ಶುಭ್ಮನ್​ ಗಿಲ್​​, ಕೆ.ಎಲ್​ ರಾಹುಲ್​ ಆರ್ಭಟ; ಬಾಂಗ್ಲಾ ವಿರುದ್ಧ ಗೆದ್ದು ಬೀಗಿದ ಟೀಮ್​ ಇಂಡಿಯಾ

ದುಬೈನಲ್ಲಿ ನಡೆದ 2025ರ ಚಾಂಪಿಯನ್ಸ್ ಟ್ರೋಫಿಯ 2ನೇ ಪಂದ್ಯದಲ್ಲಿ ಬಾಂಗ್ಲಾದೇಶದ ವಿರುದ್ಧ ಟೀಮ್​ ಇಂಡಿಯಾ ಗೆದ್ದು ಬೀಗಿದೆ. ಇನ್ನೂ 3 ಓವರ್​ 3 ಬಾಲ್​ ಬಾಕಿ ಇರುವಂತೆಯೇ ಟೀಮ್​ ಇಂಡಿಯಾ 4 ವಿಕೆಟ್​ ನಷ್ಟಕ್ಕೆ 231 ರನ್​ ಕಲೆ ಹಾಕಿ ಗೆಲುವು ಸಾಧಿಸಿದೆ.

ಬಾಂಗ್ಲಾದೇಶ ನೀಡಿದ ಸಾಧಾರಣ ರನ್​ಗಳ ಗುರಿ ಬೆನ್ನತ್ತಿದ ಟೀಮ್​ ಇಂಡಿಯಾ ಪರ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮತ್ತು ಶುಭ್ಮನ್​ ಗಿಲ್​ ಅಬ್ಬರಿಸಿದರು. ರೋಹಿತ್​ ಶರ್ಮಾ 3 ಬೌಂಡರಿ ಸಮೇತ 41 ರನ್​​ ಬಾರಿಸಿ ಉತ್ತಮ ಇನ್ನಿಂಗ್ಸ್​​ ಕಟ್ಟಿದ್ರು.

ಗಿಲ್​ ಭರ್ಜರಿ ಶತಕ

ಇನ್ನು, ರೋಹಿತ್​ ಶರ್ಮಾಗೆ ಸಾಥ್​ ನೀಡಿದ ಶುಭ್ಮನ್​ ಗಿಲ್​ ಅಮೋಘ ಶತಕ ಸಿಡಿಸಿದರು. ಕೊನೆಯವರೆಗೂ ಕ್ರೀಸ್​ನಲ್ಲೇ ನಿಂತು ಆಡಿದ ಗಿಲ್​​​ ಎದುರಾಳಿಗಳನ್ನು ಕಾಡಿದ್ರು. 129 ಬಾಲ್​ನಲ್ಲಿ 2 ಸಿಕ್ಸರ್​​, 9 ಫೋರ್​ ಸಮೇತ 101 ರನ್​​ ಚಚ್ಚಿದ್ರು. ಶತಕ ಸಿಡಿಸಿ ಅಜೇಯರಾಗಿ ಉಳಿದರು.

ವಿರಾಟ್​ ಕೊಹ್ಲಿ 22, ಶ್ರೇಯಸ್​ ಅಯ್ಯರ್​ 15, ಅಕ್ಷರ್​ ಪಟೇಲ್​ 8 ರನ್​ ಬಾರಿಸಿದ್ರು. ಗಿಲ್​​ ಜೊತೆಗೆ ನಿಂತು ಆಡಿದ ಕನ್ನಡಿಗ ಕೆ.ಎಲ್​ ರಾಹುಲ್​ 2 ಸಿಕ್ಸರ್​​, 1 ಫೋರ್​ ಸಮೇತ 41 ರನ್​​ ಸಿಡಿಸಿದ್ರು. ಈ ಮೂಲಕ ಭಾರತ ತಂಡವನ್ನು ಗೆಲ್ಲಿಸಿದ್ರು.

ಟಾಸ್​​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಬಾಂಗ್ಲಾದೇಶ ಆರಂಭದಲ್ಲೇ ಬ್ಯಾಕ್​ ಟು ಬ್ಯಾಕ್​​ ವಿಕೆಟ್​ ಕಳೆದುಕೊಂಡಿತ್ತು. ಕೇವಲ 35 ರನ್​ಗೆ 5 ವಿಕೆಟ್​​ ಕಳೆದುಕೊಂಡು 100 ರನ್​​​ ತಲುಪುವುದು ಕಷ್ಟ ಎನ್ನುವ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಆದರೆ, ತೌಹಿದ್ ಹೃದೋಯ್ ಹಾಗೂ ಜಾಕರ್ ಅಲಿ ಅಬ್ಬರದಿಂದ ಬಾಂಗ್ಲಾದೇಶ 228 ರನ್​ ಕಲೆ ಹಾಕಿತ್ತು.

ಬಾಂಗ್ಲಾ ಪರ ಓಪನಿಂಗ್​ ಮಾಡಿದ ಸೌಮ್ಯ ಸರ್ಕಾರ ಮೊದಲ ಓವರ್​ನಲ್ಲೇ ಡಕ್​ ಆದರು. 2ನೇ ಓವರ್​ನಲ್ಲಿ ಕ್ಯಾಪ್ಟನ್​ ನಜ್ಮುಲ್ ಹುಸೇನ್ ಶಾಂತೋ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ಮೆಹಿದಿ ಹಸನ್ ಮಿರಾಜ್ 5 ರನ್​ ಗಳಿಸಿ ಔಟಾದ್ರು. 25 ಎಸೆತಗಳಲ್ಲಿ 4 ಬೌಂಡರಿ ಸಮೇತ 25 ರನ್​ ಗಳಿಸಿದ್ದ ತಾಂಜೀದ್ ಹಸನ್ ಕೂಡ ಪೆವಿಲಿಯನ್​ ಸೇರಿದರು. ಮುಶ್ಫೀಕರ್ ರಹೀಮ್ ಕೂಡ ಡಕೌಟ್​ ಆದ ಕಾರಣ ಬಾಂಗ್ಲಾ 35 ರನ್​ಗೆ 5 ವಿಕೆಟ್​ ಕಳೆದುಕೊಂಡಿತ್ತು.

154 ರನ್​​ಗಳ ಜೊತೆಯಾಟ

100 ರನ್ ಗಳಿಸೋದು ಕೂಡ ಕಷ್ಟ ಎನ್ನುವ ಸ್ಥಿತಿಯಲ್ಲಿ ಬಾಂಗ್ಲಾದೇಶ ಇತ್ತು. 6ನೇ ವಿಕೆಟ್​ಗೆ ಒಂದಾದ ತೌಹಿದ್ ಹೃದೋಯ್ ಹಾಗೂ ಜಾಕರ್ ಅಲಿ ಅಬ್ಬರಿಸಿದರು. ಬರೋಬ್ಬರಿ 154 ರನ್​ಗಳ ಜೊತೆಯಾಟ ಆಡಿ 200ರ ಗಡಿ ದಾಟಿಸಿದರು.

ಜಾಕರ್ ಅಲಿ 114 ಎಸೆತಗಳಲ್ಲಿ 4 ಬೌಂಡರಿ ಸಮೇತ 68 ರನ್​ ಚಚ್ಚಿದ್ರು. ಹೃದೋಯ್​ ಕೊನೆಯ ಓವರ್​​ ತನಕ ಆಡಿ 118 ಎಸೆತಗಳಲ್ಲಿ 6 ಬೌಂಡರಿ, 2 ಸಿಕ್ಸರ್​ಗಳ ನೆರವಿನಿಂದ 100 ರನ್​ ಗಳಿಸಿದರು.

ಇದನ್ನೂ ಓದಿ:ಮೊಹಮ್ಮದ್​ ಶಮಿ ದಾಳಿಗೆ ಬಾಂಗ್ಲಾ ತತ್ತರ; ಕೇವಲ 228 ರನ್​ಗೆ ಆಲೌಟ್​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ