ಬಾಂಗ್ಲಾದೇಶಕ್ಕೆ 86 ರನ್​ಗಳ ಹೀನಾಯ ಸೋಲು; ಭಾರತ ತಂಡಕ್ಕೆ ರೋಚಕ ಜಯ

ಅರುಣ್​​ ಜೇಟ್ಲಿ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ 2ನೇ ಟಿ20 ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಟೀಮ್​ ಇಂಡಿಯಾ 86 ರನ್​ಗಳಿಂದ ಗೆದ್ದು ಬೀಗಿದೆ. ಈ ಮೂಲಕ 2-0 ಅಂತರದಿಂದ ಸರಣಿಯನ್ನು ಭಾರತ ತಂಡ ವಶಪಡಿಸಿಕೊಂಡಿದೆ.

ಟೀಮ್​ ಇಂಡಿಯಾ ನೀಡಿದ 222 ರನ್​​ಗಳ ಬಿಗ್​ ಟಾರ್ಗೆಟ್​ ಬೆನ್ನತ್ತಿದ ಬಾಂಗ್ಲಾದೇಶ ಕೇವಲ 135 ರನ್​ಗಳಿಸಿದೆ. ಬಾಂಗ್ಲಾ ಪರ ವಿಕೆಟ್​ ಕೀಪರ್​ ಲಿಟ್ಟನ್​ ದಾಸ್​ 14, ಈಮಾನ್​ 16, ಮೆಹಿದಿ ಹಸನ್​​ 16, ಮಹ್ಮದುಲ್ಲಾ 41 ರನ್​ ಗಳಿಸಿದ್ರು. 20 ಓವರ್​ಗಳಲ್ಲಿ 9 ವಿಕೆಟ್​​ಗೆ 135 ರನ್​ ಕಲೆ ಹಾಕಿತ್ತು.

ಟಾಸ್​ ಸೋತ್ರೂ ಫಸ್ಟ್ ಬ್ಯಾಟಿಂಗ್​ ಮಾಡಿದ ಟೀಮ್​ ಇಂಡಿಯಾ ಪರ ಓಪನರ್​ ಆಗಿ ಬಂದ ಸಂಜು ಸ್ಯಾಮ್ಸನ್​ 10, ಅಭಿಷೇಕ್​ ಶರ್ಮಾ 15, ಸೂರ್ಯಕುಮಾರ್​ ಯಾದವ್​​ 8 ರನ್​ಗೆ ವಿಕೆಟ್​ ಒಪ್ಪಿಸಿ ಮೈದಾನದಿಂದ ಹೊರ ನಡೆದರು.

ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಟೀಮ್​ ಇಂಡಿಯಾಗೆ ಸ್ಟಾರ್​ ಆಲ್​ರೌಂಡರ್​​ ನಿತೀಶ್​ ಕುಮಾರ್​ ನೆರವಾದರು. ಬಾಂಗ್ಲಾದೇಶ ಬೌಲರ್​ಗಳ ಬೆಂಡೆತ್ತಿದ ನಿತೀಶ್​ ಅಬ್ಬರಿಸಿದ್ರು.

ತಾನು ಎದುರಿಸಿದ 34 ಬಾಲ್​ನಲ್ಲಿ ಬರೋಬ್ಬರಿ 74 ರನ್​ ಗಳಿಸೋ ಮೂಲಕ ಮೇಡಿನ್​ ಫಿಫ್ಟಿ ಮಾಡಿದ್ರು. ಬರೋಬ್ಬರಿ 7 ಸಿಕ್ಸರ್​​, 4 ಫೋರ್​ ಚಚ್ಚಿದ್ರು. ಇವರ ಬ್ಯಾಟಿಂಗ್​ ಸ್ಟ್ರೈಕ್​ ರೇಟ್​ 215ಕ್ಕೂ ಹೆಚ್ಚು ಇತ್ತು. ಇವರ ಸಹಾಯದಿಂದ ಟೀಮ್​ ಇಂಡಿಯಾದ ಸ್ಕೋರ್​ 200ರ ಗಡಿ ದಾಟಿದೆ.

ನಿತೀಶ್​ಗೆ ಸಾಥ್​ ಕೊಟ್ಟ ರಿಂಕು ಸಿಂಗ್​ 29 ಬಾಲ್​ನಲ್ಲಿ 5 ಭರ್ಜರಿ ಫೋರ್​, 3 ಸಿಕ್ಸರ್​ ಸಮೇತ 53 ರನ್​ ಚಚ್ಚಿದ್ರು. ಹಾರ್ದಿಕ್​ ಪಾಂಡ್ಯ 19 ಬಾಲ್​ನಲ್ಲಿ 2 ಸಿಕ್ಸರ್​, 2 ಫೋರ್​ ಸಮೇತ 32, ರಿಯಾನ್​ ಪರಾಗ್​​ 15 ರನ್​ ಗಳಿಸಿದ್ರು. ಟೀಮ್​ ಇಂಡಿಯಾ 20 ಓವರ್​ಗಳಲ್ಲಿ 9 ವಿಕೆಟ್​ಗೆ 221 ರನ್​ ಕಲೆ ಹಾಕಿತ್ತು.

ಇದನ್ನೂ ಓದಿ: ನಿತೀಶ್​​, ರಿಂಕು ಸಿಂಗ್​​ ವಿಧ್ವಂಸಕಾರಿ ಬ್ಯಾಟಿಂಗ್​​.. ಬಾಂಗ್ಲಾಗೆ ಭಾರತ 222 ರನ್​ಗಳ ಬಿಗ್​ ಟಾರ್ಗೆಟ್​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ