ಬಾಂಗ್ಲಾದೇಶದ ವಿರುದ್ಧ ಮೊದಲ ಟೆಸ್ಟ್​​ಗೆ ಬಲಿಷ್ಠ ಟೀಮ್​ ಇಂಡಿಯಾ ಪ್ರಕಟ; ಸ್ಟಾರ್​ ಆಟಗಾರರಿಗೆ ಕೊಕ್​​

ಟೀಮ್​ ಇಂಡಿಯಾ ಬರೋಬ್ಬರಿ 6 ತಿಂಗಳ ನಂತರ ಟೆಸ್ಟ್​ ಸೀರೀಸ್​ ಆಡುತ್ತಿದೆ. ಟೀಂ ಇಂಡಿಯಾದ ಹೊಸ ಕೋಚ್​​ ಆಗಿರೋ ಗೌತಮ್ ಗಂಭೀರ್​ಗೆ ರೆಡ್ ಬಾಲ್ ಕ್ರಿಕೆಟ್‌ನಲ್ಲಿ ಇದು ಮೊದಲ ಸರಣಿ ಆಗಿದೆ. 2025ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಟೇಬಲ್‌ನಲ್ಲಿ ಅಗ್ರಸ್ಥಾನ ಖಾತ್ರಿ ಮಾಡಿಕೊಳ್ಳಲು ಟೀಮ್​ ಇಂಡಿಯಾಗೆ ಬಾಂಗ್ಲಾದೇಶ ವಿರುದ್ದ ಸರಣಿ ಅತ್ಯಂತ ಮಹತ್ವದ್ದಾಗಿದೆ.

ಸೆಪ್ಟೆಂಬರ್ 19ನೇ ತಾರೀಕಿನಿಂದ ಚೆನ್ನೈನಲ್ಲಿ ಬಾಂಗ್ಲಾದೇಶದ ವಿರುದ್ಧದ ಟೆಸ್ಟ್​ ಸರಣಿ ಆರಂಭವಾಗಲಿದೆ. ಕಳೆದ ಮಾರ್ಚ್ ತಿಂಗಳಲ್ಲಿ ಇಂಗ್ಲೆಂಡ್ ವಿರುದ್ಧ ಕೊನೆಯದಾಗಿ ಭಾರತ ತಂಡ ಟೆಸ್ಟ್ ಸರಣಿ ಆಡಿತ್ತು. ಟೀಮ್​ ಇಂಡಿಯಾ ಈ ಸರಣಿಯನ್ನು 4-1ರ ಅಂತರದಲ್ಲಿ ಗೆದ್ದಿತ್ತು. ಈಗ ಸತತ 6 ತಿಂಗಳ ಬಳಿಕ ಟೀಮ್​ ಇಂಡಿಯಾ ರೆಡ್ ಬಾಲ್ ಕ್ರಿಕೆಟ್‌ಗೆ ಕಮ್​ಬ್ಯಾಕ್​ ಮಾಡಿದೆ.

ಇತ್ತೀಚೆಗಷ್ಟೇ ಬಾಂಗ್ಲಾದೇಶ ಪಾಕಿಸ್ತಾನ ವಿರುದ್ಧ ನಡೆದ ಸರಣಿಯನ್ನು ಕ್ಲೀನ್ ಸ್ವೀಪ್ ಮಾಡಿತ್ತು. ಹಾಗಾಗಿ ಅಳೆದು ತೂಗಿ ಬಿಸಿಸಿಐ ಸೆಲೆಕ್ಷನ್​ ಕಮಿಟಿ ಬಾಂಗ್ಲಾದೇಶದ ವಿರುದ್ಧದ ಟೆಸ್ಟ್​ ಸರಣಿಯ ಮೊದಲ ಪಂದ್ಯಕ್ಕೆ ಬಲಿಷ್ಠ ಟೀಮ್​ ಇಂಡಿಯಾ ಪ್ರಕಟಿಸಿದೆ.

ದುಲೀಪ್ ಟ್ರೋಫಿ ಮೊದಲ ಸುತ್ತಿನ ಪ್ರದರ್ಶನ ತಂಡದ ಆಯ್ಕೆ ಮಾಡಲಾಗಿದೆ. ದುರಂತ ಎಂದರೆ ಶ್ರೇಯಸ್​ ಅಯ್ಯರ್​​, ಸಂಜು ಸ್ಯಾಮ್ಸನ್​​, ರಹಾನೆ, ಮಯಾಂಕ್​ ಅಗರ್ವಾಲ್​​​, ಕರುಣ್​ ನಾಯರ್​​ ಯಾರಿಗೂ ತಂಡದಲ್ಲಿ ಅವಕಾಶ ಸಿಕ್ಕಿಲ್ಲ. ಕನ್ನಡಿಗ ಕೆ.ಎಲ್​ ರಾಹುಲ್​ ಮತ್ತು ಪಂತ್​ ಇಬ್ಬರಿಗೂ ಅವಕಾಶ ನೀಡಿ ಬೀಸೋ ದೊಣ್ಣೆಯಿಂದ ಬಿಸಿಸಿಐ ತಪ್ಪಿಸಿಕೊಂಡಿದೆ.

ಬಾಂಗ್ಲಾ ವಿರುದ್ಧದ ಟೆಸ್ಟ್​ಗೆ ಟೀಮ್​ ಇಂಡಿಯಾ ಹೀಗಿದೆ!

ರೋಹಿತ್​ ಶರ್ಮಾ (ಕ್ಯಾಪ್ಟನ್​​), ಯಶಸ್ವಿ ಜೈಸ್ವಾಲ್​​, ಶುಭ್ಮನ್​ ಗಿಲ್​​, ವಿರಾಟ್​​ ಕೊಹ್ಲಿ, ಕೆ.ಎಲ್​ ರಾಹುಲ್​​, ಸರ್ಫರಾಜ್​ ಖಾನ್​​, ರಿಷಭ್​ ಪಂತ್​​, ಧೃವ್​ ಜುರೇಲ್​​, ಆರ್​. ಅಶ್ವಿನ್​, ರವೀಂದ್ರ ಜಡೇಜಾ, ಅಕ್ಷರ್​​ ಪಟೇಲ್​​, ಕುಲ್ದೀಪ್​ ಯಾದವ್​​, ಮೊಹಮ್ಮದ್​ ಸಿರಾಜ್​​, ಆಕಾಶ್​ ದೀಪ್​​, ಜಸ್​ಪ್ರೀತ್​ ಬುಮ್ರಾ, ಯಶ್​ ದಯಾಳ್​​.