6,6,4,4,4,4,4,4,4,4,4; ಇಂಗ್ಲೆಂಡ್​ ಬೌಲರ್​ಗಳನ್ನು ಬಗ್ಗು ಬಡಿದ ಶ್ರೇಯಸ್​ ಅಯ್ಯರ್​​

ಭಾರತ ತಂಡ ಇಂಗ್ಲೆಂಡ್​ ವಿರುದ್ಧ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಆಡುತ್ತಿದ್ದು, ಮೊದಲ ಪಂದ್ಯದಲ್ಲೇ ಗೆಲುವು ಸಾಧಿಸಿದೆ. ಈ ಮೂಲಕ ಏಕದಿನ ಸರಣಿಯಲ್ಲೂ ಇಂಗ್ಲೆಂಡ್​ ತಂಡವನ್ನು ಬಗ್ಗು ಬಡಿದಿದೆ.

ಇಂದು ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಭಾರತದ ಆಟಗಾರ ಶ್ರೇಯಸ್ ಅಯ್ಯರ್ ತಮ್ಮ ಹಳೆಯ ಸ್ವರೂಪಕ್ಕೆ ಮರಳಿದ್ದಾರೆ. ಎಂದಿನಂತೆ ತಮ್ಮ ಅದ್ಭುತ ಆಟ ಪ್ರದರ್ಶಿಸಿದ ಇವರು ಇಂಗ್ಲೆಂಡ್​ ತಂಡದ ಬೌಲರ್​​ಗಳನ್ನು ಕಾಡಿದರು.

ಸಿಡಿಲಬ್ಬರದ ಅರ್ಧಶತಕ

ಇನ್ನು, ಶ್ರೇಯಸ್ ಅಯ್ಯರ್ ತಾನು ಆಡಿದ 36 ಬಾಲ್​ನಲ್ಲಿ 59 ರನ್​ ಚಚ್ಚಿದ್ರು. ಈ ಪೈಕಿ 2 ಭರ್ಜರಿ ಸಿಕ್ಸರ್​​, 9 ಫೋರ್​ ಸಿಡಿಸಿದ್ರು. ಇವರ ಬ್ಯಾಟಿಂಗ್​ ಸ್ಟ್ರೈಕ್​ ರೇಟ್​​ 160ಕ್ಕೂ ಹೆಚ್ಚಿದೆ.

2025ರ ಐಸಿಸಿ ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ಶ್ರೇಯಸ್ ಅಯ್ಯರ್ ಅವರ ಅದ್ಭುತ ಆಟ ಟೀಮ್​ ಇಂಡಿಯಾದ ಚಿಂತೆಯನ್ನು ದೂರ ಮಾಡಿದೆ. ಶ್ರೇಯಸ್ ಚಾಂಪಿಯನ್ಸ್​ ಟ್ರೋಫಿಯಲ್ಲಿ 4ನೇ ಸ್ಥಾನಕ್ಕಾಗಿ ಪ್ರಬಲ ಸ್ಪರ್ಧಿಯಾಗಿದ್ದಾರೆ. ಅಷ್ಟೇ ಅಲ್ಲ 4ನೇ ಕ್ರಮಾಂಕದಲ್ಲಿ ಇಲ್ಲಿಯವರೆಗೆ ಅದ್ಭುತ ಪ್ರದರ್ಶನ ನೀಡಿದ್ದಾರೆ.

ನಾಗ್ಪುರದ ವಿಸಿಎ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ಇಂಗ್ಲೆಂಡ್​ ತಂಡ ಟೀಮ್​ ಇಂಡಿಯಾಗೆ 249 ರನ್​ಗಳ ಗುರಿ ನೀಡಿತ್ತು. ಭಾರತ ತಂಡ ಈ ಗುರಿಯನ್ನು ಕೇವಲ 38.4 ಓವರ್​ನಲ್ಲಿ ತಲುಪಿದ್ದು, 4 ವಿಕೆಟ್​ಗಳಿಂದ ಗೆದ್ದು ಬೀಗಿದೆ.

ಇದನ್ನೂ ಓದಿ:RCB ಸ್ಟಾರ್​ ಸಾಲ್ಟ್​​, ಜೇಕಬ್​ ಬ್ಯಾಟಿಂಗ್​ ಬೆಚ್ಚಿಬಿದ್ದ ಭಾರತ; ಟೀಮ್​ ಇಂಡಿಯಾಗೆ ಇಂಗ್ಲೆಂಡ್​ ಟಾರ್ಗೆಟ್​ ಎಷ್ಟು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ