ಗಿಲ್​​, ಶ್ರೇಯಸ್​ ಅಯ್ಯರ್​​ ಅಬ್ಬರ; ಇಂಗ್ಲೆಂಡ್​ ವಿರುದ್ಧ ಟೀಮ್​ ಇಂಡಿಯಾಗೆ ರೋಚಕ ಗೆಲುವು

ಇಂದು ನಾಗ್ಪುರದ ವಿಸಿಎ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಇಂಗ್ಲೆಂಡ್​ ವಿರುದ್ಧ ಗೆದ್ದು ಬೀಗಿದೆ. ಬರೋಬ್ಬರಿ 4 ವಿಕೆಟ್​ಗಳಿಂದ ಭರ್ಜರಿ ಗೆಲುವು ಸಾಧಿಸಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ಇಂಗ್ಲೆಂಡ್​ ತಂಡ ಟೀಮ್​ ಇಂಡಿಯಾಗೆ 249 ರನ್​ಗಳ ಗುರಿ ನೀಡಿತ್ತು. ಇಂಗ್ಲೆಂಡ್​ ನೀಡಿದ 249 ರನ್​ಗಳ ಸಾಧಾರಣ ಗುರಿಯನ್ನು ಬೆನ್ನತ್ತಿದ ಟೀಮ್​ ಇಂಡಿಯಾ ಪರ ಓಪನಿಂದ ಮಾಡಿದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಬಂದಷ್ಟೇ ವೇಗವಾಗಿ ಪೆವಿಲಿಯನ್​ ಸೇರಿದರು.

ಕೇವಲ 2 ರನ್​ಗೆ ಔಟ್​​

ಕ್ಯಾಪ್ಟನ್​ ರೋಹಿತ್​ ಶರ್ಮಾ ತಾನು ಎದುರಿಸಿದ 7 ಬಾಲ್​ಗಳಲ್ಲಿ ಕೇವಲ 2 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದ್ರು. ಸಾಕೀಬ್​ ಮಹ್ಮದ್​ ಬೌಲಿಂಗ್​ನಲ್ಲಿ ಲಿಯಾಮ್​ ಲಿವಿಂಗ್​ಸ್ಟೋನ್​​ಗೆ ಕ್ಯಾಚ್​​ ನೀಡಿ ಮೈದಾನದಿಂದ ಹೊರನಡೆದರು.

ಗಿಲ್​ ಭರ್ಜರಿ ಬ್ಯಾಟಿಂಗ್​

ಕ್ರೀಸ್​ನಲ್ಲಿ ಕೊನೆಯವರೆಗೂ ನಿಂತು ಆಡಿದ ಶುಭ್ಮನ್​ ಗಿಲ್​ ಭರ್ಜರಿ ಬ್ಯಾಟಿಂಗ್​ ಮಾಡಿದ್ರು. ತಾನು ಆಡಿದ 96 ಬಾಲ್​ನಲ್ಲಿ ಬರೋಬ್ಬರಿ 14 ಫೋರ್​ ಸಮೇತ 87 ರನ್​ ಚಚ್ಚಿದ್ರು.

ಶ್ರೇಯಸ್ ಅಯ್ಯರ್ ತಮ್ಮ ಹಳೆಯ ಸ್ವರೂಪಕ್ಕೆ ಮರಳಿದ್ದಾರೆ. ಎಂದಿನಂತೆ ತಮ್ಮ ಅದ್ಭುತ ಆಟ ಪ್ರದರ್ಶಿಸಿದ ಇವರು ಇಂಗ್ಲೆಂಡ್​ ತಂಡದ ಬೌಲರ್​​ಗಳನ್ನು ಕಾಡಿದರು. ತಾನು ಆಡಿದ 36 ಬಾಲ್​ನಲ್ಲಿ 59 ರನ್​ ಚಚ್ಚಿದ್ರು. ಈ ಪೈಕಿ 2 ಭರ್ಜರಿ ಸಿಕ್ಸರ್​​, 9 ಫೋರ್​ ಸಿಡಿಸಿದ್ರು. ಇವರ ಬ್ಯಾಟಿಂಗ್​ ಸ್ಟ್ರೈಕ್​ ರೇಟ್​​ 160ಕ್ಕೂ ಹೆಚ್ಚಿತ್ತು.

ಅಕ್ಷರ್​ ಪಟೇಲ್​​ 52, ಯಶಸ್ವಿ ಜೈಸ್ವಾಲ್​ 15, ಹಾರ್ದಿಕ್​ ಪಾಂಡ್ಯ 9, ರವೀಂದ್ರ ಜಡೇಜಾ 12 ರನ್​ ಕಲೆ ಹಾಕಿದ್ರು. ಭಾರತ ತಂಡ ಈ ಗುರಿಯನ್ನು ಕೇವಲ 38.4 ಓವರ್​ನಲ್ಲಿ ತಲುಪಿದ್ದು, 4 ವಿಕೆಟ್​ಗಳಿಂದ ಗೆದ್ದು ಬೀಗಿದೆ.

ಇದನ್ನೂ ಓದಿ: 6,6,4,4,4,4,4,4,4,4,4; ಇಂಗ್ಲೆಂಡ್​ ಬೌಲರ್​ಗಳನ್ನು ಬಗ್ಗು ಬಡಿದ ಶ್ರೇಯಸ್​ ಅಯ್ಯರ್​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ