8 ಹೀರೋಯಿನ್ಸ್‌ ತಿರಿಸ್ಕರಿಸಿದ ಸಿನಿಮಾ ಸೂಪರ್ ಹಿಟ್.. ಶಾರುಖ್ ಜೊತೆ ನಟಿಸಲು ಆಗಲ್ಲ ಎಂದವರು ಯಾರು?

ಶಾರುಖ್ ಖಾನ್​ ಅವರ ಅಭಿಮಾನಿಗಳಿಗೆ ಅವರು ಕೇವಲ ಒಬ್ಬ ಹೀರೋ ಅಲ್ಲ. ಒಂದು ಎಮೋಷನ್. ಸುಮಾರು ದಶಕಗಳಿಂದ ಶಾರುಖ್ ತಮ್ಮ ಅಭಿಮಾನಿಗಳನ್ನು ರಂಜಿಸುತ್ತಲೇ ಬಂದಿದ್ದಾರೆ. 2014ರಲ್ಲಿ ಬಂದ ಅವರ ಸಿನಿಮಾವೊಂದು ಕೂಡ ಈ ಹಿಂದಿನ ಸಿನಿಮಾದಂತೆ ಸೂಪರ್ ಹಿಟ್ ಕೂಡ ಆಗಿತ್ತು. ಶಾರುಖ್ ಹೊರತುಪಡಿಸಿ ಆರು ಜನರ ಪ್ರಮುಖ ಹಿಂದಿ ಸ್ಟಾರ್​​ಗಳು ಅದರಲ್ಲಿ ನಟನೆ ಮಾಡಿದ್ದರು. ಸಿನಿಮಾದ ಸ್ಕ್ರೀನ್​ಪ್ಲೇ, ಹಾಡು ಮತ್ತು ಸಿನಿಮಾ ಮಾಡಿದ ರೀತಿ ಅಭಿಮಾನಿಗಳಿಗೆ ಹಬ್ಬದೂಟ ಬಡಿಸಿತ್ತು.

ನಾವು ಈಗ ಮಾತನಾಡುತ್ತಿರುವುದು 2014ರಲ್ಲಿ ಬಿಡುಗಡೆಯಾದ ಶಾರುಖ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ ಹ್ಯಾಪಿ ನ್ಯೂ ಇಯರ್ ಸಿನಿಮಾದ ಬಗ್ಗೆ. ಈ ಸಿನಿಮಾ ಅಂದು ಅಭಿಮಾನಿಗಳನ್ನು ಕುರ್ಚಿಯ ತುದಿಗೆ ತಂದು ಕೂರಿಸದಂತಹ ಕೌತಕಕ್ಕೆ ನೂಕಿದ ಸಿನಿಮಾ. ಇದರಲ್ಲಿ ಶಾರುಖ್​ ಜೊತೆ ದೀಪಿಕಾ ಪಡುಕೋಣೆ, ಸೋನು ಸೂದ್​, ಬೊಮನ್ನ ಇರಾನಿ, ಅಭಿಷೇಕ್ ಬಚ್ಚನ್, ವಿವಾನ್ ಶಾಹ್ ಹಾಗೂ ಜಾಕಿ ಶರಾಫ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾವನ್ನು ಖುದ್ದು ಶಾರುಖ್ ಪತ್ನಿ ಗೌರಿ ಖಾನ್ ನಿರ್ಮಾಣ ಮಾಡಿದ್ದರೆ, ಫರಾಹ್ ಖಾನ್ ನಿರ್ದೇಶನ ಮಾಡಿದ್ದರು. 150 ಕೋಟಿ ರೂಪಾಯಿ ಬಜೆಟ್​ನಲ್ಲಿ ಸಿದ್ಧಗೊಂಡ ಸಿನಿಮಾ ಸುಮಾರು 397 ಕೋಟಿ ರೂಪಾಯಿ ಗಳಿಸಿತ್ತು.

ಇದನ್ನೂ ಓದಿ:ಟೀಕೆಗೆ ಒಳಗಾದ ಡಾಲಿ.. ಮದ್ವೆಗಾಗಿ ಆಚರಿಸಿದ ಸಂಪ್ರದಾಯದ ಬಗ್ಗೆ ಉತ್ತರ ಕೊಟ್ಟ ಧನಂಜಯ..

ಇಷ್ಟೆಲ್ಲಾ ಆದರೂ ಈ ಸಿನಿಮಾದ ಬಗ್ಗೆ ಈ ಹಿಂದೆ ಎಂದಿಗೂ ಬಯಲಾಗದ ಹಲವು ರಹಸ್ಯಗಳಿವೆ. ಈ ಸಿನಿಮಾದಲ್ಲಿ ನಟಿಸಲು ಅನೇಕ ನಟ ನಟಿಯರು ಹಿಂದೇಟು ಹಾಕಿದ್ದರು. ವಾಸ್ತವವಾಗಿ ದೀಪಿಕಾ ಪಡುಕೋಣೆ ಪಾತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ನಟಿಸಬೇಕಾಗಿತ್ತು, ಆದ್ರೆ ಡೇಟ್ಸ್​ ಹೊಂದಾಣಿಕೆ ಆಗದ ಕಾರಣ ಅವರು ನಟಿಸಲಾಗಲಿಲ್ಲ. ಇದಾದ ಬಳಿಕ ಸೋನಾಕ್ಷಿ ಸಿನ್ಹಾ, ಆಸಿನ್, ಐಶ್ವರ್ಯ ರೈ ಬಚ್ಚನ್, ಪರಿಣಿತಿ ಚೋಪ್ರಾಹಾಗೂ ಕತ್ರಿನಾ ಕೈಫ್​​ಗೂ ಕೂಡ ಈ ರೊಲ್​ನ್ನು ಆಫರ್ ಮಾಡಲಾಗಿತ್ತು. ಆದರೆ ಈ ಪಾತ್ರದಲ್ಲಿ ನಟಿಸಲು ಯಾರು ಮುಂದೆ ಬರಲಿಲ್ಲ. ಕೊನೆಗೆ ದೀಪಿಕಾ ಅವರನ್ನೇ ಆಯ್ಕೆ ಮಾಡಲಾಯ್ತು.

ಇದನ್ನೂ ಓದಿ:ಡಾಲಿ ಧನಂಜಯ್ ಕಲ್ಯಾಣಕ್ಕೆ ಸ್ಯಾಂಡಲ್‌ವುಡ್‌ನ ಬಿಗ್ ಸ್ಟಾರ್ಸ್‌ ಬಂದ್ರು; ಯಾರೆಲ್ಲಾ ಮಿಸ್​ ಆದ್ರು?

ಇನ್ನು ಸೋನು ಸೂದ್​ ಅಭಿನಯಿಸಿದ ಪಾತ್ರಕ್ಕೆ ಫರಾಹ್ ಖಾನ್​ ಜಾಹ್ನ್ ಅಬ್ರಾಹಂಗೆ ಆಫರ್ ನೀಡಿದ್ದರು. ಅವರು ಕೂಡ ಈ ಪಾತ್ರದಲ್ಲಿ ನಟಿಸಲು ಒಪ್ಪಿಕೊಳ್ಳಲಿಲ್ಲ. ಅದಾದ ಬಳಿಕ ಪೃಥ್ವಿರಾಜ್ ಸುಕುಮಾರನ್​ರನ್ನು ಕೂಡ ಕೇಳಲಾಯ್ತು ಅವರು ನಿರಾಕರಿಸಿದರು. ಕೊನೆಗೆ ಸೋನು ಸೂದ್​ ಈ ಪಾತ್ರಕ್ಕೆ ಆಯ್ಕೆಯಾದರು.

2006ರಲ್ಲಿ ದೀಪಿಕಾ ಪಡುಕೊಣೆ ಫರಾಹ್ ಖಾನ್ ನಿರ್ದೇಶನದ ಓಂ ಶಾಂತಿ ಓಂ ಸಿನಿಮಾದಲ್ಲಿ ನಟಿಸಿದ್ದರು. ಅದಾದ ಬಳಿಕ ಸುಮಾರು 8 ವರ್ಷಗಳ ಬಳಿಕ ಪುನಃ ಹ್ಯಾಪಿ ನ್ಯೂ ಇಯರ್ ಸಿನಿಮಾದಲ್ಲಿ ನಟಿಸಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ