ಕೊಹ್ಲಿಯ ಅದೊಂದು ನಿರ್ಧಾರದಿಂದ ಟೀಂ ಇಂಡಿಯಾಗೆ ಬಿಗ್ ಲಾಸ್.. ತಪ್ಪು ಮಾಡಿಬಿಟ್ರಾ ವಿರಾಟ್..?

ಈ ಬಾರಿಯ ಐಪಿಎಲ್​ ಟೂರ್ನಿ 18ನೇ ಸೀಸನ್, 18ರ ಜೆರ್ಸಿಯದ್ದೇ ದರ್ಬಾರ್ ಎಂಬಂತಾಗಿದೆ. ಕಿಂಗ್​ ಕೊಹ್ಲಿಯ ಘರ್ಜನೆ ಅಷ್ಟು ಜೋರಾಗಿದೆ. ಕ್ಲಾಸ್​ ಆಟದ ಮೂಲಕವೇ ವಿರಾಟ್​​ ಐಪಿಎಲ್​ ಅಖಾಡದಲ್ಲಿ ಸಖತ್​ ಸೌಂಡ್​ ಮಾಡ್ತಿದ್ದಾರೆ. ಆದ್ರೆ ಇದೇ ಆಟ ವಿರಾಟ್​​​​​​​​​​​​​​​​​​, ಟಿ20ಗೆ ಗುಡ್ ಬೈ ಹೇಳಿ ತಪ್ಪು ಮಾಡಿದ್ರಾ ಎಂಬ ಪ್ರಶ್ನೆಯನ್ನು ಹುಟ್ಟಿಹಾಕಿದೆ.

29, ಜೂನ್​, 2024

ಅದು ಟಿ20 ವಿಶ್ವಕಪ್ ಫೈನಲ್​.. ಸೌತ್ ಆಫ್ರಿಕಾ ಎದುರಿನ ಪಂದ್ಯ.. ಈ ಪಂದ್ಯದಲ್ಲಿ ಗೆದ್ದ ಟೀಮ್ ಇಂಡಿಯಾ ಟಿ20 ವಿಶ್ವ ಚಾಂಪಿಯನ್ ಆಗಿ ಮರೆದಾಡಿತ್ತು. ಗೆದ್ದ ಖುಷಿಯಲ್ಲಿ ತೇಲಾಡುತ್ತಿದ್ದ ಫ್ಯಾನ್ಸ್​​​​​ಗೆ ಒಂದು ಬರ ಸಿಡಲ ಆಘಾತ ಎದುರಾಗಿತ್ತು. ಅದೇ ಆ ಪಂದ್ಯದ ಮ್ಯಾಚ್ ವಿನ್ನರ್ ವಿರಾಟ್ ಕೊಹ್ಲಿಯ ನಿವೃತ್ತಿ. ಮ್ಯಾಚ್ ಗೆಲ್ಲಿಸಿದ್ದ ಕಿಂಗ್​ ಕೊಹ್ಲಿ, ಪಂದ್ಯದ ಬಳಿಕ ಸೈಲೆಂಟ್​ ಆಗಿಯೇ ನಿವೃತ್ತಿಯ ಶಾಕ್ ನೀಡಿದ್ದರು. ವಯಸ್ಸಾಯ್ತು. ಟಿ20 ಕ್ರಿಕೆಟ್​ನಿಂದ ದೂರವಾಗಲು ಇದೇ ಸಮಯ ಅನ್ನೋ ನೆಮ್ಮದಿಯೂ ಒಂದೆಡೆ ಇತ್ತು. ಆದ್ರೀಗ ವಿರಾಟ್​​​​​​, ಟಿ20ಗೆ ಗುಡ್ ಬೈ ಹೇಳಿ ತಪ್ಪು ಮಾಡಿದ್ರಾ ಎಂಬ ಪ್ರಶ್ನೆ ಕಾಡ್ತಿದೆ. ಇದಕ್ಕೆ ಕಾರಣ ಕಿಂಗ್ ಕೊಹ್ಲಿಯ ಆಟ.

ರಿಟೈರ್ಮೆಂಟ್​ ಬಳಿಕವೂ ಕಿಂಗ್ ಕೊಹ್ಲಿ ಘರ್ಜನೆ

ಐಪಿಎಲ್​​ ಸೀಸನ್​ 18. ಕೊಹ್ಲಿ ಜೆರ್ಸಿ ನಂಬರ್​​ 18. ಈ ಸೀಸನ್ ಕಿಂಗ್​ ಕೊಹ್ಲಿಗೆ ಸಮರ್ಪಣೆ ಅನ್ನೋ ಮಾತು ಅಭಿಮಾನಿಗಳ ವಲಯದಲ್ಲಿ ಈ ಬಾರಿಯ ಐಪಿಎಲ್​​ ಆರಂಭಕ್ಕೂ ಮುನ್ನ ಕೇಳಿ ಬಂದಿದ್ವು. ಅಭಿಮಾನಿಗಳ ವಲಯದ ಈ ನಿರೀಕ್ಷೆಯನ್ನ ವಿರಾಟ್​ ಹುಸಿಗೊಳಿಸಿಲ್ಲ. ​ ಐಪಿಎಲ್​ ಅಖಾಡದಲ್ಲಿ ಕ್ಲಾಸ್​ ಆಟದಿಂದಲೇ ಧೂಳೆಬ್ಬಿಸ್ತಿರುವ ಕೊಹ್ಲಿ, ಎದುರಾಳಿಗಳ ಪಾಲಿಗೆ ಅಕ್ಷರಶಃ ಸಿಂಹ ಸ್ವಪ್ನವಾಗಿದ್ದಾರೆ.

ಇದನ್ನೂ ಓದಿ: ಕೇವಲ ಒಂದೇ 1 ರನ್​​ನಿಂದ ಆರೆಂಜ್​ ಕ್ಯಾಪ್​ ಪಡೆದ ಕಿಂಗ್ ಕೊಹ್ಲಿ.. ಪರ್ಪಲ್ ಕ್ಯಾಪ್​ ಕೂಡ ಕನ್ನಡಿಗನಿಗೆ

11ರ ಪೈಕಿ 7 ಅರ್ಧಶತಕ.. ಕೊಹ್ಲಿಯೇ ಕನ್ಸಿಸ್ಟೆನ್ಸಿ ಕಿಂಗ್​!

ಕೊಹ್ಲಿ ಅಂದ್ರೆ.. ಕನ್ಸಿಸ್ಟೆನ್ಸಿ.. ಕನ್ಸಿಸ್ಟೆನ್ಸಿ ಅಂದ್ರೆ, ವಿರಾಟ್ ಕೊಹ್ಲಿ ಅನ್ನೋ ಮಾತಿದೆ. ಈ ಮಾತು ಈ ಸೀಸನ್​ನಲ್ಲಿ ಆಕ್ಷರಶಃ ನಿಜ ಮಾಡಿದ್ದಾರೆ. ಯಾಕಂದ್ರೆ, ಆಡಿದ 11 ಮ್ಯಾಚ್​ಗಳ ಪೈಕಿ 4 ಮ್ಯಾಚ್​ಗಳಲ್ಲಿ ಬಿಟ್ರೆ, ಉಳಿದ 7 ಮ್ಯಾಚ್​ಗಳಲ್ಲಿ ಅರ್ಧಶತಕದ ಗಡಿದಾಟಿದ್ದಾರೆ. ಇದು ಪ್ರಸಕ್ತ ಆವೃತ್ತಿಯಲ್ಲಿ ಆಟಗಾರನೊಬ್ಬ ಸಿಡಿಸಿದ ಗರಿಷ್ಠಅರ್ಧಶತಕಗಳಾಗಿವೆ. ಇದು ವಿರಾಟ್ ಕನ್ಸಿಸ್ಟೆನ್ಸಿ ಆಟಕ್ಕಿಡಿದ ಕೈಗನ್ನಡಿಯೇ ಆಗಿದೆ. ಇಂಟ್ರೆಸ್ಟಿಂಗ್​​​​​​​​​​. ಅಂದ್ರೆ, ಕೊಹ್ಲಿ ಅರ್ಧಶತಕ ಸಿಡಿಸಿದ ಪ್ರತಿ ಮ್ಯಾಚ್​ನಲ್ಲಿ ಆರ್​ಸಿಬಿ ಗೆಲ್ಲುತ್ತಿದೆ. ಇದು ಕೊಹ್ಲಿಯ ಆಟದ ಇಂಪ್ಯಾಕ್ಟ್​ ಎಷ್ಟು ಅನ್ನೋದನ್ನೇ ಸಾರಿ ಸಾರಿ ಹೇಳ್ತಿದೆ.

36ರ ವಯಸ್ಸಿನಲ್ಲೂ ಯುವ ಆಟಗಾರರಿಗೆ ಸವಾಲ್

ಪ್ರಸಕ್ತ ಐಪಿಎಲ್​ನಲ್ಲಿ ಯುವ ಆಟಗಾರರ ಹವಾ ಜೋರಾಗಿದೆ. ಟಿ20 ಸ್ಪೆಷಲಿಸ್ಟ್​ಗಳ ಅಬ್ಬರ ಮತ್ತೊಂದ್ಕಡೆ ನಡೀತಿದೆ. ಬೌಲರ್​ಗಳ ಮೇಲೆ ದಂಡೆತ್ತಿ ಹೋಗ್ತಿರುವ ಆಟಗಾರರ ಜೊತೆಗೆ ವಿರಾಟ್​, ವೀರಾವೇಶದ ಬ್ಯಾಟಿಂಗ್ ನಡೆಸ್ತಿದ್ದಾರೆ. ಕನ್ಸಿಸ್ಟೆಂಟ್​ ಆಟದಿಂದಲೇ ರನ್​​​ ಬ್ಯಾಟಲ್​ ನಡೆಸ್ತಿರುವ ವಿರಾಟ್​ ಕೊಹ್ಲಿ, ಸಾಯಿ ಸುದರ್ಶನ್​, ಶುಭ್​ಮನ್ ಗಿಲ್​​​​​, ಜೋಸ್ ಬಟ್ಲರ್​, ನಿಕೊಲಸ್​ ಪೂರನ್​, ಸೂರ್ಯ ಕುಮಾರ್​ರಂಥ ಟಿ20 ಸ್ಪೆಷಲಿಸ್ಟ್ ಹಾಗೂ ಯುವ ಆಟಗಾರರನ್ನೇ ಆರೆಂಜ್​ ಕ್ಯಾಪ್​ ರೇಸ್​ನಲ್ಲಿ ಹಿಂದಿಕ್ಕಿದ್ದಾರೆ.. ಅಷ್ಟೇ ಅಲ್ಲ! 36ರ ವಯಸ್ಸಿನಲ್ಲೂ ಯುವ ಆಟಗಾರರು ನಾಚಿಸುವಂತ ಆಟವಾಡ್ತಿರುವ ಕೊಹ್ಲಿ, ರನ್​ಭೂಮಿಯ ರನ್​ವಾರ್​ನಲ್ಲಿ ಎಲ್ಲರಿಗೂ ಸವಾಲ್​ ಎಸೆಯುತ್ತಿದ್ದಾರೆ.

ಇದನ್ನೂ ಓದಿ: ಸತತ 6 ಎಸೆತದಲ್ಲಿ 6 ಸಿಕ್ಸರ್​.. ಸ್ಟಾರ್​​ ಬೌಲರ್​​​ನ ತೊಳೆದು ಹಾಕಿದ ರಿಯಾನ್ ಪರಾಗ್..!

505 ರನ್​, 63.13 ಸರಾಸರಿ, ರಿಯಲ್ ಮ್ಯಾಚ್ ವಿನ್ನರ್!

ಅಂತರಾಷ್ಟ್ರೀಯ ಟಿ20 ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ್ರೂ ಚುಟುಕು ಫಾರ್ಮೆಟ್​ನಲ್ಲಿ ಕೊಹ್ಲಿಯ ಖದರ್​ ಕಡಿಮೆಯಾಗಿಲ್ಲ. ಈ ಸೀಸನ್​ನಲ್ಲಿ ಕೊಹ್ಲಿ ಆಟ ನೋಡಿದವರಲ್ಲಿ ಟಿ20ಗೆ ತುಂಬಾ ಬೇಗ ಗುಡ್​ ಬೈ ಹೇಳಿ ಬಿಟ್ರಾ ಅನ್ನೋ ಪ್ರಶ್ನೆ ಹುಟ್ಟದೆ ಇರಲ್ಲ. ಪ್ಲೇಯಿಂಗ್​ ಕಂಡಿಷನ್ಸ್​ನ ಅರ್ಥ ಮಾಡಿಕೊಂಡು ಮ್ಯಾಚ್​​ ಸಿಚ್ಯುವೇಶನ್​ಗೆ ತಕ್ಕಂತೆ ಕೊಹ್ಲಿ ಅಷ್ಟು ಬೊಂಬಾಟ್​ ಬ್ಯಾಟಿಂಗ್​ ನಡೆಸ್ತಿದ್ದಾರೆ. ಸೀಸನ್​ನಲ್ಲಿ 11 ಇನ್ನಿಂಗ್ಸ್​ಗಳನ್ನಾಡಿರೋ ವಿರಾಟ್​ ಬರೋಬ್ಬರಿ 63.13ರ ಸರಾಸರಿಯಲ್ಲಿ 505 ರನ್​ ಕೊಳ್ಳೆ ಹೊಡೆದಿದ್ದಾರೆ. 7 ಬಾರಿ ಹಾಫ್​​ ಸೆಂಚುರಿಯ ಗಡಿ ದಾಟಿದ್ದಾರೆ. ಅಷ್ಟೇ ಅಲ್ಲ.! ಆರ್​ಸಿಬಿಯ ರಿಯಲ್ ಮ್ಯಾಚ್ ವಿನ್ನರ್ ಆಗಿ ಮೆರೆದಾಡ್ತಿದ್ದಾರೆ.

2026ರ ವಿಶ್ವಕಪ್ ತನಕ ಆಡಬೇಕಿತ್ತಾ ವಿರಾಟ್​?

ಏಜ್ ಇಸ್ ಜಸ್ಟ್​ ಎ ನಂಬರ್ ಎಂಬಂತ ಟಿ20 ಅಖಾಡದಲ್ಲಿ ಅಬ್ಬರಿಸ್ತಿರುವ ವಿರಾಟ್, ನಿಜಕ್ಕೂ 2026ರ ಟಿ20 ವಿಶ್ವಕಪ್​ನಲ್ಲಿ ಆಡಿದ್ರೆ ಉತ್ತಮ ಎಂಬ ಮಾತುಗಳು ಕೇಳಿ ಬರುತ್ತಿದೆ. ಯಾಕಂದ್ರೆ, 2026ರ ಟಿ20 ವಿಶ್ವಕಪ್​ ಭಾರತ ಹಾಗೂ ಲಂಕಾ ಅತಿಥ್ಯದಲ್ಲಿ ನಡೆಯಲಿದೆ. ಭಾರತ ಹಾಗೂ ಲಂಕಾದ ಯಾವುದೇ ಕಂಡೀಷನ್ಸ್​ನಲ್ಲಾದರು ಸರಾಗವಾಗಿ ರನ್ ಗಳಿಸಬಲ್ಲ ಕೊಹ್ಲಿ, 36ರ ವಯಸ್ಸಿನಲ್ಲೂ ಅದೇ ಫಿಟ್ನೆಸ್ ಹೊಂದಿದ್ದಾರೆ. ಟಿ20ಗೆ ಬೇಕಾದ ರಿದಮ್ ಇದೆ. ಇದೆಲ್ಲಾ ಇರುವ ಕೊಹ್ಲಿ, ಮುಂದಿನ ಟಿ20 ತನಕ ವೇಯ್ಟ್​ ಮಾಡಿದ್ರೆ ಟೀಮ್ ಇಂಡಿಯಾಗೆ ಲಾಭವಾಗ್ತಿತ್ತು ಅನ್ನೋದು ಎಲ್ಲರ ಅಭಿಪ್ರಾಯ.

ಇದನ್ನೂ ಓದಿ: ಐಪಿಎಲ್ ಪಾಯಿಂಟ್ಸ್​ ಟೇಬಲ್​​ನಲ್ಲಿ ಭಾರೀ ಏರಿಳಿತ.. ಪ್ಲೇ-ಆಫ್​ಗಾಗಿ ಪೈಪೋಟಿ ಹೇಗಿದೆ..?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್