ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಗೆಲ್ಲಲು ಭಾರತ ತಂಡಕ್ಕೆ ಬೇಕು ಐದು ಮಂತ್ರ..!

ಇಂಗ್ಲೆಂಡ್​ನಲ್ಲಿ ಟೀಮ್ ಇಂಡಿಯಾ ಗೆಲ್ಲೋದು ಅಂದ್ರೆ ತಮಾಷೆಯ ವಿಷಯವಲ್ಲ. ಈ ಸಲ ಆಂಗ್ಲರ ನಾಡಿಗೆ ದಂಡಿತ್ತಿ ಹೋಗಿರುವ ಯುವ ಪಡೆ, ಇತಿಹಾಸ ಸೃಷ್ಟಿಸುವ ಕನಸಿನಲ್ಲಿದೆ. ಈ ಕನಸು ನನಸಾಗಬೇಕಾದ್ರೆ, ಐದು ಮಂತ್ರ ಚಾಚು ತಪ್ಪದೆ ಪಾಲಿಸಬೇಕಿದೆ..

ಇಂಡೋ, ಇಂಗ್ಲೆಂಡ್ ಟೆಸ್ಟ್​ ಸರಣಿ ಆರಂಭಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ಜೂನ್​​20 ರಿಂದ ಶುರುವಾಗಲಿರುವ ಈ ಪ್ರತಿಷ್ಟೆಯ ಟೆಸ್ಟ್​ ಗೆಲ್ಲೋಕೆ, ಟೀಮ್ ಇಂಡಿಯಾ ತೆರೆ ಹಿಂದೆಯೇ ನಾನಾ ಗೇಮ್​​ ಪ್ಲಾನ್​ ಆ್ಯಂಡ್ ಸ್ಟ್ರಾಟರ್ಜಿ ರೂಪಿಸ್ತಿದೆ. ಆಂಗ್ಲರ ನಾಡದಲ್ಲಿ ಟೀಮ್ ಇಂಡಿಯಾದ ವಿಜಯೋತ್ಸವ ಆಚರಿಸೋದು ನಿಜಕ್ಕೂ ಅಷ್ಟು ಸುಲಭದ ಮಾತಲ್ಲ. ಆ ಮಾತು ನಿಜವಾಗಬೇಕಾದ್ರೆ ಟೀಮ್ ಇಂಡಿಯಾ ಆಟಗಾರರು, ಈ ಐದೂ ರೂಲ್ಸ್​ನ ಇಂಪ್ಲಿಮೆಂಟ್ ಮಾಡಬೇಕು.

ಇದನ್ನೂ ಓದಿ: ABD ಮೇಲೆ ಕೊಹ್ಲಿಗೆ ಕೋಪ.. ತಿಂಗಳುಗಟ್ಟಲೇ ಮಾತಿಲ್ಲ, ಕಥೆಯಿಲ್ಲ.. ಈ ಸ್ಟೋರಿ ಗೊತ್ತಾ ನಿಮಗೆ..?

ನಂಬರ್​.01: ತಾಳ್ಮೆಯ ಆಟ..!

ಟೆಸ್ಟ್​ ಕ್ರಿಕೆಟ್​ ಅಂದ್ರೆ ತಾಳ್ಮೆ. ಈ ತಾಳ್ಮೆ ಕಾಯ್ದುಕೊಳ್ಳುವವರಿಗೆ ಯಶಸ್ಸು ಕಟ್ಟಿಟ್ಟ ಬುತ್ತಿ. ಹೀಗಾಗಿ ಬ್ಯಾಟರ್​ಗಳು ಎಚ್ಚರಿಕೆಯ ಆಟವಾಡಬೇಕಿದೆ. ರನ್ ಬರಲಿಲ್ಲ ಎಂಬ ಆತುರಕ್ಕೆ ಇಲ್ಲದ ಶಾಟ್​​ಗೆ ಯತ್ನಿಸಿ ಕೈಸುಟ್ಟುಕೊಳ್ಳುವ ಗೋಜಿಗೆ ಹೋಗದಂತೆ. ಮೊದಲು ಕ್ರೀಸ್​ನಲ್ಲಿ ನೆಲಯೂರುವಂತಹ ಹೆಜ್ಜೆ ಹಾಕಬೇಕು. ಬ್ಯಾಟರ್​ಗಳು ಮಾತ್ರವಲ್ಲ, ಬೌಲರ್​ಗಳಿಗೂ ಇದು ಅನ್ವಯ. ವಿಕೆಟ್ ಬರ್ತಿಲ್ಲ ಎಂಬ ಕಾರಣಕ್ಕೆ ಒತ್ತಡಕ್ಕೊಳಗಾಗದಂತೆ ಲೈನ್​ ಅಂಡ್ ಲೈನ್ ಕಾಯ್ದುಕೊಳ್ಳಬೇಕಿದೆ. ಆ ಮೂಲಕ ಎದುರಾಳಿ ಬ್ಯಾಟರ್​​​ನ ಟೆಸ್ಟ್​ ಮಾಡಬೇಕಿದೆ.

ನಂಬರ್​.02: ಆತ್ಮವಿಶ್ವಾಸದಿಂದ ಆಟ ಮುಖ್ಯ

ಆಟಗಾರರ ಆತ್ಮವಿಶ್ವಾಸ ಹಾಗೂ ಮೈಂಡ್​ಸೆಟ್​. ಇದು ಆಟಗಾರರ ಪರ್ಫಾಮೆನ್ಸ್​ ಮೇಲೆ ಭಾರೀ ಪರಿಣಾಮ ಬೀರುತ್ತದೆ. ಪ್ರಮುಖವಾಗಿ ಟೀಮ್ ಇಂಡಿಯಾದಲ್ಲಿರುವ ಐದಾರು ಆಟಗಾರರು ಹೊರತುಪಡಿಸಿ, ಇನ್ನುಳಿದ ಎಲ್ಲರಿಗೂ ಇದೇ ಮೊದಲ ಇಂಗ್ಲೆಂಡ್ ಸಿರೀಸ್.. ಈ ಕಾರಣಕ್ಕೆ ಹೊಸ ಆಟಗಾರರು, ತಮ್ಮ ಮನದಲ್ಲಿರುವ ಅಳುಕು ದೂರ ಮಾಡಿ ಆತ್ಮವಿಶ್ವಾಸದ ಆಟವಾಡುವುದು ಬಹು ಮುಖ್ಯ.

ನಂಬರ್​.03: ಕಂಡೀಷನ್ಸ್​ನ ತಿಳಿದುಕೊಳ್ಳಬೇಕು

ಅನ್​​​ಫೀಲ್ಡ್​ಗೆ ಇಳಿಯುವ ಮುನ್ನ ತಿಳಿದುಕೊಳ್ಳಬೇಕಾದ ಮಹತ್ವದ ವಿಷ್ಯ ಕಂಡೀಷನ್ಸ್​. ಈ ಕಂಡೀಷನ್ಸ್​ಗೆ ತಕ್ಕಂತ ಪ್ಲೇಯಿಂಗ್ ಇಲೆವೆನ್ ಕಣಕ್ಕಿಳಿಸುವುದು ಮಾತ್ರವಲ್ಲ. ಸ್ವೀಮ್ ಆ್ಯಂಡ್ ಸ್ವಿಂಗ್ ಕಂಡೀಷನ್ಸ್​ಗೆ​ ತಕ್ಕಂತೆ ಬೌಲಿಂಗ್ ಮತ್ತು ಬ್ಯಾಟಿಂಗ್​ಗೆ ಮಾಡಬೇಕಿದೆ. ಕಾಲ ಕಳೆದಂತೆ ಗಟ್ಟಿಯಾಗುವ ಈ ಪಿಚ್​ನಲ್ಲಿ ಪೇಸ್ ಅಂಡ್ ಬೌನ್ಸ್​ ಸಿಗುತ್ತೆ. ಈ ಕಾರಣಕ್ಕೆ ಕಂಡೀಷನ್ಸ್​ಗೆ ಅನುಗುಣವಾಗಿ ಅಡಪ್ಟ್​ ಆಗಿ ಸ್ಟ್ರಾಟರ್ಜಿ ರೂಪಿಸುತ್ತ ಇಂಪ್ಲಿಮೆಂಟ್ ಮಾಡಬೇಕಿದೆ..

ಇದನ್ನೂ ಓದಿ: ರಾಜಸ್ಥಾನ್ ರಾಯಲ್ಸ್​ ತೊರೆಯಲು ಸಂಜು ಸಜ್ಜು.. ಯಾವ ತಂಡ ಸೇರ್ತಾರೆ ಕ್ಯಾಪ್ಟನ್..?

ನಂಬರ್​.04: ತಿರುಗೇಟು ನೀಡುವ ಸಾಮರ್ಥ್ಯ ಬೇಕು

ಟೀಮ್ ಇಂಡಿಯಾ ಮೇಲೆ ಇಂಗ್ಲೆಂಡ್ ಪ್ರಾಬಲ್ಯ ಮೆರೆಯಿತು. ಇದರಿಂದ ಟೀಮ್ ಇಂಡಿಯಾ ಆಟಗಾರರು ಕುಗ್ಗುವ ಬದಲಿಗೆ ತಿರುಗೇಟು ನೀಡುವ ಸಾಮರ್ಥ್ಯ ಬೆಳೆಸಿಕೊಳ್ಳಬೇಕು. ಅದು ಅನ್​ಫೀಲ್ಡ್​ ಆಟದಲ್ಲಿ ಮಾತ್ರವಲ್ಲ. ಸ್ಲೆಡ್ಜಿಂಗ್ ವಿಚಾರದಲ್ಲೂ ಇದು ಅನ್ವಯಿಸುತ್ತೆ. ಇದಕ್ಕೆ ಬೆಸ್ಟ್ 2022ರ ಇಂಗ್ಲೆಂಡ್ ಟೂರ್​ನಲ್ಲಿ ವಿರಾಟ್​, ಆಂಗ್ಲರಿಗೆ ಆನ್​ಫೀಲ್ಡ್​ನಲ್ಲಿ ಬೇರ್​​ ಸ್ಟೋಗೆ ತಿರುಗೇಟು ನೀಡಿದ ಪರಿ.

ನಂಬರ್​.05: ಸೋಲು ಎಂಬ ಮನಸ್ಥಿತಿಯಿಂದ ದೂರ

ಮೈಂಡ್​ಸೆಟ್​.. ತಂಡದ ಗೆಲುವು ಹಾಗೂ ಸೋಲು ನಿರ್ಧಾರಿಸುವುದೇ ಈ ಮೈಂಡ್​ಸೆಟ್​. ಈ ಕಾರಣಕ್ಕೆ ಆಟಗಾರರು ಸೋಲು ಎಂಬ ಮನಸ್ಥಿತಿಯಿಂದ ದೂರ ಉಳಿಯಬೇಕು. ಪಾಸಿಟಿವ್ ಮೈಂಡ್​ಸೆಟ್ ಜೊತೆಗೆ ಗುರಿ ಸಾಧಿಸುವ ಛಲವೊಂದೇ ಧ್ಯೇಯವಾಗಿರಬೇಕು. ಸೋಲು ಗೆಲುವೆಂಬ ಒತ್ತಡದಲ್ಲಿ ನರುಳಾಡುವ ಬದಲಿಗೆ ಪುಟಿದೇಳುವ ಮನಸ್ಥಿತಿಯಲ್ಲಿ ಹೋರಾಟ ನಡೆಸಬೇಕಿದೆ. ಇಂಗ್ಲೆಂಡ್ ಟೂರ್​ನಲ್ಲಿ ಟೆಸ್ಟ್​ ಗೆಲ್ಲೋದು ಚಾಲೆಂಜ್ ಇರಬಹುದು. ಗೆಲುವು ಅಸಾಧ್ಯವೇನಲ್ಲ. ಹೀಗಾಗಿ ಹೋರಾಟದ ಛಲದೊಂದಿಗೆ ಯಂಗ್ ಇಂಡಿಯಾ ಮುನ್ನುಗ್ಗಿದ್ರೆ ಹೊಸ ಇತಿಹಾಸ ಸೃಷ್ಟಿಸುವುದರಲ್ಲಿ ಅನುಮಾನವಿಲ್ಲ.

ಇದನ್ನೂ ಓದಿ: 6 ವರ್ಷ, 8 ತಿಂಗಳು.. ಸಿಕ್ಕಿಲ್ಲ ಮತ್ತೊಬ್ಬ ಪಾಂಡ್ಯ.. ಟೀಂ ಇಂಡಿಯಾದ ಈ ಕೊರಗಿಗೆ ಮುಕ್ತಿ ಯಾವಾಗ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ