ಕ್ಯಾಪ್ಟನ್​​ ರೋಹಿತ್​ಗೆ ಮತ್ತೆ ಶಾಕ್​​; ಸರಿಯಾಗಿ ಕೈ ಕೊಟ್ಟ ವಿರಾಟ್​ ಕೊಹ್ಲಿ

ಟೀಮ್​ ಇಂಡಿಯಾ, ನ್ಯೂಜಿಲೆಂಡ್​ ತಂಡದ ನಡುವಿನ ಕೊನೆಯ ಟೆಸ್ಟ್​​ ನಡೆಯುತ್ತಿದೆ. ಮೊದಲ ದಿನದ ಆಟಕ್ಕೆ ಭಾರತ ಕ್ರಿಕೆಟ್​ ತಂಡದ ಬ್ಯಾಟಿಂಗ್​ ಚಿತ್ರಣವೇ ಬದಲಾಗಿ ಹೋಗಿದೆ.

ಮುಂಬೈನ ವಾಂಖೆಡೆ ಇಂಟರ್​ ನ್ಯಾಷನಲ್​​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆಯುತ್ತಿರೋ ಮಹತ್ವದ ಪಂದ್ಯದಲ್ಲಿ ಟಾಸ್​ ಗೆದ್ದ ನ್ಯೂಜಿಲೆಂಡ್​ ಮೊದಲು ಬ್ಯಾಟಿಂಗ್​ ಮಾಡಿದೆ. ಟೀಮ್​ ಇಂಡಿಯಾ ನ್ಯೂಜಿಲೆಂಡ್​ ತಂಡವನ್ನು ಮೊದಲ ಇನ್ನಿಂಗ್ಸ್​ನಲ್ಲಿ ಕೇವಲ 235 ರನ್​ಗಳಿಗೆ ಆಲೌಟ್​ ಮಾಡಿದೆ. ಜಡೇಜಾ 65 ರನ್​ ನೀಡಿ 5 ವಿಕೆಟ್​ ತೆಗೆದರೆ, ವಾಷಿಂಗ್ಟನ್​ ಸುಂದರ್​​​ 81 ರನ್​ ನೀಡಿ 4 ವಿಕೆಟ್​ ಕಿತ್ತರು.

ಕೇವಲ 8 ಬಾಲ್​ನಲ್ಲಿ 3 ವಿಕೆಟ್​​ ಪತನ

ನ್ಯೂಜಿಲೆಂಡ್​ ತಂಡದ ಸಾಧಾರಣ ಟಾರ್ಗೆಟ್​ ಬೆನ್ನತ್ತಿದ ಟೀಮ್​ ಇಂಡಿಯಾ ಬ್ಯಾಕ್​​ ಟು ಬ್ಯಾಕ್​ ವಿಕೆಟ್​ ಕಳೆದುಕೊಂಡಿದೆ. ಕೇವಲ 8 ಎಸೆತಗಳ ಅಂತರದಲ್ಲಿ ಬರೋಬ್ಬರಿ 3 ವಿಕೆಟ್​ ಉರುಳಿದವು. ಆರಂಭಿಕ ಬ್ಯಾಟರ್​​ ಯಶಸ್ವಿ ಜೈಸ್ವಾಲ್ (30) ಮತ್ತು ಶುಭ್ಮನ್​​ ಗಿಲ್​ (31 ಅಜೇಯ) ರನ್​ ಗಳಿಸಿದ್ರು. ನಾಯಕ ರೋಹಿತ್ ಶರ್ಮಾ ಕೂಡ (18) ಇನಿಂಗ್ಸ್‌ಗೆ ಕೊಡುಗೆ ನೀಡುವಲ್ಲಿ ವಿಫಲವಾದರು.

ಮತ್ತೆ ಕೈ ಕೊಟ್ಟ ಕೊಹ್ಲಿ

ಮೂರನೇ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲೂ ಕೊಹ್ಲಿ ಬ್ಯಾಟಿಂಗ್​ ವೈಫಲ್ಯ ಮುಂದುವರಿದಿದೆ. ಕೇವಲ 4 ರನ್​​ಗಳಿಗೆ ವಿರಾಟ್​ ಕೊಹ್ಲಿ ಔಟ್​ ಆಗಿದ್ದಾರೆ. ದಿನದಾಟದ ಕೊನೆಯಲ್ಲಿ ಅನಗತ್ಯ ರನ್‌ಗಾಗಿ ಓಡಿ ಕೊಹ್ಲಿ ರನೌಟ್​ ಆದರು. ಈ ಮೂಲಕ ಭಾರತ ತಂಡಕ್ಕೆ ದೊಡ್ಡ ತಲೆನೋವಾಗಿ ಪರಿಣಮಿಸಿದ್ರು. ಭಾರತ ತಂಡ 19 ಓವರ್​ನಲ್ಲಿ 4 ವಿಕೆಟ್​ ಕಳೆದುಕೊಂಡು 86 ರನ್​ ಕಲೆ ಹಾಕಿದೆ.

Atleast Virat Kohli dived against New Zealand ? pic.twitter.com/gho5sInLf8

— M. (@IconicKohIi)

Atleast Virat Kohli dived against New Zealand 💔 pic.twitter.com/gho5sInLf8

— M. (@IxonicKohli) November 1, 2024

">November 1, 2024

ಎರಡು ಪಂದ್ಯಗಳಲ್ಲಿ ಹೀನಾಯ ಸೋಲು

ಟೀಮ್​ ಇಂಡಿಯಾ ಬೆಂಗಳೂರಿನಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ 8 ವಿಕೆಟ್‌ಗಳಿಂದ ಸೋತಿತ್ತು. ಬಳಿಕ ಪುಣೆಯಲ್ಲಿ ನಡೆದ 2ನೇ ಟೆಸ್ಟ್‌ನಲ್ಲಿ 113 ರನ್‌ಗಳ ಪರಾಜಯ ಅನುಭವಿಸಿದೆ. ಇದು ಮುಂದಿನ ವಿಶ್ವಟೆಸ್ಟ್​ ಚಾಂಪಿಯನ್​ಶಿಪ್​​ ಟ್ರೋಫಿ ಪರಿಣಾಮ ಬೀರಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ