ಸುವರ್ಣಾವಕಾಶ ಕೈ ಚೆಲ್ಲಿದ ಸ್ಟಾರ್​ ಕ್ರಿಕೆಟರ್​​ ವಿರಾಟ್​ ಕೊಹ್ಲಿ

ಬಹುನಿರೀಕ್ಷಿತ ಐಸಿಸಿ 2025ರ ಚಾಂಪಿಯನ್ಸ್​ ಟ್ರೋಫಿ ಫೈನಲ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾಗೆ ನ್ಯೂಜಿಲೆಂಡ್​ 252 ರನ್​ಗಳ ಗುರಿ ನೀಡಿದೆ. ಭಾರತ ತಂಡವೂ ಈ ಬೃಹತ್​​ ಗುರಿಯನ್ನು ಬೆನ್ನತ್ತಿದೆ.

ಟೀಮ್​ ಇಂಡಿಯಾ ಪರ ಕ್ಯಾಪ್ಟನ್​ ರೋಹಿತ್​ ಶರ್ಮಾ, ಉಪನಾಯಕ ಶುಭ್ಮನ್​ ಗಿಲ್​ ಓಪನಿಂಗ್​ ಮಾಡಿದರು. ಶುಭ್ಮನ್​​ ಗಿಲ್​​ ಕೇವಲ 31 ರನ್​ಗೆ ವಿಕೆಟ್​ ಒಪ್ಪಿಸಿದರು. ರೋಹಿತ್​ ಶರ್ಮಾ 70ಕ್ಕೂ ಹೆಚ್ಚು ರನ್​ ಗಳಿಸಿದ್ದು, ಕ್ಯಾಪ್ಟನ್​ ಅಬ್ಬರ ಮುಂದುವರಿದಿದೆ.

ಕೈ ಕೊಟ್ಟ ವಿರಾಟ್​​ ಕೊಹ್ಲಿ

ಇಂದು ಸ್ಟಾರ್​ ಕ್ರಿಕೆಟರ್​ ವಿರಾಟ್​ ಕೊಹ್ಲಿಗೆ ಕೊನೆಯ ಏಕದಿನ ಪಂದ್ಯ ಎಂದು ಹೇಳಲಾಗುತ್ತಿದೆ. ಭಾರತ ತಂಡದ ಪರ ಶುಭ್ಮನ್​​ ಗಿಲ್​ ಔಟ್​ ಆಗುತ್ತಿದ್ದಂತೆ ಕ್ರೀಸ್​ಗೆ ಬಂದ ವಿರಾಟ್​ ಕೊಹ್ಲಿ ಕೇವಲ 1 ರನ್​ಗೆ ಔಟಾಗಿದ್ದಾರೆ. ಮೊದಲ ಎಸೆತದಲ್ಲಿ 1 ರನ್​​​ ಗಳಿಸಿದ ಇವರು 2ನೇ ಎಸೆತಕ್ಕೆ ಎಲ್​ಬಿಡಬ್ಲ್ಯೂ ಆದರು.

ಈ ವರ್ಷ ಟೀಮ್​ ಇಂಡಿಯಾ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದೆ. ಇಂಗ್ಲೆಂಡ್​ ಪ್ರವಾಸದಲ್ಲಿ 5 ಪಂದ್ಯಗಳ ಟೆಸ್ಟ್​ ಸರಣಿ ಆಡಲಿದೆ. ಈ ಮಹತ್ವದ ಪ್ರವಾಸಕ್ಕೆ ಟೀಮ್​ ಇಂಡಿಯಾದಲ್ಲಿ ಮೇಜರ್​ ಸರ್ಜರಿ ಆಗಲಿದೆ. ಇಂದು ಟೀಮ್​ ಇಂಡಿಯಾ ಗೆದ್ರೂ ಸೋತ್ರೂ ಹಿರಿಯ ಆಟಗಾರರು ನಿವೃತ್ತಿ ಆಗಬಹುದು ಎಂದು ತಿಳಿದು ಬಂದಿದೆ. ಈ ಪೈಕಿ ಮೊದಲ ಹೆಸರು ಕೇಳಿ ಬಂದಿರುವುದು ವಿರಾಟ್​ ಕೊಹ್ಲಿ. ಇವರು ಇಂದು ನಿವೃತ್ತಿ ಆಗೋ ಸಾಧ್ಯತೆ ಇದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾಗೆ ಬಿಗ್​ ಶಾಕ್​​; ಇಂದು ನಿವೃತ್ತಿ ಘೋಷಿಸಲಿರೋ ಮೂವರು ಸ್ಟಾರ್​ ಕ್ರಿಕೆಟರ್ಸ್​ ಇವ್ರು!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ