ಚಾಂಪಿಯನ್ಸ್​ ಟ್ರೋಫಿ ಮಹತ್ವದ ಪಂದ್ಯ; ಭಾರತ ತಂಡದ ಮಾನ ಕಾಪಾಡಿದ ಶ್ರೇಯಸ್ ಅಯ್ಯರ್​

ಇಂದು ನಡೆಯುತ್ತಿರೋ 2025ರ ಐಸಿಸಿ ಚಾಂಪಿಯನ್ಸ್​ ಟ್ರೋಫಿಯ ನಾಕೌಟ್​ ಪಂದ್ಯದಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಟೀಮ್​ ಇಂಡಿಯಾ ಬ್ಯಾಟರ್​ ಶ್ರೇಯಸ್​ ಅಯ್ಯರ್​ ಅಬ್ಬರಿಸಿದರು.

ಪಂದ್ಯದಲ್ಲಿ ಟೀಮ್ ಇಂಡಿಯಾದ ಟಾಪ್‌ ಆರ್ಡರ್‌ ಬ್ಯಾಟರ್ಸ್​ ವೈಫಲ್ಯ ಅನುಭವಿಸಿದ್ರು. ಟೀಮ್ ಇಂಡಿಯಾದ ಸ್ಟಾರ್ ಬ್ಯಾಟರ್ಸ್ ಆದ ರೋಹಿತ್ ಶರ್ಮಾ (15), ಶುಭಮನ್‌ ಗಿಲ್‌ (2) ರನ್‌ ಗಳಿಸಿ ವಿಕೆಟ್​ ಒಪ್ಪಿಸಿದ್ರು. ತಮ್ಮ ಏಕದಿನ ವೃತ್ತಿ ಜೀವನದ 300ನೇ ಏಕದಿನ ಪಂದ್ಯವನ್ನು ಆಡಿದ ಕೊಹ್ಲಿ ಕೇವಲ 11 ರನ್​ಗೆ ಔಟಾದ್ರು.

ಕೇವಲ 30 ರನ್​ಗೆ 3 ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಟೀಮ್ ಇಂಡಿಯಾಗೆ ಆಸರೆ ಆಗಿದ್ದು ಶ್ರೇಯಸ್​ ಅಯ್ಯರ್​. ಮಿಡ್ಲ್‌ ಓವರ್‌ನಲ್ಲಿ ವಿಕೆಟ್‌ ಬೀಳದಂತೆ ಬ್ಯಾಟ್​ ಬೀಸಿದರು. ಸ್ಥಿರ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಇವರು ಸಖತ್​ ಆಟ ಆಡಿದರು.

ಮಿಡಲ್​ ಆರ್ಡರ್​​ನಲ್ಲಿ ಶ್ರೇಯಸ್​ ಅಬ್ಬರ

ಮಿಡ್ಲ್ ಆರ್ಡರ್ ಬ್ಯಾಟರ್‌ ಶ್ರೇಯಸ್‌ ಅಯ್ಯರ್‌ ಅಬ್ಬರಿಸಿದರು. ಇವರು 98 ಎಸೆತಗಳಲ್ಲಿ 4 ಬೌಂಡರಿ, 2 ಸಿಕ್ಸರ್ ಸಹಾಯದಿಂದ 79 ರನ್‌ ಸಿಡಿಸಿದರು. ತಾಳ್ಮೆ ಕಳೆದುಕೊಂಡು ಇಲ್ಲದ ಶಾಟ್‌ ಹೊಡೆಯಲು ಹೋಗಿ ಔಟ್‌ ಆದರು. ಇವರ ಸ್ಟ್ರೈಕ್​ ರೇಟ್​​ 80ಕ್ಕೂ ಹೆಚ್ಚಿತ್ತು.

ಇದನ್ನೂ ಓದಿ:ಶ್ರೇಯಸ್​​ ಅಯ್ಯರ್​​, ಹಾರ್ದಿಕ್​ ಪಾಂಡ್ಯ ಅಬ್ಬರ; ನ್ಯೂಜಿಲೆಂಡ್​ಗೆ ಟೀಮ್​ ಇಂಡಿಯಾ 250 ರನ್​ ಟಾರ್ಗೆಟ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ