ಟೀಮ್​ ಇಂಡಿಯಾದಿಂದ ನಾಲ್ವರು ಕೊಹ್ಲಿ ಶಿಷ್ಯಂದಿರಿಗೆ ಕೊಕ್; ಸ್ಟಾರ್​ ಆಟಗಾರರ ಟಿ20 ಕರಿಯರ್​​ ಅಂತ್ಯ

ಟೀಮ್​ ಇಂಡಿಯಾ, ಇಂಗ್ಲೆಂಡ್​ ನಡುವಿನ 5 ಪಂದ್ಯಗಳ ಟಿ20 ಸರಣಿ ಶುರುವಾಗಲಿದೆ. ಇದೇ ತಿಂಗಳು ಜನವರಿ 20ನೇ ತಾರೀಕು ಶುರುವಾಗಲಿರೋ ಟಿ20 ಸರಣಿಗೆ ಬಲಿಷ್ಠ ಟೀಮ್​ ಇಂಡಿಯಾ ಪ್ರಕಟಿಸಲಾಗಿದೆ.

ಹಲವು ವರ್ಷಗಳ ಬಳಿಕ ಟೀಮ್​ ಇಂಡಿಯಾಗೆ ಸೂಪರ್ ಸ್ಟಾರ್ ಬೌಲರ್‍‌ ಮೊಹಮ್ಮದ್‌ ಶಮಿ ಕಮ್​ಬ್ಯಾಕ್​ ಮಾಡಿದ್ದಾರೆ. ತಂಡವನ್ನು ಸೂರ್ಯಕುಮಾರ್ ಯಾದವ್ ಮುನ್ನಡೆಸಲಿದ್ದಾರೆ. ಸಂಜು ಸ್ಯಾಮ್ಸನ್‌ ಹಾಗೂ ಧೃವ್ ಜುರೇಲ್‌ ವಿಕೆಟ್‌ ಕೀಪರ್‍‌ ಆಗಿ ಕಾಣಿಸಿಕೊಂಡಿದ್ದಾರೆ. ಇದರ ಮಧ್ಯೆ ಟೀಮ್​ ಇಂಡಿಯಾ ಉಪನಾಯಕನಿಗೆ ಕೊಕ್​ ನೀಡಲಾಗಿದೆ.

ಮಹತ್ವದ ಟಿ20 ಸರಣಿಗೆ ಯುವ ಆಟಗಾರರಿಗೆ ಮಣೆ ಹಾಕಲಾಗಿದೆ. ಸರಣಿಯಲ್ಲಿ ಯುವ ಆಟಗಾರರು ತಮ್ಮ ಕ್ಷಮತೆಯನ್ನು ಸಾಬೀತು ಪಡಿಸಲಿದ್ದಾರೆ. ಗಿಲ್​ ಬದಲಿಗೆ ಸ್ಟಾರ್​ ಆಲ್​ರೌಂಡರ್​ ಅಕ್ಷರ್‍‌ ಪಟೇಲ್‌ ಅವರಿಗೆ ಉಪನಾಯಕ ಪಟ್ಟ ಕಟ್ಟಲಾಗಿದೆ. ತಂಡದಲ್ಲಿ ಸ್ಟಾರ್ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ ಸ್ಥಾನ ಪಡೆದಿದ್ದಾರೆ. ಆದ್ರೆ, ಈ ಸಿರೀಸ್​ನಲ್ಲಿ ಸ್ಥಾನ ಪಡೆಯದೇ ವಿಶ್ರಾಂತಿಯಲ್ಲಿರುವ ಆಟಗಾರರ ಪಾಲಿಗಂತೂ, ಭವಿಷ್ಯದ ಪ್ರಶ್ನೆ ಉದ್ಭವವಾಗಿದೆ.

ರಿಷಭ್ ಪಂತ್

ಟೀಮ್ ಇಂಡಿಯಾದ ಡೇರ್ ಡೆವಿಲ್ ಬ್ಯಾಟರ್ ರಿಷಭ್ ಪಂತ್. ಈತನ ಟಿ20 ಕರಿಯರ್ ಎಂಡ್ ಕಾರ್ಡ್​ ಬಿದ್ದಂತಿದೆ. ಯಾಕಂದ್ರೆ, ಟಿ20ಯಲ್ಲಿ ಅಬ್ಬರಿಸ್ತಿರುವ ಸಂಜು ಸ್ಯಾಮ್ಸನ್​, ಇಂಗ್ಲೆಂಡ್ ಎದುರು ಅದೇ ಜೋಶ್​ನಲ್ಲಿ ಸಿಡಿದ್ರೆ, ಟಿ20ಗೆ ಪಂತ್​ ಟಾಟಾ ಭಾಯ್ ಭಾಯ್ ಹೇಳಬೇಕಾದ ಪರಿಸ್ಥಿತಿ ಎದುರಾಗೋದ್ರಲ್ಲಿ ಡೌಟೇ ಇಲ್ಲ. ಬ್ಯಾಕ್ ಅಪ್ ವಿಕೆಟ್ ಕೀಪರ್ ಆಗಿ ಧ್ರುವ್ ಜುರೇಲ್ ತಂಡದಲ್ಲಿದ್ದಾರೆ. ಹೀಗಾಗಿ ಟಿ20ಯಲ್ಲಿ ಫೈರಿ ಪರ್ಫಾಮೆನ್ಸ್ ನೀಡದ ಪಂತ್​, ಸೈಡ್​ ಲೈನ್ ಆದ್ರು ಅಚ್ಚರಿ ಇಲ್ಲ.​​​​​​​​​​​​​​​​​​​​​​​

ಶುಭ್​ಮನ್ ಗಿಲ್

ಶುಭ್​ಮನ್​​​​​ ಗಿಲ್​​ ಟಿ20 ಭವಿಷ್ಯವೂ ಪ್ರಶ್ನಾರ್ಥಕ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಯಾಕಂದ್ರೆ, ಮುಂಬೈಕರ್ ಯಶಸ್ವಿ ಜೈಸ್ವಾಲ್, ಫಸ್ಟ್​ ಚಾಯ್ಸ್ ಓಪನರ್.. ಇದರ ಜೊತೆಗೆ ಸಂಜು ರೆಡ್​ ಹಾಟ್ ಫಾರ್ಮ್​ ಗಿಲ್​​ ಪಾಲಿಗೆ ಕಂಟಕವಾಗಿದೆ. ಇನ್​ಫ್ಯಾಕ್ಟ್​_ ಇವರಿಬ್ಬರಿಗೆ ಹೋಲಿಕೆ ಮಾಡಿದ್ರೆ, ಟಿ20ಯಲ್ಲಿ ಹೇಳಿಕೊಳ್ಳುವ ಆಟವಾಡಿಲ್ಲ. ಬ್ಯಾಟಿಂಗ್ ಟ್ರ್ಯಾಕ್​ನಲ್ಲಿ ಮಾತ್ರವೇ ಪೌರುಷ ತೋರಿರುವ ಗಿಲ್​ಗೆ, ಟಿ20 ತಂಡದಲ್ಲಿ ಪರ್ಮನೆಂಟ್ ರೆಸ್ಟ್​ ಪಡೆಯೋ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ.

ಕೆ.ಎಲ್.ರಾಹುಲ್

ಕನ್ನಡಿಗ ಕೆ.ಎಲ್.ರಾಹುಲ್, ಪಾಲಿಗೆ ಟಿ20 ಕ್ರಿಕೆಟ್ ಮುಗಿದ ಆಧ್ಯಾಯ. ಓಪನರ್, ಮಿಡಲ್ ಆರ್ಡರ್.. ವಿಕೆಟ್ ಕೀಪರ್ ಇದ್ಯಾವ ಸ್ಲಾಟ್​ನಲ್ಲೂ ಕೆ.ಎಲ್.ರಾಹುಲ್​​​​​​​​​​​​​​​​​, ಮತ್ತೆ ಟಿ20ಗೆ ಮುಖ ಮಾಡೋ ಲಕ್ಷಣಗಳೇ ಇಲ್ಲ. ಯಾಕಂದ್ರೆ, ಪ್ರತಿ ಸ್ಲಾಟ್​ನಲ್ಲೂ ಯುವ ಆಟಗಾರರ ಪೈಪೋಟಿ ಇದೆ. ಮತ್ತೊಂದೆಡೆ 32 ವರ್ಷದ ಕೆ.ಎಲ್.ರಾಹುಲ್, ಟಿ20ಯಲ್ಲಿ ಡೆಡ್​ ಆಗಿರೋ ಬ್ಯಾಟರಿಯಾಗಿದ್ದಾರೆ. ಹೀಗಾಗಿ ಐಪಿಎಲ್​ನಲ್ಲಿ ಮಿಂಚು ಹರಿಸಿ ಕಮ್​ಬ್ಯಾಕ್ ಶಪಥ ಮಾಡಿದ್ರು, ಅದು ನೆರವಾಗಲ್ಲ.

ಶ್ರೇಯಸ್​ ಅಯ್ಯರ್​

ಶ್ರೇಯಸ್ ಅಯ್ಯರ್ ಕಥೆಯೂ ಸೇಮ್​ ಕೆ.ಎಲ್.ರಾಹುಲ್​​​ನಂತೆಯೇ.. ಆದ್ರೆ, ಶ್ರೇಯಸ್ ಅಯ್ಯರ್ ದೇಶಿ ಕ್ರಿಕೆಟ್​ನಲ್ಲಿ ಅಬ್ಬರಿಸ್ತಿದ್ದಾರೆ. ರಾಹುಲ್​ ಇಲ್ಲ ಅಷ್ಟೆ. ​ಆದ್ರೆ, ಶ್ರೇಯಸ್​ ಅಯ್ಯರ್​ ಫೇವರಿಟ್ ಸ್ಲಾಟ್​​-4ರಲ್ಲಿ ತಿಲಕ್ ವರ್ಮ, ನಾಯಕ ಸೂರ್ಯಕುಮಾರ್ ಕರ್ಚೀಫ್ ಹಾಕಿ ಕುಳಿತಿದ್ದಾರೆ. ಹೀಗಾಗಿ 30 ವರ್ಷದ ಶ್ರೇಯಸ್ ಅಯ್ಯರ್​ಗೆ, ಟಿ20 ಫಾರ್ಮೆಟ್​ನ ಬಾಗಿಲು ಬಂದ್ ಆದಂತೆಯೇ ಲೆಕ್ಕ.

ಟಿ20 ಸರಣಿಗೆ ಭಾರತ ತಂಡ ಹೀಗಿದೆ!

ಸೂರ್ಯಕುಮಾರ್ ಯಾದವ್ (ಕ್ಯಾಪ್ಟನ್​), ಸಂಜು ಸ್ಯಾಮ್ಸನ್ (ವಿಕೆಟ್ ಕೀಪರ್), ಅಭಿಷೇಕ್ ಶರ್ಮಾ, ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ, ರಿಂಕು ಸಿಂಗ್, ನಿತೀಶ್ ಕುಮಾರ್ ರೆಡ್ಡಿ, ಅಕ್ಷರ್ ಪಟೇಲ್ (ಉಪನಾಯಕ), ಹರ್ಷಿತ್ ರಾಣಾ, ಅರ್ಷದೀಪ್ ಸಿಂಗ್, ಮೊಹಮ್ಮದ್ ಶಮಿ, ವರುಣ್ ಚಕ್ರವರ್ತಿ, ರವಿ ಬಿಷ್ಣೋಯ್ , ವಾಷಿಂಗ್ಟನ್ ಸುಂದರ್, ಧ್ರುವ್ ಜುರೆಲ್ (ವಿಕೆಟ್ ಕೀಪರ್).

ಇದನ್ನೂ ಓದಿ:ಭಾರತ, ಇಂಗ್ಲೆಂಡ್​​ ಟಿ20 ಸೀರೀಸ್​​; ಟೀಮ್​ ಇಂಡಿಯಾ ಉಪನಾಯಕ ಗಿಲ್​ಗೆ ಬಿಗ್​​ ಶಾಕ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ