ಪ್ರಸಿದ್ಧ್ ಕೃಷ್ಣ ಮೇಲೆ ಭಾರೀ ನಿರೀಕ್ಷೆ.. ಟೀಂ ಇಂಡಿಯಾ ಬೌಲರ್​ಗೆ ಎದುರಾದ ಸಮಸ್ಯೆ ಏನು..?

ಇಂಡೋ-ಇಂಗ್ಲೆಂಡ್​​ ಟೆಸ್ಟ್​ ಸರಣಿಯಲ್ಲಿ ಈ ಬಾರಿ ಬಿಗ್​ ಬ್ಯಾಟಲ್​ ನಡೆಯಲಿದೆ. ಇಂಗ್ಲೆಂಡ್​​ ಘಟಾನುಘಟಿ ಬ್ಯಾಟರ್ಸ್​​ ವರ್ಸಸ್ ಭಾರತದ ಅನಾನುಭವಿ ಬೌಲರ್ಸ್​ ನಡುವಿನ ಯುದ್ಧ ಕ್ರಿಕೆಟ್​ ಲೋಕದ ಗಮನ ಸೆಳೆದಿದೆ. ಅನಾನುಭವಿಗಳೇ ತುಂಬಿರೋ ಇಂಡಿಯನ್​ ಪೇಸ್​ ಅಟ್ಯಾಕ್ ಆಂಗ್ಲರಿಗೆ ಕೌಂಟರ್​ ಕೊಡುತ್ತಾ ಅನ್ನೋ ಪ್ರಶ್ನೆ ಎದ್ದಿದೆ.

ಆಂಗ್ಲರ ನಾಡು ಇಂಗ್ಲೆಂಡ್​​​ನಲ್ಲಿ ಬೌಲರ್​​ಗಳೇ ಮ್ಯಾಚ್​ ವಿನ್ನರ್ಸ್​. ವೇಗಿಗಳಿಗೆ ನೆರವಾಗೋ ಪೇಸ್​​ ಅಂಡ್ ಬೌನ್ಸಿ ಟ್ರ್ಯಾಕ್​​ನಲ್ಲಿ ಬೌಲರ್​​​ಗಳು ಬೆಂಕಿಯುಂಡೆಗಳನ್ನೆ ಉಗುಳ್ತಾರೆ. ಒಂದು ಕ್ಷಣ ಬ್ಯಾಟ್ಸ್​​​ಮನ್ ಯಾಮಾರಿದ್ರೂ ಮುಗಿತು ಕಥೆ ವಿಕೆಟ್​ ಎಗರಿರುಯತ್ತೆ. ವೇಗಿಗಳ ಪಾಲಿಗೆ ಇಂಗ್ಲೆಂಡ್​ನ ಕಂಡಿಷನ್ಸ್​​ ಅಂದ್ರೆ ಒಂದರ್ಥದಲ್ಲಿ ಸ್ವರ್ಗ. ಈ ಬೌಲರ್​​ಗಳ ಪಾಲಿನ ಸ್ವರ್ಗದಲ್ಲಿ ಹೊಸ ಸವಾಲಿಗೆ ಟೀಮ್ ಇಂಡಿಯಾ ಸಜ್ಜಾಗ್ತಿದೆ.

ಇದನ್ನೂ ಓದಿ: ಪೂರನ್ ಅಚ್ಚರಿಯ ನಿರ್ಧಾರ.. ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ದಿಢೀರ್ ನಿವೃತ್ತಿ..!

ಜೂನ್​ 20ರಿಂದ ಆರಂಭವಾಗೋ ಇಂಡೋ-ಇಂಗ್ಲೆಂಡ್​ ನಡುವಿನ ಬ್ಯಾಟಲ್​​ನಲ್ಲೂ ಅಷ್ಟೇ ಬೌಲರ್​​​ಗಳೇ ಮ್ಯಾಚ್​ ವಿನ್ನರ್ಸ್​. ಹೆಡ್ಡಿಂಗ್ಲೆ, ಎಡ್ಜ್​ಬ್ಯಾಸ್ಟನ್​, ಲಾರ್ಡ್ಸ್​, ಮ್ಯಾಂಚೆಸ್ಟರ್​​, ಕೆನ್ನಿಂಗ್ಟನ್​​ ಓವಲ್​.. ಐದು ಟೆಸ್ಟ್​​ ಪಂದ್ಯಗಳು ನಡೆಯೋ ಈ ಐದೂ ಸ್ಟೇಡಿಯಂಗಳೂ ಬೌಲರ್​​ಗಳಿಗೆ ಹೆಚ್ಚು ನೆರವಾಗಲಿದೆ. ಟೀಮ್​ ಇಂಡಿಯಾದ ಬೌಲಿಂಗ್​ ವಿಭಾಗ ಇಂಗ್ಲೆಂಡ್​​ಗೆ ಹೋಲಿಸಿದ್ರೆ ಡಲ್​​ ಹೊಡೆಯುತ್ತಿದೆ.

ಬೂಮ್ರಾನೇ ಬೌಲಿಂಗ್​ ಬಲ.. ಎಲ್ಲ ಪಂದ್ಯ ಆಡಲ್ಲ

ಇಂಗ್ಲೆಂಡ್​ ಪ್ರವಾಸದಲ್ಲಿ ಯಾರ್ಕರ್​​ ಸ್ಪೆಷಲಿಸ್ಟ್​​ ಜಸ್​ಪ್ರಿತ್​​ ಬೂಮ್ರಾನೇ ಟೀಮ್​ ಇಂಡಿಯಾದ ಬೌಲಿಂಗ್​ ಬಲ ಎನಿಸಿದ್ದಾರೆ. ಆಂಗ್ಲರ ನಾಡಲ್ಲಿ 17 ಇನ್ನಿಂಗ್ಸ್​ಗಳನ್ನಾಡಿರುವ ಬೂಮ್ರಾ, 37 ವಿಕೆಟ್​ ಉರುಳಿಸಿದ್ದಾರೆ. ಉಳಿದೆಲ್ಲಾ ಬೌಲರ್​​ಗಳಿಂತ ಇಂಗ್ಲೆಂಡ್​ನಲ್ಲಿ ಹೆಚ್ಚು ಪಂದ್ಯಗಳನ್ನಾಡಿದ ಅನುಭವ ಬೂಮ್ರಾಗಿದೆ. ಈ ಅನುಭವಿ ಬೂಮ್ರಾ 5 ಪಂದ್ಯಗಳ ಪೈಕಿ 3 ಪಂದ್ಯದಲ್ಲಿ ಮಾತ್ರ ಆಡಲಿದ್ದಾರೆ. 2 ಪಂದ್ಯಗಳಲ್ಲಿ ಬೂಮ್ರಾ ಅಲಭ್ಯತೆ ಟೀಮ್​ ಇಂಡಿಯಾ ಕಾಡಲಿದೆ.

ಸಿರಾಜ್​​ ಮೇಲೆ ಒತ್ತಡ

ಬೂಮ್ರಾ ಬಿಟ್ರೆ ವೇಗಿ ಮೊಹಮ್ಮದ್​ ಸಿರಾಜ್​ಗೆ ಇಂಗ್ಲೆಂಡ್​ ನಾಡಲ್ಲಿ ಆಡಿದ ಅನುಭವ ಇದೆ. ಆಡಿದ 5 ಪಂದ್ಯಗಳಿಂದ 24 ವಿಕೆಟ್​ ಬೇಟೆಯಾಡಿ ಮಿಂಚಿದ್ದಾರೆ. ಈ ಬಾರಿ ಸಿರಾಜ್​ಗೆ ಬೌಲಿಂಗ್​​ ಪಾರ್ಟನರ್​ ಅಲಭ್ಯತೆ ಕಾಡಲಿದೆ. ಬೂಮ್ರಾ ಅಲಭ್ಯರಾಗೋದ್ರಿಂದ ಸಿರಾಜ್​ಗೆ​ ಒತ್ತಡ ಹೆಚ್ಚಲಿದೆ. ಒತ್ತಡಕ್ಕೆ ಸಿಲುಕಿದ ಸಂದರ್ಭಗಳಲ್ಲಿ ಲೈನ್​ ಅಂಡ್ ಲೆಂಥ್​​ ಕಂಡುಕೊಳ್ಳುವಲ್ಲಿ ವಿಫಲರಾಗಿ ರನ್​ಬಿಟ್ಟು ಕೊಟ್ಟ, ವಿಕೆಟ್​ ಬೇಟೆಯಾಡುವಲ್ಲಿ ಎಡವಿದ ಹಲವು ಉದಾಹರಣೆಗಳಿವೆ. ಇಂಗ್ಲೆಂಡ್​ನ ಬೌಲಿಂಗ್​ ಟ್ರ್ಯಾಕ್​ ರೆಕಾರ್ಡ್​ ಸಮಾಧಾನ ತರಿಸಿದ್ರೂ ಒತ್ತಡವನ್ನ ಹ್ಯಾಂಡಲ್​ ಮಾಡುವಲ್ಲಿ ಎಡವಿರೋದು ಟೆನ್ಶನ್​ಗೆ ಕಾರಣವಾಗಿದೆ.

ತಂಡದ ಕೈ ಹಿಡಿತಾರಾ ಕನ್ನಡಿಗ ‘ಪರ್ಪಲ್​ ಪ್ರಸಿದ್ಧ್​’?

ಕರ್ನಾಟಕದ ವೇಗಿ ಪ್ರಸಿದ್ಧ ಕೃಷ್ಣ ಸದ್ಯ ಸಾಲಿಡ್​ ರಿಧಮ್​ನಲ್ಲಿದ್ದಾರೆ. ಐಪಿಎಲ್​ನಲ್ಲಿ ಹೈಯೆಸ್ಟ್​ ವಿಕೆಟ್​ ಬೇಟೆಯಾಡಿ ಪರ್ಪಲ್​ ಕ್ಯಾಪ್​ ಗೆದ್ದ ಪ್ರಸಿದ್ಧ್​​ ಇದೀಗ ಇಂಗ್ಲೆಂಡ್​ ಚಾಲೆಂಜ್​ಗೆ ಸಜ್ಜಾಗಿದ್ದಾರೆ. ರೆಡ್​ಬಾಲ್​ ಫಾರ್ಮೆಟ್​​ಗೆ ಶಿಫ್ಟ್​ ಆಗ್ತಿರೋ ಪ್ರಸಿದ್ಧ್​ಗೆ ಇಂಗ್ಲೆಂಡ್​​ನಲ್ಲಿ ಟೆಸ್ಟ್​ ಕ್ರಿಕೆಟ್​ ಆಡಿದ ಅನುಭವವಿಲ್ಲ. ಕೌಂಟಿ ಕ್ರಿಕೆಟ್​ನಲ್ಲಿ 3 ಪಂದ್ಯ ಆಡಿದ್ರೂ 4 ವಿಕೆಟ್​ ಉರುಳಿಸಿದ್ದಾರಷ್ಟೇ. ಕಳೆದ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಆಡಿದ ಒಂದೇ ಪಂದ್ಯದಲ್ಲಿ ಪ್ರಸಿದ್ಧ್​ 6 ವಿಕೆಟ್​ ಉರುಳಿಸಿದ್ರು. ಇಂಗ್ಲೆಂಡ್​​ ಕಂಡಿಷನ್ಸ್​​ಗೆ ಸಾಮ್ಯತೆ ಇರೋ ಆಸ್ಟ್ರೇಲಿಯಾದಲ್ಲಿ ಉತ್ತಮ ಆಟವಾಡಿರೋದು ಸದ್ಯಕ್ಕೆ ಸಮಾಧಾನ ತರಿಸಿದೆ.

ಇದನ್ನೂ ಓದಿ: ಪೂರನ್ ಅಚ್ಚರಿಯ ನಿರ್ಧಾರ.. ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ದಿಢೀರ್ ನಿವೃತ್ತಿ..!

ಆರ್ಷ್​​ದೀಪ್ ಎಂಟ್ರಿ..

ಎಡಗೈ ವೇಗಿ ಆರ್ಷ್​​ದೀಪ್​ ಸಿಂಗ್​ ಟೆಸ್ಟ್​ ಕ್ರಿಕೆಟ್​ನಲ್ಲಿ ಚೊಚ್ಚಲ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ರೈಟ್​ ಆರ್ಮ್​ ಪೇಸರ್​​ಗಳ ಇದ್ದ ತಂಡಕ್ಕೆ ಲೆಫ್ಟ್​​ ಆರ್ಮ್​ ಪೇಸರ್​​ ಆರ್ಷ್​​ದೀಪ್​ ಎಂಟ್ರಿ ಬ್ಯಾಲೆನ್ಸ್​ ತಂದಿದೆ. ಇಂಗ್ಲೆಂಡ್​ನಲ್ಲಿ 5 ಕೌಂಟಿ ಪಂದ್ಯಗಳನ್ನ ಆಡಿದ ಅನುಭವವೂ ಆರ್ಷ್​ದೀಪ್​ಗಿದ್ದು, 13 ವಿಕೆಟ್​ ಕಬಳಿಸಿದ ಸಾಧನೆ ಮಾಡಿದ್ದಾರೆ. ಒಂದೇ ಒಂದು ಟೆಸ್ಟ್​ ಪಂದ್ಯವನ್ನ ಆಡಿದ ಅನುಭವ ಇಲ್ಲ ಅನ್ನೋದು ಮೈನಸ್​ ಆಗಿದೆ.

ಆಕಾಶ್​​​ದೀಪ್​​ ಆಸರೆಯಾಗ್ತಾರಾ?

ವೇಗಿಗಳ ವಿಭಾಗದಲ್ಲಿರೋ ಇನ್ನೊಬ್ಬ ಬೌಲರ್​ ಆಕಾಶ್​ದೀಪ್​ ಕೂಡ ಇಂಗ್ಲೆಂಡ್​ನಲ್ಲಿ ಒಂದೇ ಒಂದು ಟೆಸ್ಟ್​ ಪಂದ್ಯ ಆಡಿಲ್ಲ. ಆಸ್ಟ್ರೇಲಿಯಾದಲ್ಲಿ ಆಡಿದ ಅನುಭವ ಇದ್ರೂ ಎಫೆಕ್ಟಿವ್​ ಅನಿಸಿಲ್ಲ. ಇಂಡಿಯನ್​​ ಕಂಡಿಷನ್ಸ್​ನಲ್ಲೂ ಒಕೆ ಒಕೆ ಪರ್ಫಾಮೆನ್ಸ್​ ನೀಡಿರುವ ಆಕಾಶ್​ದೀಪ್​, ಇಂಗ್ಲೆಂಡ್​ನಲ್ಲಿ ತಂಡಕ್ಕೆ ಆಸರೆಯಾಗ್ತಾರಾ? ಇದು ದೊಡ್ಡ ಪ್ರಶ್ನೆಯಾಗಿದೆ.

ಒಂದೆಡೆ ಟೀಮ್​ ಇಂಡಿಯಾ ಬೌಲಿಂಗ್​ ಲೈನ್​ ಅಪ್​ನಲ್ಲಿ ಅನಾನುಭವಿಗಳೇ ತುಂಬಿದ್ರೆ ಇಂಗ್ಲೆಂಡ್​ ಬ್ಯಾಟಿಂಗ್​ ಆರ್ಡರ್​​ನಲ್ಲಿ ಘಟಾನುಘಟಿಗಳಿದ್ದಾರೆ. ಅಗ್ರೆಸ್ಸಿವ್​ ಬ್ರ್ಯಾಂಡ್​ ಆಫ್​ ಕ್ರಿಕೆಟ್​ ಆಡ್ತಿರೋ ಇಂಗ್ಲೆಂಡ್​ ಬ್ಯಾಟರ್ಸ್​​, ಟೀಮ್​ ಇಂಡಿಯಾ ಬೌಲರ್​​ಗಳ ಸವಾರಿ ಮಾಡೋಕೆ ಕಾದಿದ್ದಾರೆ. ಇದಕ್ಕೆ ಇಂಡಿಯನ್ ಪೇಸ್​ ಅಟ್ಯಾಕ್​​​​ ಹೇಗೆ ಟಕ್ಕರ್​ ಕೊಡುತ್ತೆ? ಅನ್ನೋದು ಸದ್ಯದ ಕುತೂಹಲ.

ಇದನ್ನೂ ಓದಿ: ಫ್ರಾಂಚೈಸಿ ಮಾರಾಟಕ್ಕೆ ಮುಂದಾದ್ರಂತೆ RCB ಮಾಲೀಕರು.. ಎಷ್ಟು ಕೋಟಿಗೆ ಡಿಮ್ಯಾಂಡ್ ಇಡಬಹುದು..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ