/newsfirstlive-kannada/media/post_attachments/wp-content/uploads/2024/07/Team-India_ZIM.jpg)
ಇಂದು ಹರಾರೆ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ 3ನೇ ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ಜಿಂಬಾಬ್ವೆ ಕ್ರಿಕೆಟ್ ತಂಡದ ವಿರುದ್ಧ ಟೀಮ್ ಇಂಡಿಯಾ ಗೆದ್ದು ಬೀಗಿದೆ. ಟೀಮ್ ಇಂಡಿಯಾ 23 ರನ್ಗಳ ಭರ್ಜರಿ ಗೆಲುವು ಸಿಕ್ಕಿದೆ.
ಟೀಮ್ ಇಂಡಿಯಾ 183 ರನ್ಗಳ ಬಿಗ್ ಟಾರ್ಗೆಟ್ ಬೆನ್ನತ್ತಿದ ಜಿಂಬಾಬ್ವೆ ತಂಡದ ಪರ ಡಿಯೋನ್ ಮೈಯರ್ಸ್ 49 ಬಾಲ್ನಲ್ಲಿ 1 ಸಿಕ್ಸರ್, 7 ಫೋರ್ ಸಮೇತ 65 ರನ್ ಚಚ್ಚಿದ್ರು. ಕ್ಲೈವ್ ಮಂಡೆ 37 ರನ್ ಗಳಿಸಿದ್ದು ಉಳಿದ ಎಲ್ಲರೂ ಕೈ ಕೊಟ್ಟರು. ಇದರ ಪರಿಣಾಮ 6 ವಿಕೆಟ್ ನಷ್ಟಕ್ಕೆ ಜಿಂಬಾಬ್ವೆ ಕೇವಲ 159 ರನ್ ಗಳಿಸಿ ಸೋತಿದೆ.
ಟಾಸ್ ಗೆದ್ದು ಫಸ್ಟ್ ಬ್ಯಾಟಿಂಗ್ ಮಾಡಿದ ಟೀಮ್ ಇಂಡಿಯಾ ಪರ ಓಪನರ್ ಆಗಿ ಬಂದ ಕ್ಯಾಪ್ಟನ್ ಶುಭ್ಮನ್ ಗಿಲ್ ಕೊನೆವರೆಗೂ ಕ್ರೀಸ್ನಲ್ಲಿ ನಿಂತು ಅತ್ಯುತ್ತಮವಾಗಿ ಬ್ಯಾಟ್ ಬೀಸಿದ್ರು. ತಾನು ಆಡಿದ 49 ಬಾಲ್ನಲ್ಲಿ 3 ಸಿಕ್ಸರ್, 7 ಫೋರ್ ಸಮೇತ 66 ರನ್ ಸಿಡಿಸಿದ್ರು.
ಇವರಿಗೆ ಸಾಥ್ ಕೊಟ್ಟ ಯಶಸ್ವಿ ಜೈಸ್ವಾಲ್ 2 ಸಿಕ್ಸರ್, 4 ಫೋರ್ ಸಮೇತ 36 ರನ್ ಚಚ್ಚಿದ್ರು. ಅಭಿಷೇಕ್ ಶರ್ಮಾ ಕೇವಲ 10 ರನ್ಗೆ ವಿಕೆಟ್ ಒಪ್ಪಿಸಿದ್ರು. ರುತುರಾಜ್ ಗಾಯಕ್ವಾಡ್ ಕೇವಲ 28 ಬಾಲ್ನಲ್ಲಿ 3 ಭರ್ಜರಿ ಸಿಕ್ಸರ್, 4 ಫೋರ್ನೊಂದಿಗೆ 49 ರನ್ ಕಲೆ ಹಾಕಿದ್ರು. ಬಳಿಕ ಬಂದ ಸಂಜು ಸ್ಯಾಮ್ಸನ್ 12 ರನ್ ಬಾರಿಸಿದ್ರು. ಇದರ ಪರಿಣಾಮ ಟೀಮ್ ಇಂಡಿಯಾ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 182 ರನ್ ಗಳಿಸಿತ್ತು.
ಇದನ್ನೂ ಓದಿ:ಅಭಿಷೇಕ್ ಅವಕಾಶ ಕಿತ್ತುಕೊಂಡ ಶುಭ್ಮನ್ ಗಿಲ್.. ಕ್ಯಾಪ್ಟನ್ ವಿರುದ್ಧ ಬಹಿರಂಗ ಆಕ್ರೋಶ!
ವಿಶೇಷ ಸೂಚನೆ: ಕ್ರಿಕೆಟ್ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ಫಸ್ಟ್ಚಾನೆಲ್ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ