ಹೆಣ್ಣಾಗಿ ಬದಲಾದ ಭಾರತದ ಖ್ಯಾತ ಕ್ರಿಕೆಟರ್​ ಪುತ್ರ; ಕಾರಣ ಕೇಳಿದ್ರೆ ಶಾಕ್​ ಆಗ್ತೀರಾ!

ರಾಯಲ್​​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಮಾಜಿ ಕೋಚ್​​ ಸಂಜಯ್​​ ಬಂಗಾರ್​​. ಇವರಿಗೆ ಕಳೆದ ಸೀಸನ್​​ಗೆ ಆರ್​​ಸಿಬಿ ತಂಡದಿಂದ ಕೊಕ್​ ನೀಡಲಾಗಿತ್ತು. ಸಂಜಯ್​​ ಬಂಗಾರ್​​​ ಟೀಮ್​ ಇಂಡಿಯಾದ ಮಾಜಿ ಕ್ರಿಕೆಟರ್​​​ ಕೂಡ ಹೌದು. ಟೀಮ್​ ಇಂಡಿಯಾದ ಈ ದಿಗ್ಗಜ ತನ್ನ ಮಗನ ವಿಚಾರಕ್ಕೆ ಭಾರೀ ಸುದ್ದಿ ಆಗಿದ್ದಾರೆ.

ಹೆಣ್ಣಾದ ಸಂಜಯ್​ ಬಂಗಾರ್​​ ಪುತ್ರ

ಸಂಜಯ್ ಬಂಗಾರ್ ಅವರ ಹಿರಿಯ ಮಗ ಆರ್ಯನ್ ತನ್ನ ಹಾರ್ಮೋನ್ ಬದಲಿಸಿಕೊಂಡಿದ್ದಾರೆ. ಈ ಬಗ್ಗೆ ಆರ್ಯನ್​ ಅವರೇ ಮಾಹಿತಿ ನೀಡಿದ್ದು, ನಾನು ಹುಡುಗನಿಂದ ಹುಡುಗಿಯಾಗಿ ಬದಲಾಗಿದ್ದೇನೆ ಎಂದಿದ್ದಾರೆ. ಹಾಗೆಯೇ ಇನ್ಮುಂದೆ ನನ್ನ ಹೆಸರು ಆರ್ಯನ್ ಅಲ್ಲ, ಅನಯಾ ಎಂದು ಹೇಳಿದ್ದಾರೆ.

ಲಿಂಗ ಪರಿವರ್ತನೆ ಏಕೆ?

ಅನಯಾ ಕಳೆದ 10 ತಿಂಗಳಿಂದ ಹಾರ್ಮೋನ್ ಬದಲಾವಣೆಗಾಗಿ ಚಿಕಿತ್ಸೆ ಪಡೆದಿದ್ದಾರೆ. ಬರೋಬ್ಬರಿ 10 ತಿಂಗಳ ನಂತರ ಈಗ ಹೆಣ್ಣಾಗಿದ್ದಾರೆ. ಲಿಂಗ ಪರಿವರ್ತನೆಗಾಗಿ ತನ್ನ ಕ್ರಿಕೆಟ್​​ ಕರಿಯರ್​ ಅನ್ನೇ ಬಿಟ್ಟಿದ್ದೇನೆ. ನನಗೆ ಹೆಣ್ಣಾಗೋ ಆಸೆ ಮೊದಲಿನಿಂದಲೂ ಇತ್ತು ಎಂದು ಹೇಳಿದ್ದಾರೆ.

ಕ್ರಿಕೆಟರ್​ ಆಗೋ ಕನಸು ಕಂಡಿದ್ದ ಅನಯಾ

ಅನಯಾ ಸಂಜಯ್​ ಬಂಗಾರ್​ ಹಾಗೇ ಕ್ರಿಕೆಟರ್​ ಆಗಬೇಕು ಅನ್ನೋ ಕನಸು ಕಂಡಿದ್ರು. ತನ್ನ ಬಾಲ್ಯದಿಂದ ಸಾಕಷ್ಟು ಟ್ರೈನಿಂಗ್​ ಕೂಡ ಪಡೆದುಕೊಂಡಿದ್ರು. ಎಡಗೈ ಬ್ಯಾಟರ್​ ಆಗಿದ್ದ ಇವರು ಹಲವು ಅಂತರಾಷ್ಟ್ರೀಯ ಕ್ಲಬ್‌ ಪರ ಆಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ