2025ರಲ್ಲಿ ಟೇಕ್‌ ಆಫ್ ಆಗಿ 2024ರಲ್ಲಿ ಲ್ಯಾಂಡ್ ಆದ ವಿಮಾನ.. ಇದಕ್ಕೆ ವೈಜ್ಞಾನಿಕ ಕಾರಣವೂ ಇದೆ!

2024 ಮುಗಿದು 2025ರ ಹೊಸ ವರ್ಷ ಆರಂಭವಾಗಿದೆ. 2025ನೇ ವರ್ಷವನ್ನು ವಿಶ್ವದ್ಯಾಂತ ಜನ ಸಂಭ್ರಮದಿಂದ ಸ್ವಾಗತಿಸಿದ್ದಾರೆ. ಆದರೆ ಇಲ್ಲೊಂದು ವಿಮಾನ 2025ರಲ್ಲಿ ಟೇಕಾಫ್ ಆಗಿ 2024ರಲ್ಲಿ ಇಸವಿಯಲ್ಲಿ ಲ್ಯಾಂಡ್​ ಆಗಿದೆ.

ಅರೆ ಇದೇನು 2025ರಲ್ಲಿ ಟೇಕಾಫ್ ಆಗಿ 2024ರಲ್ಲಿ ಲ್ಯಾಂಡ್ ಆಗಿದೆ ಅಂದ್ರೆ ಸಮಯ ಹಿಂದಕ್ಕೆ ಹೋಗುತ್ತಿದೆಯಾ? ಅಂತ ನಿಮಗೆ ಆಶ್ಚರ್ಯ ಆಗಬಹುದು. ಹೌದು, ಇಂತಹದೊಂದು ಘಟನೆ ಬೆಳಕಿಗೆ ಬಂದಿದೆ.

ಕ್ಯಾಥೆ ಪೆಸಿಫಿಕ್ ಫ್ಲೈಟ್ 880, 2025ರ ಜನವರಿ 1ರಂದು ಹಾಂಗ್​​ಕಾಂಗ್​ನಿಂದ ಹೊರಟು 2024ರ ಡಿ.31ರಂದು ಲಾಸ್​ ಏಂಜಲೀಸ್​ನಲ್ಲಿ ಲ್ಯಾಂಡ್ ಆಗಿದೆ. ಇದಕ್ಕೆ ಕಾರಣ ಅಂತಾರಾಷ್ಟ್ರೀಯ ದಿನಾಂಕ ರೇಖೆ.

ಏನದು ಅಂತಾರಾಷ್ಟ್ರೀಯ ದಿನಾಂಕ ರೇಖೆ?
ಅಂತಾರಾಷ್ಟ್ರೀಯ ದಿನಾಂಕ ರೇಖೆಯು ಪೆಸಿಫಿಕ್ ಮಹಾಸಾಗರದ ಮಧ್ಯದಲ್ಲಿರುವ ಒಂದು ಕಾಲ್ಪನಿಕ ರೇಖೆ. ಈ ರೇಖೆ ಭೂಮಿ ಮೇಲೆ ಎರಡು ವಿಭಿನ್ನ ದಿನಾಂಕಗಳಾಗಿ ವಿಭಜಿಸುತ್ತದೆ. ಅಂದರೆ ವಿಮಾನವು ಈ ರೇಖೆ ದಾಟಿ ಪಶ್ಚಿಮದ ಕಡೆ ಹೋದರೆ ದಿನಾಂಕ ಒಂದು ದಿನ ಮುಂದಕ್ಕೆ ಹೋಗುತ್ತದೆ. ಈ ರೇಖೆ ದಾಟಿ ಪೂರ್ವದ ಕಡೆ ಚಲಿಸಿದರೆ ಒಂದು ದಿನ ಹಿಂದಕ್ಕೆ ಹೋಗುತ್ತದೆ.

ಇದನ್ನೂ ಓದಿ: NewYear2025: ಹೊಸ ವರ್ಷ ಆಗಮನ.. ವಿಶ್ವದಲ್ಲೇ ಮೊದಲು ಸ್ವಾಗತಿಸಿದವರು ಯಾರು ಗೊತ್ತಾ? 

ಇದನ್ನು ಇನ್ನೂ ಸರಳವಾಗಿ ಅಂದರೆ ಜ.1ರ ಬೆಳಗ್ಗೆ ಹಾಂಗ್​​ಕಾಂಗ್​ನಿಂದ ವಿಮಾನದಲ್ಲಿ ಹೊರಟರೆ, ವಿಮಾನವು ಅಂತಾರಾಷ್ಟ್ರೀಯ ದಿನಾಂಕ ರೇಖೆ ದಾಟಿ ಲಾಸ್ ಏಂಜಲೀಸ್​ ತಲುಪಿದ್ರೆ ಅಲ್ಲಿ ದಿನಾಂಕ ಡಿ.31 ಆಗಿರುತ್ತದೆ. ಹಾಂಗ್​ಕಾಂಗ್ ಮತ್ತು ಲಾಸ್ ಏಂಜಲೀಸ್ ನಡುವಿನ ಸಮಯದ ವ್ಯತ್ಯಾಸ 16 ಗಂಟೆ.

ಇದು ಪ್ರಯಾಣಿಕರಿಗೂ ಒಂದು ವಿಶೇಷ ಅನುಭವ ನೀಡುತ್ತದೆ. ಮೊದಲು ಹಾಂಗ್​ಕಾಂಗ್​ನಲ್ಲಿ ಹೊಸ ವರ್ಷ ಆಚರಿಸಿ ಮತ್ತೆ ಲಾಸ್ ಏಂಜಲೀಸ್​ನಲ್ಲಿಯೂ ಹೊಸ ವರ್ಷ ಆಚರಿಸುತ್ತಾರೆ.
ಈ ರೇಖೆ ನೇರವಾಗಿಲ್ಲ ಅಥವಾ ಯಾವುದೇ ಕಾನೂನು ಸ್ಥಾನಮಾನ ಹೊಂದಿಲ್ಲ. ಇದು ವಿವಿಧ ದೇಶಗಳು, ಅವುಗಳ ಭೌಗೋಳಿಕ ಪರಿಸ್ಥಿತಿಗಳಿಗೆ ಅನುಗುಣವಾಗಿ ಬದಲಾಗುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ