ಲಾರ್ಡ್ಸ್​ ಟೆಸ್ಟ್​ ಮ್ಯಾಚ್​ ಫುಲ್​ ಥ್ರಿಲ್ಲಿಂಗ್​.. ಪಂದ್ಯಕ್ಕೆ ರೋಚಕ ಟಚ್ ಕೊಟ್ಟ ಈ ಕಿರಿಕ್​​ಗಳು..!

ಇಂಡೋ-ಇಂಗ್ಲೆಂಡ್​​ ಲಾರ್ಡ್ಸ್​​​ ಟೆಸ್ಟ್​ ಪಂದ್ಯ ಥ್ರಿಲ್ಲಿಂಗ್​ ಅಂತ್ಯ ಕಂಡಿದೆ. ಐಕಾನಿಕ್​​ ಕ್ರಿಕೆಟ್​ ಕಾಶಿ ಲಾರ್ಡ್ಸ್​ನಲ್ಲಿ ಮದಗಜಗಳ ನಡುವೆ 5 ದಿನಗಳ ಕಾಲ ನಡೆದ ಜಿದ್ದಾಜಿದ್ದಿನ ಕಾದಾಟ ಫ್ಯಾನ್ಸ್​​​ಗೆ ಭರ್ಜರಿ ಎಂಟರ್​​ಟೈನ್​ಮೆಂಟ್ ನೀಡಿತು. ಈ ಪಂದ್ಯದ ಆಟದ್ದು ಒಂದು ಗತ್ತಾದ್ರೆ, ಮಧ್ಯೆ ಮಧ್ಯೆ ನಡೆದ ಕಿರಿಕ್​ಗಳದ್ದು ಮತ್ತೊಂದು ಗತ್ತು. ಇನ್​​ಫ್ಯಾಕ್ಟ್​ ಇಡೀ ಪಂದ್ಯಕ್ಕೆ ರೋಚಕತೆಯ ಟಚ್​ ನೀಡಿದ್ದೇ ಈ ಕಿರಿಕ್​ಗಳು.

ಕಿರಿಕ್​ ನಂ.1- ಅಂಪೈರ್​ ಜೊತೆಗೆ ಶುಭ್​ಮನ್​ ವಾಗ್ವಾದ

ಲಾರ್ಡ್ಸ್​​ ಟೆಸ್ಟ್​ನ​ 2ನೇ ದಿನದಾಟದ ಮೊದಲ ಸೆಷನ್​ನಿಂದಲೇ ಶುರುವಾಗಿದ್ದು ಈ ಕಿರಿಕ್ ಸ್ಟೋರಿಗಳು. ಬಾಲ್​ ಬದಲಾವಣೆ ವಿಚಾರಕ್ಕೆ ಅಂಪೈರ್​​ ಜೊತೆಗೆ ಇಂಡಿಯನ್​​ ಕ್ಯಾಪ್ಟನ್​​ ಶುಭ್​ಮನ್​ ಗಿಲ್​ ವಾಗ್ವಾದ ನಡೆಸಿದರು. ಹಿಂದೆಂದೂ ಗಿಲ್​ ಅಷ್ಟೊಂದು ಅಗ್ರೆಸ್ಸಿವ್​ ಆಗಿ ಕಾಣಿಸಿರಲಿಲ್ಲ. ಬಾಲ್​ ಬದಲಾವಣೆ ವಿಚಾರಕ್ಕೆ ಗಿಲ್​ ಫುಲ್​ ಗರಂ ಆಗಿದ್ದರು.

ಕಿರಿಕ್​ ನಂ.2- ಕಾಲಹರಣ ಮಾಡಿ ಕೆಣಕಿದ ಕ್ರಾವ್ಲಿ

ಟೆಸ್ಟ್​ ಪಂದ್ಯಕ್ಕೆ ರೋಚಕತೆಯನ್ನ ಹೆಚ್ಚಿಸಿದ್ದೆ ಈ ಜಾಕ್​ ಕ್ರಾವ್ಲಿ. 3ನೇ ದಿನದಾಟದ ಅಂತ್ಯದಲ್ಲಿ 2ನೇ ಇನ್ನಿಂಗ್ಸ್​ ಆರಂಭಿಸೋಕೆ ಬಂದ ಇಂಗ್ಲೆಂಡ್​​​ನ ಓಪನರ್​​ ಜಾಕ್​ ಕ್ರಾವ್ಲಿ ಟೈಮ್​ವೇಸ್ಟ್​ ಮಾಡಿದರು. ಇದು ದಿನಾದಾಟದ ಅಂತ್ಯದೊಳಗೆ ಕನಿಷ್ಟ 2 ಓವರ್​ಗಳನ್ನಾದ್ರೂ ಹಾಕಬೇಕು ಅಂದು ಕೊಂಡಿದ್ದ ಟೀಮ್​ ಇಂಡಿಯಾವನ್ನ ಕೆರಳಿಸಿತು. ಟೀಮ್​ ಇಂಡಿಯಾದ ಎಲ್ಲಾ ಆಟಗಾರರು ಮುಗಿಬಿದ್ದರು. ಚಪ್ಪಾಳೆ ತಟ್ಟಿ ಕ್ರಾವ್ಲಿ ಕಾಲೆಳೆದರು. ಕ್ರಾವ್ಲಿಯ ಕಾಲಹರಣದ ನಡೆಯಿಂದ ಕ್ಯಾಪ್ಟನ್​ ಶುಭ್​ಮನ್​ ಗಿಲ್​ ಅಂತೂ ಕೆಂಡವಾಗಿದರು. ನೇರವಾಗಿ ತೆರಳಿ ಡೈರೆಕ್ಟ್​ ವಾರ್ನಿಂಗ್ ಕೂಡ​​ ಕೊಟ್ಟರು.

ಕಿರಿಕ್​ ನಂ.3- ಡಕೆಟ್​​ಗೆ ಗುಡ್​ ಬೈ ಹೇಳಿ ದಂಡಕ್ಕೆ ಗುರಿಯಾದ ಸಿರಾಜ್​

3ನೇ ದಿನದಾಟ ಅಂತ್ಯದಲ್ಲಾದ ಘಟನೆ ಇಡೀ ಟೀಮ್​ ಇಂಡಿಯಾವನ್ನ ಕೆರಳಿಸಿತ್ತು. ವೇಗಿ ಮೊಹಮ್ಮದ್​ ಸಿರಾಜ್​ ಅಂತೂ ಫುಲ್​ ಸಿಡಿದೆದ್ದಿದ್ದರು. 4ನೇ ದಿನದ ಮೊದಲ ಸೆಷನ್​ನಲ್ಲಿ ಬೆನ್​ ಡಕೆಟ್​ ವಿಕೆಟ್​ ಉರುಳಿಸಿದ ಸಿರಾಜ್​ ಅಗ್ರೆಸ್ಸಿವ್​ ಸೆಲಬ್ರೇಷನ್​ ಮಾಡಿದರು. ಡಕೆಟ್​​ ಹತ್ತಿರ ಹೋಗಿ ಗುರಾಯಿಸಿ ಕಣ್ಣಲ್ಲೇ ವಾರ್ನಿಂಗ್​ ಕೊಟ್ರು. ಸೆಲೆಬ್ರೇಷನ್​ ಕಾರಣಕ್ಕೆ ರೆಫರಿ ಕೆಂಗಣ್ಣಿಗೆ ಗುರಿಯಾಗಿ ಕೊನೆಗೆ ದಂಡಕ್ಕೆ ಗುರಿಯಾದರು.

ಕಿರಿಕ್​ ನಂ.4- ಆಕಾಶ್​​​ದೀಪ್​​ VS ಕರ್ಸ್​ ಮಾತಿನ ಚಕಮಕಿ

4ನೇ ದಿನದಾಟದ ಅಂತ್ಯದಲ್ಲಿ ಇಂಗ್ಲೆಂಡ್​ ತಂಡ ಮೇಲುಗೈ ಸಾಧಿಸಿತ್ತು. ಈ ವೇಳೆ ನೈಟ್​ ವಾಚ್​​ಮನ್​​ ಆಗಿ ಕಣಕ್ಕಿಳಿದ ಆಕಾಶ್​​ದೀಪ್​ನ ಔಟ್​ ಮಾಡೋಕೆ ಆಂಗ್ಲ ಪಡೆ ಸರ್ವಪ್ರಯತ್ನ ಮಾಡ್ತಿತ್ತು. ಈ ವೇಳೆ ಇಂಗ್ಲೆಂಡ್​ ವೇಗಿ ಬ್ರೆಂಡನ್​ ಕರ್ಸ್​​ -ಆಕಾಶ್​​ದೀಪ್ ನಡುವೆ ಮಾತಿನ ಚಕಮಕಿ ನಡೀತು.

ಕಿರಿಕ್​ ನಂ.5- ರಾಹುಲ್​ VS ಸ್ಟೋಕ್ಸ್​.. ಮಾತಿನ ಸಮರ

ಆಕಾಶ್​​ದೀಪ್​ -ಬ್ರೆಂಡನ್​ ಕರ್ಸ್​ ನಡುವಿನ ಚಕಮಕಿ ಮುಗಿಯೋ ಮುನ್ನವೇ ರಾಹುಲ್​-ಸ್ಟೋಕ್ಸ್​ ನಡುವೆ ವಾದ ನಡೀತು. ನಾನ್​​ಸ್ಟ್ರೈಕ್​ ಎಂಡ್​ನಲ್ಲಿದ್ದ ರಾಹುಲ್​ ಬಳಿ ಬಂದ ಸ್ಟೋಕ್ಸ್​ ಚಪ್ಪಾಳೆ ತಟ್ತಾ ಏನನ್ನೋ ಹೇಳಿದರು. ಇದಕ್ಕೆ ರಾಹುಲ್​ ನಗುನಗ್ತಾನೇ ಆನ್ಸರ್​ ಕೊಟ್ಟರು.

ಇದನ್ನೂ ಓದಿ:ಟೀಮ್ ಇಂಡಿಯಾಕ್ಕೆ ಕೈ ಕೊಟ್ಟ ಬ್ಯಾಟರ್ಸ್​​.. 193 ರನ್​ ಚೇಸ್​ ಮಾಡಲಾಗದ ಗಿಲ್​ ಸೇನೆಗೆ ಭಾರೀ ಅವಮಾನ! ​

ಕಿರಿಕ್​ ನಂ.6- ಪಂತ್​ಗೆ ಸೆಂಡ್​ಅಪ್​, ನಿತೀಶ್​ಗೆ​ ವೆಲ್​ಕಮ್

ಐದನೇ ದಿನದಾಟದಲ್ಲಂತೂ ಇಂಗ್ಲೆಂಡ್​ ತಂಡ ಫುಲ್​ ಕೆರಳಿ ನಿಂತಿತ್ತು. ಅದ್ರಲ್ಲೂ ವೇಗಿ ಜೋಫ್ರಾ ಆರ್ಚರ್​​ ಫುಲ್​ ಅಗ್ರೆಸ್ಸಿವ್​ ಆಗಿದ್ದರು. ಔಟಾದ ಬಳಿಕ ಪೆವಿಲಿಯನ್​ ಕಡೆಗೆ ಹೆಜ್ಜೆ ಹಾಕ್ತಿದ್ದ ರಿಷಭ್​ ಪಂತ್​ ಬಳಿ ತೆರಳಿ​ ನಿಂದಿಸಿದರು. ಬ್ಯಾಟಿಂಗ್​ಗೆ ಬಂದ ನಿತೀಶ್​ ರೆಡ್ಡಿಗೆ ಮೊದಲ ಎಸೆತದಲ್ಲೇ ಬೌನ್ಸರ್​ ಹಾಕಿದ ಆರ್ಚರ್​​, ಬಳಿಕ ನಿತೀಶ್​ ಬಳಿಕ ತೆರಳಿ ಸ್ಲೆಡ್ಜ್​ ಮಾಡಿದರು.

ಕಿರಿಕ್​ ನಂ.7- ಜಡೇಜಾ VS ಬ್ರೆಂಡನ್​ ಕರ್ಸ್​ ಫೈಟ್​​

ಟೀಮ್​ ಇಂಡಿಯಾ ಬ್ಯಾಟಿಂಗ್​ನ 34ನೇ ಓವರ್​​ನಲ್ಲಿ ನಡೆದ ಘಟನೆಯಿದು. ಸ್ಟ್ರೈಕ್​ನಲ್ಲಿದ್ದ ಜಡೇಜಾ 2 ರನ್​ಗಾಗಿ ಓಡ್ತಿದ್ರು. ಬಾಲ್​ ಮೇಲೆ ಗಮನವಹಿಸಿದ್ದ ಜಡೇಜಾ ಎದುರಿಗಿದ್ದ ಬ್ರೆಂಡನ್​ ಕರ್ಸ್​ನ ನೋಡದೆ ಡಿಕ್ಕಿ ಹೊಡೆದು ಬಿಟ್ರು. ಅಕಸ್ಮಾತ್​ ಆದ ಅಪಘಾತ ಬಿಸಿ ಚರ್ಚೆಗೆ ಕಾರಣವಾಯ್ತು. ಇನ್ನು, ಆನ್​​ಫೀಲ್ಡ್​ನಲ್ಲಿ ಆಟಗಾರರ ನಡುವಿನ ಕಾದಾಟಕ್ಕೆ ಸ್ಟ್ಯಾಂಡ್​ನಲ್ಲಿದ್ದ ಅಭಿಮಾನಿಗಳು ಇನ್ವಾಲ್ವ್​​ ಆಗಿದ್ದರು. ಜೋರಾಗಿ ಚಿಯರ್​ ಮಾಡ್ತಾ, ಕ್ಲ್ಯಾಪ್ಸ್​ ಬಾರಿಸ್ತಾ ಪಂದ್ಯದ ರೋಚಕತೆಯನ್ನ ಮತ್ತಷ್ಟು ಹೆಚ್ಚಿಸಿದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ