ಕಮರಿ ಹೋಯಿತು ಆಟಗಾರರ ಟಿ20 ವಿಶ್ವಕಪ್​​​​ ಆಡೋ ಕನಸು

ವಿಶ್ವಕಪ್​ ತಂಡದಲ್ಲಿ ಸ್ಥಾನವಿಲ್ಲ ಅನ್ನೋದು ಈಗ ಕನ್​ಫರ್ಮ್​

ಈ ಸ್ಟಾರ್​ ಆಟಗಾರರ​​ ಕ್ರಿಕೆಟ್​ ಕರಿಯರ್​ ಮುಗಿಯಿತಾ..?

2024ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಬೆನ್ನಲ್ಲೇ ಟಿ20 ವಿಶ್ವಕಪ್​​ ಶುರುವಾಗಲಿದೆ. ಬಹಳ ದಿನಗಳ ಬಳಿಕ ಟಿ20 ಕ್ರಿಕೆಟ್​​ಗೆ ಟೀಮ್​ ಇಂಡಿಯಾದ ಕ್ಯಾಪ್ಟನ್​ ರೋಹಿತ್​ ಶರ್ಮಾ, ಸೂಪರ್​ ಸ್ಟಾರ್​​ ವಿರಾಟ್​ ಕೊಹ್ಲಿ ಕಮ್​ಬ್ಯಾಕ್​ ಮಾಡಿದ್ದಾರೆ. ಇದರ ಜತೆಗೆ ಹಲವು ಗೊಂದಲಗಳಿದ್ದೂ, ಟೀಮ್​ ಇಂಡಿಯಾದ ಈ ಕ್ರಿಕೆಟಿಗರ ಟಿ20 ಕರಿಯರ್​ ಮುಗೀತಾ? ಅನ್ನೋ ಚರ್ಚೆ ಶುರುವಾಗಿದೆ.

ಐಪಿಎಲ್​​ ಮುಗಿದ ಬೆನ್ನಲ್ಲೇ ಟಿ20 ವಿಶ್ವಕಪ್​ಗೆ ಬಲಿಷ್ಠ ಟೀಮ್​ ಇಂಡಿಯಾ ಅನೌನ್ಸ್ ಆಗಲಿದೆ. ಕ್ಯಾಪ್ಟನ್​ ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ಜತೆ ಮೀಟಿಂಗ್​ ನಡೆಸಿದ ಬಳಿಕ ಟೀಮ್​ ಇಂಡಿಯಾದ ಹೆಡ್​​ ಕೋಚ್​​​ ರಾಹುಲ್​ ದ್ರಾವಿಡ್​ ಮತ್ತು ಸೆಲೆಕ್ಷನ್​ ಕಮಿಟಿ 17 ಆಟಗಾರರ ಬಲಿಷ್ಠ ತಂಡ ಪ್ರಕಟಿಸಲಿದೆ. ತಂಡದದಲ್ಲಿ ಟೀಮ್​ ಇಂಡಿಯಾದ ಹಲವು ಆಟಗಾರರಿಗೆ ಚಾನ್ಸ್​ ಸಿಗೋದು ಡೌಟ್​ ಆಗಿದ್ದು, ಇವರ ಕ್ರಿಕೆಟ್​ ಜೀವನದ ಕಥೆ ಅಡಕತ್ತರಿಗೆ ಸಿಲುಕಿದೆ.

ಶಿಖರ್​ ಧವನ್​ ಕರಿಯರ್​ಗೆ ಫುಲ್ ಸ್ಟಾಫ್​.?

ರೇಸ್​ನಲ್ಲಿ ಮುಂಚೂಣಿಯಲ್ಲಿರಲಿಲ್ಲ. ಹಾಗಿದ್ರೂ, ಧವನ್​ ಸ್ಥಾನ ಸಿಗಬಹುದು ಅನ್ನೋ ಟಾಕ್​ ಸಣ್ಣಮಟ್ಟಿಗೆ ಇತ್ತು. ಆದ್ರೆ, ಆ ನಿರೀಕ್ಷೆ ಹುಸಿಯಾಗಲಿದೆ. ಇದರೊಂದಿಗೆ ಶಿಖರ್​ ಧವನ್​ ಕರಿಯರ್​​ಗೂ ಬಹುತೇಕ ಫುಲ್​ಸ್ಟಾಫ್​ ಬಿದ್ದಂತಾಗಿದೆ.

ಯುಜುವೇಂದ್ರ ಚಹಲ್​ ಭವಿಷ್ಯ ಅತಂತ್ರ.!

ಟಿ20 ವಿಶ್ವಕಪ್​​ ತಂಡದ ಆಯ್ಕೆ ರೇಸ್​​ನಲ್ಲಿ ಕುಲ್​ದೀಪ್​ ಯಾದವ್​​, ಸ್ಪಿನ್ನರ್​ ಯುಜುವೇಂದ್ರ ಚಹಲ್​ರನ್ನ ಓವರ್​​ಟೇಕ್​ ಮಾಡಲಿದ್ದಾರೆ. ಇದ್ರೊಂದಿಗೆ ಚಹಲ್​ ಭವಿಷ್ಯ ಅತಂತ್ರಕ್ಕೆ ಸಿಲುಕಿದೆ. ನಿಜ ಹೇಳಬೇಕು ಅಂದ್ರೆ, ವೈಟ್​​ಬಾಲ್​ ಸ್ಪೆಷಲಿಸ್ಟ್​ ಅನ್ನೋ ಟ್ಯಾಗ್​ ಲೈನ್​ ಇದ್ರೂ, ಫೀಲ್ಡಿಂಗ್​, ಬ್ಯಾಟಿಂಗ್​ನಲ್ಲಿ ತೀವ್ರ ಹಿನ್ನಡೆ ಅನುಭವಿಸ್ತಾ ಇರೋ ಚಹಲ್​​ ಕರಿಯರ್​​ ಅಡಕತ್ತರಿಗೆ ಸಿಲುಕಿದೆ.

ಅಶ್ವಿನ್​ ಪಾಲಿಗೆ ಟಿ20 ಡೋರ್​​ ಕ್ಲೋಸ್​​.?

ಅನುಭವಿ ಆಫ್​ ಸ್ಪಿನ್ನರ್​ ಆರ್​​. ಅಶ್ವಿನ್​ಗೆ ಟಿ20 ವಿಶ್ವಕಪ್​​ ತಂಡದಲ್ಲಿ ಸ್ಥಾನ ಸಿಗೋದು ಡೌಟ್​ ಎನ್ನಲಾಗಿದೆ. ವಿಶ್ವಕಪ್​ ತಂಡದಲ್ಲಿ ಸ್ಥಾನ ಸಿಗಲ್ಲ ಅನ್ನೋದು ಕನ್​ಫರ್ಮ್​ ಆಗಿದ್ದು, ಬಹುತೇಕ ಟಿ20 ಕರಿಯರ್​​ ಅಂತ್ಯ ಕಂಡಂತಾಗಿದೆ.

ಭುವನೇಶ್ವರ್​ ಕುಮಾರ್​​​ ಕರಿಯರ್​ ಖತಂ.?

ಕಳೆದ ನ್ಯೂಜಿಲೆಂಡ್​​ ಪ್ರವಾಸದ ಬಳಿಕ ಟೀಮ್​ ಇಂಡಿಯಾದಿಂದ ಮರೆಯಾಗಿರುವ ವೇಗಿ ಭುವನೇಶ್ವರ್​ ಕುಮಾರ್​​ ಮತ್ತೆ ಕಮ್​ಬ್ಯಾಕ್​ ಮಾಡಲು ಕಸರತ್ತು ನಡೆಸ್ತಿದ್ದಾರೆ. ಆದ್ರೆ, ಟೀಮ್​ ಮ್ಯಾನೇಜ್​ಮೆಂಟ್​ ಹಾಗೂ ಸೆಲೆಕ್ಷನ್​ ಕಮಿಟಿ ಭುವನೇಶ್ವರ್​ ಕುಮಾರ್​ರನ್ನ ಬಿಟ್ಟು ಮುಂದೆ ಸಾಗಿದಂತಿದೆ. ಇದೀಗ ಟಿ20 ವಿಶ್ವಕಪ್​ಗೆ ಭುವಿಗೆ ಮತ್ತೆ ಟೀಮ್​ ಇಂಡಿಯಾದಲ್ಲಿ ಸ್ಥಾನ ಸಿಗೋದು ಡೌಟ್​.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ