ಅಮ್ಮನಿಗಾಗಿ ತಾಜ್​ ಮಹಲ್​ ಕಟ್ಟಿದ ಮಗ

ಇದು ತಾಯಿಯ ಪ್ರೀತಿಯ ದ್ಯೋತಕ

ಒಂದಲ್ಲಾ.. ಕೋಟಿ ಖರ್ಚು ಮಾಡಿ ನಿರ್ಮಾಣ

ಪ್ರೀತಿಯ ಮಡದಿಯ ನೆನಪಿಗಾಗಿ ಷಹಜಹಾನ್​ ತಾಜ್​​ ಮಹಲ್​ ನಿರ್ಮಿಸಿರುವ ಘಟನೆ ಎಲ್ಲರಿಗೂ ಗೊತ್ತಿದೆ. ಆದರೆ ಮಗನೊಬ್ಬ ತನ್ನ ತಾಯಿಯ ನೆನಪಿಗಾಗಿ ಕೋಟ್ಯಾಂತರ ರೂಪಾಯಿ ಖರ್ಚು ಮಾಡಿ ತಾಜ್​ ಮಹಲ್​ ಮಾದರಿಯ ಕಟ್ಟಡ ನಿರ್ಮಿಸಿದನ್ನು ಕೇಳಿದ್ದೀರಾ?. ತುಂಬಾ ಕುತೂಹಲಕಾರಿಯಾಗಿದೆ ಈ ಸ್ಟೋರಿ.

ಅಮರುದ್ದೀನ್​ ಶೇಖ್​​ ದಾವೂದ್​​ ಎಂಬ ವ್ಯಕ್ತಿ ತಮಿಳುನಾಡಿನ ತಿರುವಾರೂರಿನಲ್ಲಿ ತಾಜ್​ ಮಹಲ್​ ಮಾದರಿಯಂತೆಯೇ ಕಟ್ಟಡ ನಿರ್ಮಿಸಿದ್ದಾರೆ. ತನ್ನ ತಾಯಿಯ ನೆನಪಿಗಾಗಿ ಈ ಕಟ್ಟಡವನ್ನು ನಿರ್ಮಿಸಿದ್ದಾರೆ.

ಅಮರುದ್ದೀನ್​ ಶೇಖ್​​ ದಾವೂದ್​​ ಅವರ ತಂದೆ 1989ರಲ್ಲಿ ರಸ್ತೆ ಅಪಘಾತದಲ್ಲಿ ನಿಧನರಾದರು. ಆ ಬಳಿಕ ಅವರನ್ನು ಸಾಕಿದ್ದು ತಾಯಿ ಜೈಲಾನಿ ಬೀವಿ. 5 ಮಕ್ಕಳನ್ನು ಚೆನ್ನಾಗಿ ನೋಡಿಕೊಂಡು ಬೆಳೆಸಿದರು. ಆದರೆ 2020ಕ್ಕೆ ಜೈಲಾನಿ ಅನಾರೋಗ್ಯಕ್ಕೆ ತುತ್ತಾಗಿ ನಿಧನರಾದರು.  ಆದರೆ ಇವರ ನೆನಪಿಗಾಗಿ ಅಮರುದ್ದೀನ್​ ಶೇಖ್​​ ದಾವೂದ್​​ ತಾಜ್​ ಮಹಲ್​ ಮಾದರಿಯ ಕಟ್ಟಡ ನಿರ್ಮಿಸಿದ್ದಾರೆ.

8 ಸಾವಿರ ಚದರ ಅಡಿಯ ಕಟ್ಟಡ

ಅಂದಹಾಗೆಯೇ ಜೈಲಾನಿ ಅವರನ್ನು ಮಗ ಅಮರುದ್ದೀನ್​ ಶೇಖ್​​ ದಾವೂದ್​​ ಅವರು ಸ್ವಂತ ಜಮೀನಿನಲ್ಲೇ ಹೂಳಿದ್ದರು. ಆ ಬಳಿಕ ತಾಯಿಯಾಗಿ ತಾನೊಂದು ಕಟ್ಟಡ ನಿರ್ಮಿಸಬೇಕು ಎಂದು ಅಮರುದ್ದೀನ್​ ಶೇಖ್​​ ದಾವೂದ್​​ಗೆ ಅನಿಸಿತು. ಹಾಗಾಗಿ 2021ರ ಜೂನ್​ 3 ರಂದು ಕಟ್ಟಡದ ಕೆಲಸ ಪ್ರಾರಂಭಿಸಿದರು.  ಒಂದು ಎಕರೆ ಭೂಮಿಯಲ್ಲಿ 8 ಸಾವಿರ ಚದರ ಅಡಿಯಲ್ಲಿ ಕಟ್ಟಡ ನಿರ್ಮಿಸಿದರು.

ನಿರ್ಮಾಣಕ್ಕೆ 5.5 ಕೋಟಿ ಖರ್ಚು

ಇನ್ನು ಅಮರುದ್ದೀನ್​ ಶೇಖ್​​ ದಾವೂದ್​​ ಅವರು  ಈ ಕಟ್ಟಡ ನಿರ್ಮಾಣಕ್ಕಾಗಿ ಬರೋಬ್ಬರಿ 5.5 ಕೋಟಿ ಖರ್ಚು ಮಾಡಿದ್ದಾರೆ. ಸದ್ಯ ಈ ಕಟ್ಟಡವನ್ನು ಮತ್ತು ಭೂಮಿಯನ್ನು ಚಾರಿಟೇಬಲ್​ ಟ್ರಸ್ಟ್​ಗೆ ನೀಡಲಾಗಿದೆ.