ಸೌತ್​ ಆಫ್ರಿಕಾ ವಿರುದ್ಧ ಭರ್ಜರಿ ಗೆಲುವು; ಫೈನಲ್​ ಪಂದ್ಯದಲ್ಲಿ ನ್ಯೂಜಿಲೆಂಡ್​​, ಭಾರತ ಜಿದ್ದಾಜಿದ್ದಿ!

ಇಂದು ನಡೆದ 2025ರ ಚಾಂಪಿಯನ್ಸ್ ಟ್ರೋಫಿಯ ಸೆಮಿಫೈನಲ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನ್ಯೂಜಿಲೆಂಡ್ ಗೆದ್ದು ಬೀಗಿದೆ. ಈ ಮೂಲಕ ನ್ಯೂಜಿಲೆಂಡ್​ ಚಾಂಪಿಯನ್ಸ್ ಟ್ರೋಫಿ ಫೈನಲ್ ತಲುಪಿದೆ. ಫೈನಲ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾ, ನ್ಯೂಜಿಲೆಂಡ್​ ಮಧ್ಯೆ ಜಿದ್ದಾಜಿದ್ದಿ ಏರ್ಪಡಲಿದೆ.

ನ್ಯೂಜಿಲೆಂಡ್​ ನೀಡಿದ 363 ರನ್​ಗಳ ಗುರಿ ಬೆನ್ನತ್ತಿದ ಸೌತ್​ ಆಫ್ರಿಕಾ ತಂಡ ಟಫ್​ ನೀಡಿದೆ. ಇಷ್ಟಾದ್ರೂ ಸುಮಾರು 50 ರನ್​ಗಳಿಂದ ಸೋತಿದೆ. ಮತ್ತೆ ಚೋಕರ್ಸ್​ ಎಂದು ಸೌತ್​ ಆಫ್ರಿಕಾ ಫ್ರೂವ್​ ಮಾಡಿದೆ.

ಸೌತ್​ ಆಫ್ರಿಕಾ ಉತ್ತಮ ಆರಂಭ ಪಡೆದುಕೊಂಡಿತು. ರಿಕಲ್ಟನ್​ ಕೇವಲ 17 ರನ್​ಗೆ ಔಟಾದ್ರು. 2ನೇ ವಿಕೆಟ್​​ಗೆ ಕ್ಯಾಪ್ಟನ್​ ಬವುಮಾ ಮತ್ತು ಡಸ್ಸೆನ್​​ ಶತಕದ ಜೊತೆಯಾಟ ಆಡಿದರು. ಇಬ್ಬರು ತಲಾ ಅರ್ಧಶತಕ ಸಿಡಿಸಿದರು. ಬವುಮಾ 56, ಡಸ್ಸೆನ್​​ 69 ರನ್​ ಚಚ್ಚಿದ್ರು.

ಕೊನೆಯರೆಗೂ ಕ್ರೀಸ್​ನಲ್ಲಿ ನಿಂತು ಡೇವಿಡ್​ ಮಿಲ್ಲರ್​ ಏಕಾಂಗಿ ಹೋರಾಟ ನಡೆಸಿದರು. ಆದ್ರೂ ರನ್​ಗಳ ಅಗತ್ಯ ಜಾಸ್ತಿ ಇದ್ದರಿಂದ ಏಕಾಂಗಿ ಹೋರಾಟ ಸಾಧ್ಯವಾಗಲಿಲ್ಲ. ಬದಲಿಗೆ ಸ್ಫೋಟಕ ಶತಕ ಸಿಡಿಸಿ ಗೆಲುವಿನ ಭರವಸೆ ಮೂಡಿಸಿದ್ರೂ ಪ್ರಯೋಜನೆ ಆಗಲಿಲ್ಲ. ಹೀಗಾಗಿ ಸೌತ್​ ಆಫ್ರಿಕಾ ಸೋಲನ್ನು ಒಪ್ಪಿಕೊಳ್ಳಬೇಕಾಯ್ತು.

ಟೀಮ್​ ಇಂಡಿಯಾ, ನ್ಯೂಜಿಲೆಂಡ್ ಜಿದ್ದಾಜಿದ್ದಿ

ಭಾನುವಾರ ನಡೆಯಲಿರೋ ಫೈನಲ್​ ಪಂದ್ಯದಲ್ಲಿ ನ್ಯೂಜಿಲೆಂಡ್​, ಭಾರತ ತಂಡ ಸೆಣಸಲಿವೆ. ಕಳೆದ ಪಂದ್ಯದಲ್ಲಿ ಸೋತಿದ್ದ ನ್ಯೂಜಿಲೆಂಡ್​ ಭಾರತ ವಿರುದ್ಧ ಸೇಡು ತೀರಿಸಿಕೊಳ್ಳಲು ಸಜ್ಜಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ