿತ್ತು.

ಆದ್ರೆ ಡ್ರೆಸ್ಸಿಂಗ್ ರೂಮ್​ ಸಿನಿಮಾದ ಲೀಕ್ ಮಾಡ್ತಿದ್ದ ಆ ಲೀಕರ್ ಯಾರು ಅನ್ನೋದು ಪ್ರಶ್ನೆಯಾಗಿ ಉಳಿದಿತ್ತು. ಡ್ರೆಸ್ಸಿಂಗ್​ ರೂಮ್​ನ ಸೀಕ್ರೆಟ್ಸ್​ ಲೀಕ್ ಮಾಡ್ತಿದ್ದ ಲೀಕರ್ ಎಂಬ ಆರೋಪ ಮುಂಬೈಕರ್ ಸರ್ಫರಾಜ್ ಖಾನ್ ಮೇಲೆ ಬಂದಿದೆ. ಈ ವಿಚಾರವಾಗಿ ಹೆಡ್ ಕೋಚ್ ಗಂಭೀರ್, ರಿವ್ಯೂವ್ ಮೀಟಿಂಗ್​ನಲ್ಲಿ ಬಾಯ್ಬಿಟ್ಟಿದ್ದಾರೆ. ಡ್ರೆಸ್ಸಿಂಗ್ ರೂಮ್​​ ಟಾಕ್ಸ್​ ಸೋರಿಕೆ ಬಗ್ಗೆ ಬಿಸಿಸಿಐಗೆ ದೂರು ನೀಡಿರುವ ಗಂಭೀರ್, ಸರ್ಫರಾಜ್ ಖಾನ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾರೆ.

ಇದನ್ನೂ ಓದಿ: BCCI ಕೈ ಸೇರಿದ ರಿಪೋರ್ಟ್​.. ಗಂಭೀರ್ ವಿರುದ್ಧ ಗಂಭೀರ ವಿಚಾರ, ವರದಿಯಲ್ಲಿ ಏನಿದೆ?

ಏನಿದು ಆರೋಪ..?

ಮೆಲ್ಬೋರ್ನ್​​ ಟೆಸ್ಟ್ ಸೋಲಿನ ಬೆನ್ನಲ್ಲೇ ಗಂಭೀರ್ ಅವರು ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಸೇರಿದಂತೆ ಇಡೀ ತಂಡದ ಮೇಲೆ ಹರಿಹಾಯ್ದಿದ್ದರಂತೆ. ಇಷ್ಟು ದಿನ ಮುಕ್ತವಾಗಿ ಆಡಲು ಬಿಟ್ಟಿದ್ದೆ, ಇನ್ಮುಂದೆ ನಾನು ಮಾಡಿದ ಪ್ಲಾನ್​ನಂತೆ ಆಡಿ, ಇಲ್ಲ ಹೊರ ನಡೀರಿ ಎಂಬ ಸಂದೇಶ ನೀಡಿದ್ರಂತೆ. ಡ್ರೆಸ್ಸಿಂಗ್​ ರೂಮ್​ನ ಈ ವಾಗ್ವಾದ ಸೇರಿದಂತೆ ಇನ್ನಿತರ ವಿಚಾರಗಳನ್ನ ಸರ್ಫರಾಜ್ ಲೀಕ್ ಮಾಡಿದ್ದಾರೆ ಎಂದು ಹೇಳಲಾಗ್ತಿದೆ.

ಬೆಂಚ್ ಕಾಯಿಸಿದ ಸಿಟ್ಟಿನಲ್ಲಿ ಸರ್ಫರಾಜ್, ಡ್ರೆಸ್ಸಿಂಗ್ ರೂಮ್​ನ ವಿಷ್ಯಗಳನ್ನು ಆಪ್ತ ಬಳಗದಲ್ಲಿ ಹಂಚಿಕೊಂಡ್ರಾ ಎಂಬ ಅನುಮಾನಗಲೂ ಇವೆ. ಸತ್ಯ ಹೊರ ಬರಬೇಕಾದ್ರೆ ನಿಷ್ಪಕ್ಷಪಾತ ತನಿಖೆ ನಡೆಯಬೇಕಿದೆ. ಒಂದು ವೇಳೆ ಸರ್ಫರಾಜ್ ಖಾನ್ ತಪ್ಪು ಮಾಡಿದ್ರೆ, ಅವರ ಕರಿಯರ್​​ಗೆ ದೊಡ್ಡ ಹೊಡೆತ ಬೀಳೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ.

ಇದನ್ನೂ ಓದಿ: ಸಚಿನ್​​ ಪುತ್ರಿ ಆಸ್ಟ್ರೇಲಿಯಾ ಜಾಲಿ ಟ್ರಿಪ್​​; ಸರ್ಫಿಂಗ್, ರೇಸಿಂಗ್, ಸೈಕ್ಲಿಂಗ್ ಫುಲ್ ಮಸ್ತಿ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್