ಇದು ಜಗತ್ತಿನ ಏಕೈಕ ವಿಮಾನ ನಿಲ್ದಾಣ.. ಇಲ್ಲಿ ಇಳಿದರೆ ನೀವು ಮೂರು ದೇಶದೊಳಗೆ ಕಾಲಿಡಬಹುದು

ಬಾಸೆಲ್ ಮಲ್ಹೌಸ್ ಫ್ರೀಬರ್ಗ್ ಎಂಬ ಏರ್​ಪೋರ್ಟ್​ ಫ್ರಾನ್ಸ್​ನಲ್ಲಿ ನಿರ್ಮಿಸಲಾಗಿದೆ. ಈ ಏರ್​ಪೋರ್ಟ್​ನಲ್ಲಿ ಇಳಿದವರಿಗೆ ಫ್ರಾನ್ಸ್, ಜರ್ಮನ್ ಹಾಗೂ ಸ್ವಿಟ್ಜರ್​ಲೆಂಡ್​​ಗೂ ಕೂಡ ದಾರಿಯನ್ನು ತೋರಿಸುತ್ತದೆ. ಈ ರೀತಿ ಮೂರು ದೇಶಗಳಿಗೆ ದಾರಿಯನ್ನು ತೋರಿಸುವ ಜಗತ್ತಿನ ಏಕೈಕ ಏರ್​ಪೋರ್ಟ್ ಅಂದ್ರೆ ಬಾಸೆಲ್ ಮಲ್ಹೌಸ್ ಫ್ರೀಬರ್ಗ್ ಏರ್​ಪೋರ್ಟ್​. ಜರ್ಮನಿ, ಫ್ರಾನ್ಸ್ ಹಾಗೂ ಸ್ವಿಟ್ಜರ್​ಲೆಂಡ್​ನ ಗಡಿರೇಖೆಯ ಬಳಿಯೇ ಇದು ನಿರ್ಮಾಣವಾಗಿದೆ.

ಈ ಏರ್​​ಪೋರ್ಟ್​ನಲ್ಲಿ ನಿಮಗೆ ಹಲವು ಎಕ್ಸಿಟ್​ ಅಂದ್ರೆ ನಿರ್ಗಮನದ ದ್ವಾರಗಳಿವೆ. ಒಂದು ದ್ವಾರದಿಂದ ನೀವು ಸ್ವಿಟ್ಜರ್​ಲೆಂಡ್​​ ಭೂಮಿಯೊಳಗೆ ಕಾಲಿಡಬಹುದು ಮತ್ತೊಂದು ದ್ವಾರದ ಮೂಲಕ ಫ್ರಾನ್ಸ್​ಗೆ ಹೋಗಬಹುದು ಈ ರೀತಿಯಾದ ಏರ್​​ಪೋರ್ಟ್ ಜಗತ್ತಿನಲ್ಲಿ ನೋಡಲು ನಿಮಗೆ ಎಲ್ಲಿಯೂ ಕೂಡ ಸಿಗುವುದಿಲ್ಲ.

ಈ ಒಂದು ವಿಮಾನ ನಿಲ್ದಾಣ ಫ್ರಾನ್ಸ್​ನ ಮಲೌಸ್​, ಸ್ವಿಟ್ಜರ್​ಲೆಂಡ್​ನ ಬೇಸಲ್​ ಹಾಗೂಬ ಜರ್ಮನಿಯ ಫ್ರಿಬರ್ಗ್​ಗಳನ್ನು ಜೋಡಿಸುತ್ತದೆ. ಇದು ಮೂರು ದೇಶಗಳಿಗೆ ಒಂದು ರೀತಿಯಲ್ಲಿ ವರದಾನವಾಗಿದೆ. ಈ ವಿಮಾನ ನಿಲ್ದಾಣ ಫ್ರಾನ್ಸ್​​ನಲ್ಲಿದ್ದರೂ ಕೂಡ ಸ್ವಿಸ್ ಮತ್ತು ಫ್ರಾನ್ಸ್​ನ ಕಸ್ಟಮ್ಸ್ ಮತ್ತು ಕಾನೂನುಗಳು ಬೇರೆ ಬೇರೆ ರೀತಿಯಾಗಿ ನಡೆಯುತ್ತವೆ. ಇದು ಉಭಯ ರಾಷ್ಟ್ರಗಳ ಜಗತ್ತನ್ನು ಸೃಷ್ಟಿಸುತ್ತದೆ.

ಇದನ್ನೂ ಓದಿ:ತಾಲಿಬಾನ್​​ನಲ್ಲಿ AK47 ಹಿಡಿದು ನಿಂತ ನೀಲಿ ಚಿತ್ರತಾರೆ.. ಆಕ್ರೋಶದ ಸುರಿಮಳೆ; ಯಾಕೆ?

ಇನ್ನೂ ಅಕ್ರಮ ವಲಸಿಗರು ಸರಳವಾಗಿ ಎಲ್ಲಿಯೂ ನುಸಳದಂತೆ ಫ್ರಾನ್ಸ್​ನ ಭದ್ರತಾ ಸಂಸ್ಥೆಗಳು ಈ ಬಗ್ಗೆ ಸಂಪೂರ್ಣ ಸುರಕ್ಷತೆಯ ನಿರ್ವಹಣೆಯನ್ನು ಮಾಡುತ್ತವೆ. ಕೆಲವೊಮ್ಮೆ ನಡುರಸ್ತೆಯಲ್ಲಿಯೇ ದಿಢೀರ್ ಅಂತ ಚೆಕ್ಕಿಂಗ್​ ನಿಂತು ಬಿಡುತ್ತಾರೆ.

ಇನ್ನು ಇತ್ತ ಸ್ವಿಟ್ಜರ್​ಲೆಂಡ್​ನ ನೆಲದಲ್ಲಿ ತನ್ನದೇ ಆದ ಕಾನೂನು, ಪೊಲೀಸರು ಹಾಗೂ ನೀತಿ ನಿಯಮಗಳನ್ನು ಅಳವಡಿಸಿಕೊಂಡಿದೆ. ಈ ವ್ಯವಸ್ಥೆ ತನ್ನ ದೇಶದೊಳಗೆ ಕಾಲಿಡುವವರ ಮೇಲೆ ಸಂಪೂರ್ಣವಾಗಿ ನಿಗಾ ಇಟ್ಟುಕೊಂಡಿರುತ್ತದೆ. ಇನ್ನೂ ಇಲ್ಲಿಂಗ ಅಂಗಡಿಗಳಲ್ಲಿ ಫ್ರಾನ್ಸ್​​ನ ಯುರೋ ಹಾಗೂ ಸ್ವಿಸ್​ನ ಫ್ರ್ಯಾಂಕ್​ ಕರೆನ್ಸಿಗಳನ್ನು ಕೂಡ ನಾವು ಬಳಸಬಹುದು. ಅಂದ್ರೆ ಎರಡು ದೇಶಗಳ ಕರನ್ಸಿಯನ್ನು ನಾವು ಒಂದೇ ಜಾಗದಲ್ಲಿ ಉಪಯೋಗಿಸಬಹುದು. 1930ರಲ್ಲಿ ಫ್ರಾನ್ಸ್​ ಮತ್ತು ಸ್ವಿಟ್ಜರ್​ಲೆಂಡ್​ ಈ ಒಂದು ಏರ್​​ಪೋರ್ಟ್​ನ್ನು ನಿರ್ಮಿಸಲು ಸಜ್ಜಾಗಿದ್ದವು ಆದ್ರೆ ಆ ಕಾಲದಲ್ಲಿ ನಡೆದ ಎರಡನೇ ವಿಶ್ವಯುದ್ಧ ಇದಕ್ಕೆ ತಡೆಯಾಗಿತ್ತು. ನನಂತರ 1946ರಲ್ಲಿ ಈ ನಿಟ್ಟಿನಲ್ಲಿ ಮತ್ತೆ ಕಾರ್ಯ ಕೈಗೆತ್ತಿಕೊಳ್ಳಲಾಯಿತು.

ಇದನ್ನೂ ಓದಿ:ಹಾಲಿವುಡ್​​ ಸ್ಟಾರ್ ನಟಿ, ಬೇವಾಚ್ ಖ್ಯಾತಿಯ ಪಮೇಲಾ ಬಾಚ್ ದುರಂತ ಅಂತ್ಯ; ಆಗಿದ್ದೇನು?

ಈ ಏರ್​ಪೋರ್ಟ್ ನಿರ್ಮಾಣಕ್ಕೆ ಸ್ವಿಸ್​ ಸಿಕ್ಕಾಪಟ್ಟೆ ಹಣವನ್ನು ವ್ಯಯಿಸಿತು ಈ ಕಡೆ ಫ್ರಾನ್ಸ್ ತನ್ನ ನೆಲವನ್ನು ಬಿಟ್ಟುಕೊಟ್ಟಿತು. ಎರಡನೇ ಮಹಾಯುದ್ಧದ ಮುಕ್ತಾಯದ ನಂತರ ಈ ಒಂದು ಏರ್​ಪೋರ್ಟ್​ ಈ ಉಭಯ ರಾಷ್ಟ್ರಗಳ ಸ್ನೇಹ ಹಾಗೂ ಸಹಯೋಗವನ್ನು ಹೆಚ್ಚಿಸುವಲ್ಲಿ ಸಾಕ್ಷಿಯಾಗಿ ನಿಂತಿತು.

ಈ ವಿಮಾನ ನಿಲ್ದಾಣದ ಮ್ಯಾನೆಜ್ಮೆಂಟ್ ಬೋರ್ಡ್​ನಲ್ಲಿ ಸ್ವಿಸ್ ಹಾಗೂ ಫ್ರಾನ್ಸ್​​​ ಒಟ್ಟು 88 ಸಿಬ್ಬಂದಿಗಳು ಇರುತ್ತಾರೆ ಹಾಗೂ ಇಬ್ಬರು ಸಲಹಾಕಾರರು ಇರುತ್ತಾರೆ. ಇವರಿಂದಾಗಿ ಈ ಒಂದು ಜಾಗ ಮೂರು ದೇಶಗಳ ಸಮ್ಮಿಲನದ ಜಾಗವನ್ನಾಗಿ ಚಿತ್ರಿಸುತ್ತಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ