ನೀವು ಈ ಕೆಲಸ ಮಾಡದಿದ್ರೆ ನಿಮ್ಮ ಬ್ಯಾಂಕ್​​ ಖಾತೆ ರದ್ದಾಗಲಿದೆ; ಓದಲೇಬೇಕಾದ ಸ್ಟೋರಿ!

ದೇಶದ ಜನರ ಆರ್ಥಿಕ ಸ್ಥಿತಿ ಸುಧಾರಣೆಗೆ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಹಲವು ಮಹತ್ವಾಕಾಂಕ್ಷೆ ಯೋಜನೆಗಳು ಜಾರಿಗೆ ತಂದಿತ್ತು. ಈ ಪೈಕಿ ಒಂದು ಯೋಜನೆ ಪ್ರಧಾನ ಮಂತ್ರಿ ಜನ್ ಧನ್ ಯೋಜನೆ. ಜನ್ ಧನ್ ಯೋಜನೆ ಮೂಲಕ ದೇಶದ ಪ್ರತಿಯೊಬ್ಬ ನಾಗರಿಕರಿಗೂ ಉಚತ ಬ್ಯಾಂಕ್​​ ಅಕೌಂಟ್​​ ತೆರೆಯುವ ಸೌಲಭ್ಯ ಒದಗಿಸಲಾಗಿತ್ತು.

ಇನ್ನು, ನಾಗರಿಕರು ಯಾವುದೇ ರೀತಿಯ ಸರ್ಕಾರದ ಸಹಾಯಧನ ಪಡೆಯೋದಾದ್ರೆ ನೇರ ಜನ್​ ಧನ್​ ಖಾತೆಗೆ ಹಣ ಜಮಾ ಆಗಲಿದೆ. ಇದು ಬ್ರೋಕರ್​​ಗಳ ಹಾವಳಿಯನ್ನು ಕಡಿಮೆ ಮಾಡಿದೆ. ಈ ಮಹತ್ವದ ಯೋಜನೆ ಜಾರಿಯಾಗಿ ಬರೋಬ್ಬರಿ 10 ವರ್ಷಗಳಾಗಿವೆ. ಇದರ ಮಧ್ಯೆ ಕೇಂದ್ರ ಸರ್ಕಾರ ಮತ್ತೊಮ್ಮೆ ಅಗತ್ಯವಿರೋ ದಾಖಲೆಗಳೊಂದಿಗೆ KYC ಅಪ್‌ಡೇಟ್ ಮಾಡಬೇಕು ಎಂದು ಜನರಿಗೆ ಸೂಚನೆ ನೀಡಿದೆ.

KYC ಅಪ್ಡೇಟ್​​ಗೆ ಬೇಕಿರೋ ದಾಖಲೆಗಳೇನು?

ಕೈವೈಸಿ ಅಪ್ಡೇಟ್​ಗೆ ಆಧಾರ್, ವೋಟರ್ ಐಡಿ, ಪ್ಯಾನ್ ಕಾರ್ಡ್, ಪಾಸ್‌ಪೋರ್ಟ್, ಡ್ರೈವಿಂಗ್ ಲೈಸೆನ್ಸ್‌ ಸೇರಿದಂತೆ ಸರ್ಕಾರದ ಯಾವುದಾದ್ರೂ ಒಂದು ಐಡಿ ಕಾರ್ಡ್​ ಬೇಕು. ಅಡ್ರೆಸ್​ ಪ್ರೂಫ್​ಗಾಗಿ ಕರೆಂಟ್ ಬಿಲ್, ಬ್ಯಾಂಕ್ ಸ್ಟೇಟ್ಮೆಂಟ್​ ಆಧಾರ್, ವೋಟರ್ ಐಡಿ, ಪಾಸ್ ಪೋರ್ಟ್ ನೀಡಬಹುದು.

ಖಾತೆ KYC ಮಾಡಲೇಬೇಕು

ನಿಮ್ಮ ಖಾತೆ ಯಾವುದೇ ಬ್ಯಾಂಕ್​ನಲ್ಲಿದ್ರೂ KYC ಮಾಡಲೇಬೇಕು. ಎಸ್‌ಬಿಐ, ಐಸಿಐಸಿಐ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಕೆನರಾ ಬ್ಯಾಂಕ್ ಮತ್ತು ಯೂನಿಯನ್ ಬ್ಯಾಂಕ್‌ ಈಗಾಗಲೇ KYC ಕೆಲಸ ಶುರು ಮಾಡಿವೆ. ಉಳಿದ ಬ್ಯಾಂಕ್​ಗಳು ಸದ್ಯದಲ್ಲೇ ಶುರು ಮಾಡಲಿವೆ. ನೀವು KYC ಮಾಡಲು ಬೇಕಾದ ಅಗತ್ಯ ದಾಖಲೆಗಳೊಂದಿಗೆ ಹತ್ತಿರದ ಬ್ರ್ಯಾಂಚ್​​ಗೆ ಭೇಟಿ ನೀಡಬೇಕು. ನೀವು KYC ಅಪ್ಡೇಟ್​ ಮಾಡದಿದ್ರೆ ಬ್ಯಾಂಕ್​​ ಖಾತೆ ರದ್ದಾಗಲಿದೆ.

ಇದನ್ನೂ ಓದಿ: 6,6,6,4,4,4,4,4; ಮೆಗಾ ಆಕ್ಷನ್​​ಗೆ ಮುನ್ನ ಅಬ್ಬರ; RCB ಸ್ಟಾರ್​ ಬ್ಯಾಟಿಂಗ್​ಗೆ ಬೆಚ್ಚಿಬಿದ್ದ ಪಾಕ್​​!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್