2025ಕ್ಕೆ ಇದೇ ಬೆಸ್ಟ್ ಸಿಟಿ.. ವಿರಾಟ್​, ಅನುಷ್ಕಾ, ಸೋನಂ ಕಪೂರ್‌ ನೆಚ್ಚಿನ ನಗರ ಅಂದು ಹೇಗಿತ್ತು? ಇಂದು ಏನಾಗಿದೆ ಗೊತ್ತಾ?

ನಿಮಗೆ ಜಗತ್ತಿನಲ್ಲಿ ಅತ್ಯಂತ ಉತ್ತಮ ನಗರ ಅಂದ್ರೆ ಯಾವುದು ಅಂತ ಗೊತ್ತಿದೆಯಾ? ತುಂಬಾ ಹೈಟೆಕ್​, ನೈಸರ್ಗಿಕ ಸೌಂದರ್ಯ ರಾಶಿ, ಸ್ವಚ್ಛತೆಯಲ್ಲಿ ಮುಂದು, ಮಾಲಿನ್ಯದಿಂದ ತುಂಬಾ ದೂರ. ವಿರಾಟ್ ಕೊಹ್ಲಿ, ಅನುಷ್ಕಾ ಶರ್ಮಾ ಹಾಗೂ ಸೋನಮ್ ಕಪೂರ್​ನಂತವರೇ ಮೆಚ್ಚಿದ ನಗರ. ವಿಶ್ವದಲ್ಲಿಯೇ ಅತ್ಯಂತ ಅದ್ಭುತ ನಗರ ಎಂದು 2024ರಲ್ಲಿ 10ನೇ ಬಾರಿ ಕರೆಸಿಕೊಂಡ ನಗರ. ಅದು ಯಾವುದು ಅಂತ ಗೊತ್ತಾ?

ಆ ನಗರ ಬ್ರಿಟನ್​ನ ರಾಜಧಾನಿಯಾಗಿರುವ ಲಂಡನ್. 1952ರಲ್ಲಿ ಇದೇ ನಗರ ಜಗತ್ತಿನಲ್ಲಿಯೇ ಅತ್ಯಂತ ಮಾಲಿನ್ಯ ನಗರವೆಂದು ಕುಖ್ಯಾತಿ ಪಡೆದಿತ್ತು. ಹೊಗೆಯುಗುಳುವ ನಗರವೆಂದೇ ಗುರುತಿಸಿಕೊಂಡಿತ್ತು. ವಿಪರೀತ ಕಲ್ಲಿದ್ದಲು ಸುಡುವಿಕೆ.  ಫ್ಯಾಕ್ಟರಿಗಳು ಹೊಸ ಸೂಸುವ ಹೊಗೆ, ಮನೆ ಹಾಗೂ ವಾಹನಗಳಿಂದ ಹೊರ ಬರುತ್ತಿರುವ ಹೊಗೆಯಿಂದಾಗಿ ಕಲುಷಿತಗೊಂಡಿದ್ದ ನಗರ ಆ ಕಾಲದಲ್ಲಿ ಒಟ್ಟು 12 ಸಾವಿರ ಜನರ ಜೀವ ತೆಗೆದುಕೊಂಡಿತ್ತು. ಇಂದು ದೆಹಲಿಯನ್ನು ಹೇಗೆ ನಾವು ಗ್ಯಾಸ್ ಚೆಂಬರ್ ಎಂದು ಕರೆಯುತ್ತೇವೆಯೋ, ಅಂದು ಲಂಡನ್​ನ್ನು ಜನರು ಗ್ಯಾಸ್ ಚೇಂಬರ್ ಎಂದು ಕರೆಯುತ್ತಿದ್ದರು. ಕೇವಲ 72 ವರ್ಷಗಳಲ್ಲಿ ಲಂಡನ್ ತನ್ನ ಗುರುತನ್ನೇ ಬದಲಿಸಿಕೊಂಡಿದೆ. ತನ್ನೊಡಲಿನ ಎಲ್ಲ ವಿಷವನ್ನು ಆಚೆ ಹಾಕಿ ಸ್ವಚ್ಛ ಹಾಗೂ ಸುಂದರ ನಗರ ನಿರ್ಮಲ ನಗರ ಎಂದು ವಿಶ್ವದಲ್ಲಿ ಗುರುತಿಸಿಕೊಂಡಿದೆ. ದೆಹಲಿಯಲ್ಲಿ ಏರ್​ ಕ್ವಾಲಿಟಿ ಇಂಡೆಕ್ಸ್​ 500 ರಿಂದ 700ವರೆಗೆ ಮುಟ್ಟಿದ್ದರೆ. ಅಲ್ಲಿ ಈಗ ಎಕ್ಯೂಐ ಕೇವಲ ಸಂಖ್ಯೆ ಕೇವಲ 1

ಯಾಕೆ ಲಂಡನ್​ ಬೆಸ್ಟ್ ಸಿಟಿಯಾಗಿ ತನ್ನನ್ನು ತಾನು ಗುರುತಿಸಿಕೊಂಡಿತು ಎಂದರೆ ಅದು ತನ್ನ ಸಂಸ್ಕೃತಿ ಹಾಗೂ ಪರಂಪರೆಯನ್ನು ಸದಾ ಕಾಲ ಹಸಿರಾಗಿಟ್ಟುಕೊಳ್ಳಲು ಪ್ರಯತ್ನಿಸಿತು. ಅತ್ಯಾಧುನಿಕ ಮೂಲಭೂತ ಸೌಕರ್ಯಗಳನ್ನು ತನ್ನದಾಗಿಸಿಕೊಂಡಿತು. ತನ್ನ ಒಡಲಲ್ಲಿರುವ ಬಕ್ಕಿಂಗ್​ಹ್ಯಾಮ್ ಪ್ಯಾಲೆಸ್ ಟವರ್ ಆಫ್ ಲಂಡನ್, ಬ್ರಿಟೀಷ್ ಮ್ಯೂಸಿಯಂಗಳನ್ನು ಪ್ರವಾಸಿಗರ ನೆಚ್ಚಿನ ತಾಣವಾಗಿಸಿಕೊಳ್ಳುವಲ್ಲಿ ಯಶಸ್ವಿಯಾಯಿತು

ಇದನ್ನೂ ಓದಿ:ಭಾರತದ ಡ್ರೈವಿಂಗ್ ಲೈಸೆನ್ಸ್‌ನಲ್ಲಿ ನೀವು ಈ 7 ದೇಶಗಳಲ್ಲಿ ವಾಹನ ಚಲಾಯಿಸಬಹುದು; ಯಾವುವು ಗೊತ್ತಾ?

ಅದು ಮಾತ್ರವಲ್ಲ ಲಂಡನ್ ಎಜ್ಯುಕೇಷನ್ ಹಬ್ ಆಗಿಯೂ ಕೂಡ ಗುರುತಿಸಿಕೊಂಡಿತು ಲಂಡನ್ ಯುನಿವರ್ಸಿಟಿ ಆಫ್ ಕಾಲೇಜ್, ಇಂಪಿರಿಯಲ್ ಲಂಡನ್ ಕಾಲೇಜ್​ಗಳು ಜಾಗತಿಕ ಶಿಕ್ಷಣ ಕೇಂದ್ರಗಳಾಗಿ ಗುರುತಿಸಿಕೊಂಡವು. ಅದು ಮಾತ್ರವಲ್ಲ, ಲಂಡನ್ ವ್ಯಾಪಾರ ಹಾಗೂ ಹಣಕಾಸಿನ ಕೇಂದ್ರವಾಗಿ ಗುರುತಿಸಿಕೊಂಡಿತು ಟೂರಿಸಂ ಹಬ್ ಆಗಿ ಗುರುತಿಸಿಕೊಂಡಿತು. ಲಂಡನ್ ಸಿಟಿಯಲ್ಲಿ ಶೇಕಡಾ 40 ರಷ್ಟು ಹಸಿರು ಇದೆ ಹೈಡೇ ಪಾರ್ಕ್ ಮತ್ತು ರೆಜೆಂಟ್ ಪಾರ್ಕ್​ ಸೇರಿ ಒಟ್ಟು ಶೇಕಡಾ 40 ರಷ್ಟು ಹಸಿರು ಅರಣ್ಯ ಲಂಡನ್​ನಲ್ಲಿದೆ. ಈ ಒಂದು ನಗರದಲ್ಲಿ ಸುಮಾರು 170 ಮ್ಯೂಸಿಯಂಗಳಿವೆ ಅಂದ್ರೆ ನೀವು ನಂಬಲೇಬೇಕು.

ಇದನ್ನೂ ಓದಿ:VIDEO: ಬಾಹ್ಯಾಕಾಶದಲ್ಲಿ ಈಗ ಲೀಕೇಜ್‌ ಭಯ.. ಸುನೀತಾ ವಿಲಿಯಮ್ಸ್‌ ಕರೆತರಲು ನಾಸಾ ಮಾಡ್ತಿರೋದೇನು?

ಹೀಗೆ ಹತ್ತು ಹಲವು ವಿಶೇಷತೆಗಳನ್ನು ಹೊಂದಿದ್ದ ನಗರ ಹಿಂದೊಮ್ಮೆ ಮಾಡಿದ ತನ್ನದೇ ಸ್ವಯಂಕೃತ ಅಪರಾಧದಿಂದ ಗ್ಯಾಸ್​ ಚೆಂಬರ್ ಎಂದು ಗುರುತಿಸಿಕೊಂಡಿತ್ತು. ಈಗ ಅದೆಲ್ಲಾ ಕಂಟಕಗಳಿಂದ, ಅಪವಾದಗಳಿಂದ ಮುಕ್ತವಾಗಿದೆ. ವಿಶ್ವದ ಅತ್ಯಂತ ಅದ್ಭುತ ನಗರ ಅಂದ್ರೆ ಅದು ಲಂಡನ್ ಎಂದು ಕರೆಸಿಕೊಳ್ಳುವ ಮಟ್ಟಿಗೆ ಅದು ಬೆಳೆದು ನಿಂತಿದೆ. ಇದೆಲ್ಲದರ ನಡುವೆ ನಮಗೆ ಕಾಡುವ ಒಂದೇ ಒಂದು ಪ್ರಶ್ನೆ ಅಂದ್ರೆ ಲಂಡನ್​ಗೆ ಸಾಧ್ಯವಾಗಿದ್ದು ದೆಹಲಿಗೆ ಏಕೆ ಸಾಧ್ಯವಾಗುತ್ತಿಲ್ಲ ಎಂಬುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ