6,6,6,4,4,4,4,4,4,4,4,4,4,4; ಭಾರತದ ಭರವಸೆಯ ಬ್ಯಾಟರ್​​ನಿಂದ ಸ್ಫೋಟಕ ಶತಕ

author-image
Ganesh Nachikethu
Updated On
6,6,6,4,4,4,4,4,4,4,4,4,4,4; ಭಾರತದ ಭರವಸೆಯ ಬ್ಯಾಟರ್​​ನಿಂದ ಸ್ಫೋಟಕ ಶತಕ
Advertisment
  • ಟೀಮ್​ ಇಂಡಿಯಾದ ಯುವ ಬ್ಯಾಟರ್​ ಆರ್ಭಟ!
  • ರಣಜಿ ಟ್ರೋಫಿಯಲ್ಲಿ ಸ್ಫೋಟಕ ಶತಕ ಸಿಡಿಸಿದ ಯಶ್​​​
  • ತಮಿಳುನಾಡು ವಿರುದ್ಧ ಭರ್ಜರಿ ಶತಕ ಬಾರಿಸಿ ಸಂಭ್ರಮ

ಕ್ಯಾನ್ಸರ್​ ಅನ್ನೇ ಗೆದ್ದು ಟೀಮ್​ ಇಂಡಿಯಾಗಾಗಿ ತನ್ನ ಜೀವವನ್ನೇ ಪಣವಾಗಿ ಇಟ್ಟವರು ಯುವರಾಜ್​​ ಸಿಂಗ್​​​. ಟೀಮ್​ ಇಂಡಿಯಾದ ಸ್ಟಾರ್​​ ಆಲ್​ರೌಂಡರ್​​ ಯುವರಾಜ್​ ಸಿಂಗ್​ ಅವರನ್ನು ಯಾರೂ ಮರೆಯಲು ಸಾಧ್ಯವಿಲ್ಲ. ಈಗ ಅವರದ್ದೇ ಹಾದಿಯಲ್ಲಿ 21ರ ಹರೆಯದ ಯಶ್ ಧುಲ್ ಸಾಗಿದ್ದಾರೆ. ಯಶ್​​ ಧುಲ್​​ ಜೀವನದಲ್ಲೂ ಅಂತಹದ್ದೇ ತಿರುವು ಕಾಣಬಹುದು. ಯಶ್ ಧುಲ್ ರಣಜಿ ಟ್ರೋಫಿಯಲ್ಲಿ ತಮಿಳುನಾಡು ವಿರುದ್ಧ ಭರ್ಜರಿ ಶತಕ ಸಿಡಿಸಿ ಸುದ್ದಿಯಾಗಿದ್ದಾರೆ.

ಯಶ್​​ ದಿಟ್ಟ ಹೋರಾಟ

ಇತ್ತೀಚೆಗೆ ನಡೆದ ತಮಿಳುನಾಡು ವಿರುದ್ಧದ ಪಂದ್ಯದಲ್ಲಿ ಯಶ್​ ಮಿಂಚಿನ ಶತಕ ಸಿಡಿಸಿದ್ದಾರೆ. ಅದ್ಭುತವಾಗಿ ಬ್ಯಾಟ್ ಬೀಸಿದ ಯಶ್ ತಾನು ಎದುರಿಸಿದ 191 ಎಸೆತಗಳಲ್ಲಿ ಬರೋಬ್ಬರಿ 11 ಫೋರ್​​, 3 ಸಿಕ್ಸರ್ ನೆರವಿನಿಂದ ಅಜೇಯ 105 ರನ್ ಬಾರಿಸಿದ್ರು. ಈ ಮೂಲಕ ದೆಹಲಿ ತಂಡಕ್ಕೆ ನೆರವಾದರು.

ಪಂದ್ಯ ಡ್ರಾ ಆಗಿದ್ದು ಏಕೆ?

ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಮ್​ನಲ್ಲಿ ನಡೆದ ರಣಜಿ ಟ್ರೋಫಿ ಪಂದ್ಯದಲ್ಲಿ ದೆಹಲಿ ವಿರುದ್ಧ ತಮಿಳುನಾಡು ಭರ್ಜರಿ ಪ್ರದರ್ಶನ ನೀಡಿತ್ತು. ಮೊದಲ ಇನ್ನಿಂಗ್ಸ್‌ನಲ್ಲಿ ತಮಿಳುನಾಡು ಪರ ಸಾಯಿ ಸುದರ್ಶನ್ (213), ವಾಷಿಂಗ್ಟನ್ ಸುಂದರ್ (152) ಮತ್ತು ಪ್ರದೋಶ್ ರಂಜನ್ ಪಾಲ್ (117) ಚಚ್ಚಿದ್ರು. ಇವರ ನೆರವಿನಿಂದ ತಮಿಳುನಾಡು 6 ವಿಕೆಟ್‌ ನಷ್ಟಕ್ಕೆ 674 ಗಳಿಸಿ ಡಿಕ್ಲೇರ್ ಘೋಷಿಸಿತ್ತು.

ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿದ ದೆಹಲಿ ಪರ ಯಶ್ 105 ರನ್‌ಗಳ ಅಜೇಯ ಇನ್ನಿಂಗ್ಸ್ ಆಡಿದರು. ಬೇರೆ ಯಾರೂ ಉತ್ತಮ ಬ್ಯಾಟಿಂಗ್​ ಮಾಡದ ಕಾರಣ ಡೆಲ್ಲಿ 266 ರನ್‌ಗಳಿಗೆ ಆಲೌಟ್ ಆಯ್ತು. 2ನೇ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್​ ಮಾಡದೆ ತಮಿಳುನಾಡು ಮತ್ತೆ ಡಿಕ್ಲೇರ್ ಘೋಷಿಸಿತ್ತು. ಕೊನೆಯ ದಿನದಾಟಕ್ಕೆ ಡೆಲ್ಲಿ 8 ವಿಕೆಟ್‌ ನಷ್ಟಕ್ಕೆ 193 ರನ್ ಕಲೆ ಹಾಕಿದ ಕಾರಣ ಪಂದ್ಯ ಡ್ರಾ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

Advertisment