ಇವನು AI ಇಂದ್ರಜಾಲ.. ಇವನಿಂದ ಭಾರತೀಯ ಸೇನೆಗೆ ಬಲ

ಇಂದ್ರಜಾಲ್ ರೇಂಜರ್.. ಹೊಸ ಆಂಟಿ-ಡ್ರೋನ್ ಗಸ್ತು ವಾಹನ..  ಯುದ್ಧತಂತ್ರದ ಮತ್ತು ಗಡಿ ಭದ್ರತಾ ಕೆಲಸಗಳ ನಿಯೋಜನೆಗಾಗಿ ವಿನ್ಯಾಸಗೊಳಿಸಲಾದ ಹೊಸ ವಾಹನ. ಇದರಿಂದಾಗಿ ದೇಶದ ರಕ್ಷಣಾ ಕ್ಷೇತ್ರಕ್ಕೂ ಎಐ ಮತ್ತೊಂದು ಕೊಡುಗೆ ಕೊಟ್ಟಂತಾಗಿದೆ. 
ಹೈದರಾಬಾದ್ ಮೂಲದ ಇಂದ್ರಜಾಲ್ ಕಂಪನಿ ತನ್ನ ಹೊಸ ಆಂಟಿ-ಡ್ರೋನ್ ಗಸ್ತು ವಾಹನವನ್ನ ಲೋಕಾರ್ಪಣೆ ಮಾಡಿದೆ. ಈ ವಾಹನ ಚಲನೆಯಲ್ಲಿರುವಾಗ ಶತ್ರುರಾಷ್ಟ್ರಗಳ ಡ್ರೋನ್‌ಗಳನ್ನ ಪತ್ತೆ ಹಚ್ಚುತ್ತೆ. ಡ್ರೋನ್‌ಗಳನ್ನ ಟ್ರ್ಯಾಕ್ ಮಾಡಲು ಯ್ಯೂಸ್ ಆಗುತ್ತೆ.. ಹಾಗೆ ಪತ್ತೆ ಹಚ್ಚಿದ ಡ್ರೋನ್‌ಗಳನ್ನ ನಿಷ್ಕ್ರಿಯಗೊಳಿಸೋ ಸಾಮರ್ಥ್ಯ ಹೊಂದಿದೆ ಅಂತ ಹೇಳಲಾಗುತ್ತಿದೆ. ಇದನ್ನ ಸಕ್ರಿಯ ಗಡಿ ಕಾರ್ಯಾಚರಣೆಗಳು, ಬೆಂಗಾವಲು ರಕ್ಷಣೆ ಮತ್ತು ವಾಯುನೆಲೆಯ ಭದ್ರತೆಗಾಗಿ ನಿರ್ಮಿಸಲಾಗಿದೆ ಎಂದು ಇಂದ್ರಜಾಲ್ ಸಂಸ್ಥೆ ತಿಳಿಸಿದೆ. 
ಇದನ್ನ ಗಡಿಯಾಚೆಗಿನ ವಿರೋಧಿಗಳಿಗೂ ಕೌಂಟರ್‌ ಕೊಡಲು.. ಡ್ರೋನ್‌ ಹಾಗೂ ರಾಷ್ಟ್ರೀಯ ಭದ್ರತಾ ವ್ಯವಸ್ಥೆಯಲ್ಲಿನ ದುರ್ಬಲತೆಯನ್ನ ಪರಿಹರಿಸಲು ಹಾಗೂ ಸಕ್ರಿಯ ಗಡಿ ಕಾರ್ಯಾಚರಣೆಯಲ್ಲಿ ತುಂಬಾ ಸಹಾಯವಾಗಲಿದೆ.  ಬೆಂಗಾವಲು ರಕ್ಷಣೆ ಮತ್ತು ವಾಯುನೆಲೆಯ ಭದ್ರತೆಗಾಗಿ ನಿರ್ಮಿಸಲಾಗಿದೆ. ಜೀವ ರಕ್ಷಕನಂತೆ ಕೆಲಸ ನಿರ್ವಹಿಸಲಿದೆ. ಇದ್ರಿಂದ ಭಾರತದ ಆಂತರಿಕ ಭದ್ರತೆ ಬಲಪಡಿಸಲಾಗುತ್ತೆ. ಇಂದ್ರಜಾಲ್‌ನಲ್ಲಿ ಇದು ನಮ್ಮ ಪ್ರಾಥಮಿಕ ಧ್ಯೇಯ ಎಂದು ಇಂದ್ರಜಾಲ್ ಸಿಇಒ ಮತ್ತು ಸಂಸ್ಥಾಪಕರಾದ ಕಿರಣ್ ರಾಜು ತಿಳಿಸಿದ್ದಾರೆ.

ಏನೆಲ್ಲಾ ಮಾಡುತ್ತೆ ಈ ರೇಂಜರ್?

ಮಾದಕ ದ್ರವ್ಯಗಳು ದೇಶವನ್ನ ಪ್ರವೇಶಿಸುವುದನ್ನು ತಡೆಯುತ್ತೆ. ದೇಶದೊಳಕ್ಕೆ ಅಕ್ರಮವಾಗಿ ಶಸ್ತ್ರಾಸ್ತ್ರಗಳ ಸಾಗಾಟವನ್ನ ತಡೆಯುತ್ತೆ. ಸೂಕ್ಷ್ಮ ಗಡಿ ವಲಯಗಳಲ್ಲಿ ವಾಸಿಸುವ ರೈತರನ್ನ ರಕ್ಷಿಸುತ್ತದೆ. ವಿಮಾನ ನಿಲ್ದಾಣಗಳು, ಗಡಿ ಪ್ರದೇಶಗಳು, ಸಂಸ್ಕರಣಾಗಾರಗಳು, ಸಮುದ್ರ ಬಂದರುಗಳು, ನಗರಗಳು ಮತ್ತು ಮಿಲಿಟರಿಗೆ ಸಹಾಯ ಮಾಡಲಿದೆ. ಮಿಲಿಟರಿ ರಚನೆಗಳನ್ನ ಅಭೂತಪೂರ್ವ ಪ್ರಮಾಣದಲ್ಲಿ ರಕ್ಷಿಸುತ್ತೆ.
ಇಂದ್ರಜಾಲ್ ರೇಂಜರ್ ಅಧಿಕೃತವಾಗಿ ಅನಾವರಣಗೊಂಡಿದೆ. ಈಗಾಗಲೇ ಪಂಜಾಬ್ ಪೊಲೀಸ್ ಮತ್ತು ಬಿಎಸ್‌ಎಫ್ ಜೊತೆಗೆ ಕಾರ್ಯನಿರ್ವಹಿಸುತ್ತಿದೆ. ಸ್ವಾಯತ್ತ ಡ್ರೋನ್ ವಿರೋಧಿ ರಕ್ಷಣೆ ಮತ್ತು ಗಡಿ ಕಣ್ಗಾವಲಿನಲ್ಲಿ ಇದು ಒಂದು ಪ್ರಮುಖವಾದ ಹೆಜ್ಜೆ ಎನ್ನಲಾಗಿದೆ. ಇದು ಗಡಿ ಪ್ರದೇಶಗಳು ಮತ್ತು ನಗರ ವಲಯಗಳಲ್ಲಿ ವಿರೋಧಿ ಡ್ರೋನ್‌ಗಳನ್ನು ನಿಲ್ಲಿಸಲು ವಿನ್ಯಾಸಗೊಳಿಸಲಾದ ಆಂಟಿ-ಡ್ರೋನ್ ಗಸ್ತು ವಾಹನವಾಗಿದೆ. ಇದರಲ್ಲಿ ಸಂಯೋಜಿತ ಸೈಬರ್ ಟೇಕ್ಓವರ್ ಘಟಕ, ಆರ್‌ಎಫ್‌ ಜಾಮಿಂಗ್ ಮತ್ತು ಸ್ಪ್ರಿಂಗ್-ಲೋಡೆಡ್ ಕಿಲ್ ಸ್ವಿಚ್‌ನೊಂದಿಗೆ ಯುದ್ಧ ಭೂಮಿಯಲ್ಲಿ ರೇಂಜರ್ 4 ಕಿಲೋ ಮೀಟರ್​ ದೂರದವರೆಗೆ ಡ್ರೋನ್‌ಗಳನ್ನ ತಟಸ್ಥಗೊಳಿಸುತ್ತೆ. ಒಟ್ನಲ್ಲಿ ಇಂದ್ರಜಾಲ್​ ಭಾರತದ ಸೇನೆಯ ಮತ್ತೊಂದು ಪ್ರಬಲ ಶಕ್ತಿಯಾಗುವ ಎಲ್ಲಾ ಸಾಧ್ಯತೆಗಳಿದೆ.