ರೋಹಿತ್​ ಶರ್ಮಾ ಅಬ್ಬರ; ಇಂಗ್ಲೆಂಡ್​​ ವಿರುದ್ಧ ಗೆದ್ದು ಬೀಗಿದ ಟೀಮ್​​ ಇಂಡಿಯಾ

ಇಂದು ಕಟಕ್​​ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ 2ನೇ ಏಕದಿನ ಪಂದ್ಯದಲ್ಲಿ ಇಂಗ್ಲೆಂಡ್​​ ವಿರುದ್ಧ ಟೀಮ್​ ಇಂಡಿಯಾ ಗೆದ್ದು ಬೀಗಿದೆ. ಈ ಮೂಲಕ ಟಿ20 ಬೆನ್ನಲ್ಲೇ ಏಕದಿನ ಸರಣಿಯನ್ನು ತನ್ನದಾಗಿಸಿಕೊಂಡಿದೆ.

305 ರನ್​ಗಳ ಬಿಗ್​ ಟಾರ್ಗೆಟ್​ ಬೆನ್ನತ್ತಿದ ಟೀಮ್​ ಇಂಡಿಯಾ ಪರ ಓಪನಿಂಗ್​ ಮಾಡಿದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಭರ್ಜರಿ ಬ್ಯಾಟಿಂಗ್​ ಮಾಡಿದ್ರು. ಆಕ್ರಮಣಕಾರಿ ಆಗಿ ಬ್ಯಾಟ್​ ಬೀಸಿದ ಇವರು ಸ್ಫೋಟಕ ಶತಕ ಸಿಡಿಸಿ ದಾಖಲೆ ಬರೆದಿದ್ದಾರೆ.

ಇನ್ನು, ಕ್ರೀಸ್​ನಲ್ಲೇ ನೆಲಕಚ್ಚಿ ನಿಂತು ಆಡಿದ ರೋಹಿತ್​​ ಇಂಗ್ಲೆಂಡ್​ ಬೌಲರ್​ಗಳನ್ನು ಕಾಡಿದ್ರು. ಕೇವಲ 30 ಬಾಲ್​ನಲ್ಲಿ ಅರ್ಧಶತಕ ಪೂರೈಸಿದ ಇವರು ಬಳಿಕ ತಾಳ್ಮೆಯಿಂದ ಬ್ಯಾಟ್​ ಮಾಡಿದ್ರು. ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಳೆದುಕೊಂಡ್ರೂ ಕುಗ್ಗದ ರೋಹಿತ್​​ ಶತಕ ದಾಖಲಿಸಿದ್ರು.

ಕೇವಲ 90 ಬಾಲ್​​ನಲ್ಲಿ 119 ರನ್​ ಸಿಡಿಸಿದ ರೋಹಿತ್​ ಬೌಂಡರಿಗಳ ಸುರಿಮಳೆಗೈದರು. ಬ್ಯಾಕ್​ ಟು ಬ್ಯಾಕ್​ 7 ಭರ್ಜರಿ ಸಿಕ್ಸರ್​ ಸಿಡಿಸಿದ್ರು. ಹಾಗೆಯೇ ಸುಮಾರು 12 ಫೋರ್​​ ಬಾರಿಸಿದ್ರು. ಇವರ ಬ್ಯಾಟಿಂಗ್​ ಸ್ಟ್ರೈಕ್​ ರೇಟ್​​ 130ಕ್ಕೂ ಹೆಚ್ಚಿತ್ತು. ಈ ಮೂಲಕ ತನ್ನನ್ನು ಟೀಕಿಸಿದವರಿಗೆ ಖಡಕ್​ ಉತ್ತರ ಕೊಟ್ಟರು.

ಇಂಗ್ಲೆಂಡ್​​ ತಂಡದ ವಿರುದ್ಧ ಟೀಮ್​ ಇಂಡಿಯಾ ಉಪನಾಯಕ ಶುಭ್ಮನ್​ ಗಿಲ್​ ಅಬ್ಬರಿಸಿದರು. ಗಿಲ್​ ತಾಳ್ಮೆಯಿಂದಲೇ ಬ್ಯಾಟ್​ ಬೀಸಿ ಜವಾಬ್ದಾರಿಯುತ ಆಟ ಆಡಿದ್ರು. ಇನ್ನು, ಕ್ರೀಸ್​ನಲ್ಲೇ ನೆಲಕಚ್ಚಿ ನಿಂತು ಆಡಿದ ಗಿಲ್​​ ಅವರು ಸ್ಫೋಟಕ ಅರ್ಧಶತಕ ಸಿಡಿಸಿದರು. ತಾನು ಆಡಿದ 52 ಬಾಲ್​ನಲ್ಲಿ 60 ರನ್​​ ಬಾರಿಸಿದ್ರು. 1 ಭರ್ಜರಿ ಸಿಕ್ಸರ್​​, ಬರೋಬ್ಬರಿ 9 ಫೋರ್​​ ಚಚ್ಚಿದ್ರು. ಈ ಮೂಲಕ ಉಪನಾಯಕನಾಗಿ ಅತ್ಯುತ್ತಮ ಬ್ಯಾಟಿಂಗ್​ ಮಾಡಿದರು.

ವಿರಾಟ್​ ಕೊಹ್ಲಿ 5 ರನ್​ಗೆ ಔಟಾದ್ರು. ಶ್ರೇಯಸ್​ 47, ಅಕ್ಷರ್​ ಪಟೇಲ್​​ 41, ರಾಹುಲ್​ 10, ಹಾರ್ದಿಕ್​ ಪಾಂಡ್ಯ 10, ಜಡೇಜಾ 11 ರನ್​ ಗಳಿಸಿದರು. ಭಾರತ ತಂಡ ಇನ್ನೂ 5.3 ಓವರ್​​ ಬಾಕಿ ಇರುವಂತೆಯೇ 44.5 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 308 ರನ್​ ಕಲೆ ಹಾಕಿ ಗೆದ್ದು ಬೀಗಿದೆ.

ಇದನ್ನೂ ಓದಿ:6,6,6,6,6,6,6; ಸ್ಫೋಟಕ ಶತಕ ಸಿಡಿಸಿದ ರೋಹಿತ್​ ಶರ್ಮಾ; ಯುವರಾಜ್​ ಸಿಂಗ್​​ ದಾಖಲೆ ಉಡೀಸ್​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ