ಕೈ ಕೊಟ್ಟ ಕೊಹ್ಲಿ, ರೋಹಿತ್​​; ಭಾರತ ತಂಡದ ಮರ್ಯಾದೆ ಉಳಿಸಿದ ಆಟಗಾರರು ಇವರೇ!

ಟೀಮ್​ ಇಂಡಿಯಾ, ಆಸ್ಟ್ರೇಲಿಯಾ ನಡುವಿನ 3ನೇ ಟೆಸ್ಟ್​ ಪಂದ್ಯದ 3ನೇ ದಿನದ ಆಟ ಅಂತ್ಯವಾಗಿದೆ. ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್​​ನಲ್ಲಿ ಟೀಮ್​ ಇಂಡಿಯಾಗೆ 445 ರನ್​ಗಳ ಗುರಿ ನೀಡಿದೆ. ಈ ರನ್​ಗಳ ಗುರಿ ಬೆನ್ನತ್ತಿದ ಟೀಮ್​ ಇಂಡಿಯಾಗೆ ಮೊದಲ ಓವರ್​​ನಲ್ಲೇ ಮಿಚೆಲ್ ಸ್ಟಾರ್ಕ್ ಆಘಾತ ನೀಡಿದ್ರು.

ಮೊದಲ ಓವರ್​​​ನ 2ನೇ ಎಸೆತದಲ್ಲೇ ಟೀಮ್​ ಇಂಡಿಯಾದ ಸ್ಟಾರ್​ ಓಪನರ್​ ಯಶಸ್ವಿ ಜೈಸ್ವಾಲ್​​​ ವಿಕೆಟ್​​​ ತೆಗೆದರು ಸ್ಟಾರ್ಕ್​​. ಜೈಸ್ವಾಲ್​​ ಕೇವಲ 4 ರನ್​ಗೆ ಔಟಾದ್ರು. ಇದರ ಬೆನ್ನಲ್ಲೇ ಶುಭ್​ಮನ್ ಗಿಲ್ (1) ಕೂಡ ಸ್ಟಾರ್ಕ್ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದರು.

ಇನ್ನು 4ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಕೊಹ್ಲಿ 3 ರನ್​ ಗಳಿಸಿ ಜೋಶ್​ ಹೇಜಲ್​ವುಡ್​ ಬೌಲಿಂಗ್​​ನಲ್ಲಿ ವಿಕೆಟ್​ ಕೀಪರ್​ಗೆ ಕ್ಯಾಚ್​ ನೀಡಿದ್ರು. ಕವರ್​ ಡ್ರೈವ್​ ಬಾರಿಸಲು ಹೋಗಿ ಕ್ಯಾಚ್​ ಕೊಟ್ಟರು. ಬಳಿಕ ಬಂದ ರಿಷಭ್ ಪಂತ್ ಕೂಡ 9 ರನ್ ​​ಗಳಿಸಿ ಪೆವಿಲಿಯನ್​ ಸೇರಿದರು. ರೋಹಿತ್​ ಶರ್ಮಾ 10, ನಿತೀಶ್​ ಕುಮಾರ್​ ರೆಡ್ಡಿ 16 ರನ್​​ಗೆ ವಿಕೆಟ್​ ಒಪ್ಪಿಸಿದ್ರು.

ಟೀಮ್​​ ಇಂಡಿಯಾಗೆ ಆಸರೆಯಾದ ಜಡೇಜಾ, ಕೆ.ಎಲ್​ ರಾಹುಲ್​​

ಇನ್ನು, ಟೀಮ್​ ಇಂಡಿಯಾಗೆ ಮಳೆ ಕಾಡಿತ್ತು. ಮಳೆ ಅಡಚಣೆ ಮಧ್ಯೆಯೂ ಟೀಮ್​ ಇಂಡಿಯಾ 74.5 ಓವರ್​​ನಲ್ಲಿ 9 ವಿಕೆಟ್​ ನಷ್ಟಕ್ಕೆ 252 ರನ್​ ಕಲೆ ಹಾಕಿದೆ. ಟೀಮ್​ ಇಂಡಿಯಾ ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಳೆದುಕೊಂಡ್ರೂ ಕೆ.ಎಲ್​ ರಾಹುಲ್​​ ಮಾತ್ರ ಕ್ರೀಸ್​ನಲ್ಲೇ ನಿಂತು ಡಿಫೆಂಡ್​ ಮಾಡಿದ್ರು. ತಾಳ್ಮೆಯಿಂದಲೇ ಬ್ಯಾಟ್​ ಬೀಸಿದ ರಾಹುಲ್​ ಅವರು, 139 ಬಾಲ್​​ನಲ್ಲಿ 8 ಫೋರ್​ ಸಮೇತ 84 ರನ್​ ಬಾರಿಸಿದ್ರು. ಇವರಿಗೆ ಸಾಥ್​ ಕೊಟ್ಟ ಜಡೇಜಾ ತಾನು ಎಸೆದ 123 ಬಾಲ್​ನಲ್ಲಿ 1 ಸಿಕ್ಸರ್​​, 7 ಫೋರ್​ ಸಮೇತ 77 ರನ್​​ ಚಚ್ಚಿದ್ರು. ಈ ಮೂಲಕ ಭಾರತ ತಂಡದ ಮಾನ ಕಾಪಾಡಿದ್ರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ