ವಿಶ್ವದ 5 ಅಂತ್ಯಂತ ದುಬಾರಿ , ಐಷಾರಾಮಿ ಫೋನ್​ಗಳು..! ಇವುಗಳನ್ನ ಯಾರೆಲ್ಲ ಬಳಸುತ್ತಾರೆ?

ದುಬಾರಿ ಫೋನ್ ಅಂದ್ರೆ ನಮ್ಮಲ್ಲಿ ಹೆಚ್ಚಿನವರು ಆಪಲ್ ಐಫೋನ್ ಎಂದು ಭಾವಿಸುತ್ತಾರೆ. ಆದರೆ ಜಗತ್ತಿನಲ್ಲಿ ಕೆಲವು ಅಲ್ಟ್ರಾ-ಐಷಾರಾಮಿ ಫೋನ್‌ಗಳು ಐಫೋನ್ ಪ್ರೊ ಮ್ಯಾಕ್ಸ್‌ಗಿಂತಲೂ ಹೆಚ್ಚು ಬೆಲೆ ಹೊಂದಿವೆ. ಕೇವಲ ತಂತ್ರಜ್ಞಾನದಿಂದ ಮಾತ್ರವಲ್ಲ, ವಿಶಿಷ್ಟ ವಿನ್ಯಾಸ, ಅಪರೂಪದ ವಸ್ತುಗಳು ಮತ್ತು ಐಷಾರಾಮಿ ಬ್ರ್ಯಾಂಡಿಂಗ್​ನಿಂದಾಗಿ ದುಬಾರಿ ಆಗಿವೆ. ರಾಜಮನೆತನದವರು, ಉದ್ಯಮಿಗಳು ಮತ್ತು ಸೆಲೆಬ್ರಿಟಿಗಳು ಬಳಸುತ್ತಾರೆ. ಟಾಪ್ 5 ಐಷಾರಾಮಿ ಸ್ಮಾರ್ಟ್‌ಫೋನ್‌ಗಳು ಮತ್ತು ಯಾರು ಬಳಸುತ್ತಿದ್ದಾರೆ ಅನ್ನೋದ್ರ ವಿವರ ಇಲ್ಲಿದೆ.

Falcon Supernova iPhone 6 Pink Diamond Edition

ಫಾಲ್ಕನ್ ಸೂಪರ್ನೋವಾ ಐಫೋನ್ 6 ಪಿಂಕ್ ಡೈಮಂಡ್ ಎಡಿಷನ್ ಬೆಲೆಯು 370 ಕೋಟಿ ರೂಪಾಯಿ. ಈ ಫೋನ್ 24 ಕ್ಯಾರೆಟ್ ಚಿನ್ನದ ಲೇಪನದಿಂದ ಕೂಡಿದೆ. ಹಿಂಭಾಗದಲ್ಲಿ ಗುಲಾಬಿ ವಜ್ರದ ಲೇಪನ ಇದೆ. ಇದನ್ನು ನೀತಾ ಅಂಬಾನಿ ಮತ್ತು ಇತರ ಜಾಗತಿಕ ಬಿಲಿಯನೇರ್‌ಗಳು ಬಳಸುತ್ತಾರೆ. ಇಲ್ಲಿಯವರೆಗೆ ಅಭಿವೃದ್ಧಿಪಡಿಸಲಾದ ಅತ್ಯಂತ ದುಬಾರಿ ಫೋನ್ ಇದಾಗಿದೆ.

Goldvish Le Million

ಗೋಲ್ಡ್‌ವಿಶ್ ಲೆ ಮಿಲಿಯನ್ ಬೆಲೆ 7.5 ಕೋಟಿ ರೂಪಾಯಿ. ಇದು 18 ಕ್ಯಾರೆಟ್ ವೈಟ್​ ಗೋಲ್ಡ್​ನಿಂದ ತಯಾರಿಸಲಾಗಿದೆ. ಇದರಲ್ಲಿ 1,200 ವಜ್ರಗಳ ಹರಳುಗಳಿವೆ. ಇದು ಕೇವಲ 3 ಯೂನಿಟ್‌ಗಳಿಗೆ ಸೀಮಿತವಾಗಿದೆ. ಈ ಫೋನ್ ಅನ್ನು ಮಧ್ಯಪ್ರಾಚ್ಯದಲ್ಲಿರುವ ರಾಜಮನೆತನಗಳು ಬಳಸುತ್ತವೆ. ಈ ಫೋನ್ ಒಂದು ಕಾಲದಲ್ಲಿ ಅತ್ಯಂತ ದುಬಾರಿ ಫೋನ್ ಎಂಬ ಗಿನ್ನೆಸ್ ದಾಖಲೆ ಬರೆದಿತ್ತು.

iPhone 5 Black Diamond Edition by Stuart Hughes

ಸ್ಟುವರ್ಟ್ ಹ್ಯೂಸ್ ಅವರ ಐಫೋನ್ 5 ಬ್ಲಾಕ್ ಡೈಮಂಡ್ ಆವೃತ್ತಿಯ ಬೆಲೆ 95 ಕೋಟಿ ರೂಪಾಯಿ. ಇಷ್ಟೊಂದು ದುಬಾರಿ ಆಗಲು ಕಾರಣ ಫೋನ್​ನಲ್ಲಿರುವ 600 ಕಪ್ಪು ವಜ್ರಗಳು. ವಿಶೇಷ ಗಾಜಿನ ಪರದೆ ಮತ್ತು 24 ಕ್ಯಾರೆಟ್ ಚಿನ್ನದಿಂದ ತಯಾರಿಸಲಾಗಿದೆ. ಇದನ್ನು ಚೀನಾದ ಉದ್ಯಮಿಯೊಬ್ಬರು ಬಳಸುತ್ತಿದ್ದಾರೆ.

Vertu Signature Cobra

ವರ್ಟು ಸಿಗ್ನೇಚರ್ ಕೋಬ್ರಾದ ಬೆಲೆ 2.3 ಕೋಟಿ ರೂಪಾಯಿ. ಇದನ್ನು ಹಾಲಿವುಡ್ ತಾರೆಯರು, ಉದ್ಯಮಿಗಳು ಬಳಸುತ್ತಾರೆ. ಸ್ವಿಸ್ ಕರಕುಶಲತೆಯನ್ನು ಆಭರಣ ವಿನ್ಯಾಸದೊಂದಿಗೆ ಸಂಯೋಜಿಸುವ ವರ್ಟು ಯಾವಾಗಲೂ ಐಷಾರಾಮಿ ಫೋನ್‌ಗಳ ಸಂಕೇತವಾಗಿದೆ.

Caviar iPhone 14 Pro Max Diamond Snowflake Edition

ಕ್ಯಾವಿಯರ್ ಐಫೋನ್ 14 ಪ್ರೊ ಮ್ಯಾಕ್ಸ್ ಡೈಮಂಡ್ ಸ್ನೋಫ್ಲೇಕ್ ಆವೃತ್ತಿ.. ಈ ಫೋನ್ ಬೆಲೆ ರೂ.1.2 ಕೋಟಿ. ಇದನ್ನು ರಷ್ಯಾದ ಐಷಾರಾಮಿ ಬ್ರ್ಯಾಂಡ್ ಕ್ಯಾವಿಯರ್ ವಿನ್ಯಾಸಗೊಳಿಸಿದೆ. ಇದು 18K ಚಿನ್ನ, ವಜ್ರಗಳು ಮತ್ತು ಟೈಟಾನಿಯಂ ಒಳಗೊಂಡಿದೆ. ಇದನ್ನು ರಷ್ಯಾದ ಒಲಿಗಾರ್ಚ್‌ಗಳು ಬಳಸುತ್ತಾರೆ.