ಈ ಸಲ ಕೊಹ್ಲಿಗೆ ಇಲ್ಲ ಟೆನ್ಶನ್.. ಆರ್​​ಸಿಬಿಯಲ್ಲಿ ಈ ವರ್ಷದ ಲೆಕ್ಕಾಚಾರವೇ ಬೇರೆ..!

ಕೊಹ್ಲಿ.. ಕೊಹ್ಲಿ.. ಕೊಹ್ಲಿ.. ಪ್ರತೀ ಸೀಸನ್​ನಲ್ಲೂ ಕೊಹ್ಲಿಯದ್ದೇ ನಾಮಜಪ. ಯಾಕಂದ್ರೆ ಕೊಹ್ಲಿ ಆರ್​ಸಿಬಿಯ ಸಂಕಷ್ಟಹರ. ದಿ ಮ್ಯಾಚ್ ವಿನ್ನರ್. ಸಿಂಗಲ್ ಶೇರ್.. ಆದ್ರೆ ಇದೇ ಕೊಹ್ಲಿಗೆ ಈ ವರ್ಷ ಹೆಚ್ಚು ಟೆನ್ಶನ್ ಇರಲ್ಲ. ಫುಲ್ ರಿಲ್ಯಾಕ್ಸ್​ ಆಗಿ, ಫಿಯರ್ ಲೆಸ್ ಆಡಬಹುದು. 2016ರ ಸೀಸನ್​ ಮರುಕಳಿಸಲೂಬಹುದು.

17 ವರ್ಷದಿಂದ ಒಂದು ಲೆಕ್ಕ. ಈ ವರ್ಷ ಒಂದು ಲೆಕ್ಕ. ಈ ಸಲ ಕಪ್ ಎತ್ಕೊಂಡು ಹೋಗ್ತಾ ಇರ್ತೀವಿ.. ಲಕ್ಕಿ ಇಯರ್, ಲಕ್ಕಿ ನಂಬರ್.. ಕಪ್ ಮಿಸ್ಸೇ ಇಲ್ಲ ಅಂತಿದ್ದಾರೆ. ಇದಕ್ಕೆಲ್ಲ ಕಾರಣ ಆರ್​ಸಿಬಿ ಕಟ್ಟಿರುವ ಬಲಾಢ್ಯ ತಂಡ. ಹಿಂದೆ ಬ್ಯಾಟಿಂಗ್​ನಲ್ಲಿ ಕೊಹ್ಲಿಯನ್ನೇ ನಂಬಿಕೊಳ್ಳಬೇಕಿದ್ದ ಆರ್​ಸಿಬಿ, ಈ ಸಲ ಅವರನ್ನೇ ನೆಚ್ಚಿಕೊಳ್ಳಬೇಕೆಂದಿನಿಲ್ಲ. ಆರ್​ಸಿಬಿ ಪಡೆಯಲ್ಲಿ ರಣಬೇಟೆಗಾರರು ಇದ್ದಾರೆ.

ಇದನ್ನೂ ಓದಿ: ಕಪ್ ಗೆಲ್ಲಲು ಮೈದಾನದಲ್ಲಿ ಸಂಕಲ್ಪ.. ಐಪಿಎಲ್ ಸಿದ್ಧತೆ ಹೇಗೆಲ್ಲ ಸಾಗ್ತಿದೆ..?

ಕೊಹ್ಲಿಗೆ ಇಲ್ಲ ಟೆನ್ಶನ್

ಕೊಹ್ಲಿ, ಆರ್​ಸಿಬಿಯ ಮ್ಯಾಚ್ ವಿನ್ನರ್. ಆರ್​ಸಿಬಿಯ ಸಂಕಷ್ಟಹರ. ಪ್ರತಿ ಸೀಸನ್​ನಲ್ಲಿ ಯಾರ್ ಆಡ್ತಾರೋ ಇಲ್ವೋ ಕೊಹ್ಲಿ ಮಾತ್ರ ಆಡ್ತಿದ್ದರು. ತಂಡದ ಗೆಲುವಿಗಾಗಿ ಹೋರಾಟ ನಡೆಸ್ತಿದ್ದರು. ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 18 ವರ್ಷಗಳಿಂದ ಆರ್​ಸಿಬಿಯ ಬ್ಯಾಟಿಂಗ್ ಬೆನ್ನಲುಬಾಗಿ ಸ್ಮರಣೀಯ ಗೆಲುವುಗಳನ್ನು ನೀಡಿದ್ದಾರೆ. ಅದ್ರೀಗ ಇದೇ ಕೊಹ್ಲಿಗೆ ರನ್​ರೇಟ್ ಹೆಚ್ಚಿಸಬೇಕು. ಗೆಲುವಿನ ದಡ ಸೇರಿಸಬೇಕು ಅನ್ನೋ ಟೆನ್ಶನ್ ಇಲ್ವೇ ಇಲ್ಲ. ಆರ್​ಸಿಬಿಯಲ್ಲೀಗ ರಣಬೇಟೆಗಾರರ ಪಡೆಯಿದೆ. ಆ ಪಡೆಯೇ ಅನ್​ಬಾಕ್ಸ್​ ಈವೆಂಟ್​ನಲ್ಲಿ ಸಿಕ್ಸರ್​ಗಳ ಸುರಿಮಳೆ ಸುರಿಸ್ತಿದ್ದ ಫಿಲ್ ಸಾಲ್ಟ್​, ರೊಮಾರಿಯೋ ಶೆಫಾರ್ಡ್​, ಲಿಯಾಮ್ ಲಿವಿಂಗ್ ಸ್ಟೋನ್, ಟಿಮ್ ಡೇವಿಡ್.

ಬಿಗ್ ಹಿಟ್ಟರ್ಸ್ ಅಲ್ಲ..

ಹಿಂದೆ ಆರ್​ಸಿಬಿಯ ಬ್ಯಾಟಿಂಗ್ ಬಲವೇನು ಅಂದ್ರೆ ಕೊಹ್ಲಿ ಹಾಗೂ ಮತ್ತೊಂದು ಎನ್ನಲಾಗ್ತಿತ್ತು. ಈ ಸಲ ಕೊಹ್ಲಿ ಆ್ಯಂಡ್ ಮತ್ತೊಂದು ಅನ್ನೋ ಚಾನ್ಸೇ ಇಲ್ಲ. ಯಾಕಂದ್ರೆ ಒಂದಕ್ಕಿಂತ ಮತ್ತೊಂದು.. ಮಗದೊಂದು ಹೇಳಬಲ್ಲ ದೈತ್ಯ ಬ್ಯಾಟರ್​​​ಗಳು ಇದ್ದಾರೆ. ಓಪನಿಂಗ್​ನಿಂದ ಹಿಡಿದು ಲೋವರ್ ಆರ್ಡರ್​ ತನಕ ಸಿಕ್ಸರ್​ಗಳ ಸುನಾಮಿ ಸೃಷ್ಟಿಸಬಲ್ಲ ಫಿಲ್ ಸಾಲ್ಟ್​, ಲಿಯಾಮ್ ಲಿವಿಂಗ್ ಸ್ಟೋನ್, ಟಿಮ್ ಡೇವಿಡ್, ರೊಮಾರಿಯೋ ಶೆಫಾರ್ಡ್​ರಂಥಹ ಡೆಡ್ಲಿ ಬ್ಯಾಟರ್​​ಗಳಿದ್ದಾರೆ. ಸುಮಾರು 160ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸುವ ಇವರಿಗೆ ಸಿಕ್ರೆ, ಎದುರಾಳಿ ಮಟಾಶ್. ಹೀಗಾಗಿ ಈ ಹಿಟ್ಟರ್​​ಗಳು, ಆರ್​ಸಿಬಿ ಪಾಲಿನ ಹಂಟರ್ಸ್ ಆಗೋದು ಗ್ಯಾರಂಟಿ.

ಇದನ್ನೂ ಓದಿ: ಆರ್​ಸಿಬಿಗೆ ಒಂದೇ ಒಂದು ವೀಕ್ನೆಸ್.. ವಿದೇಶಿ ಆಟಗಾರರು ವಿಲನ್ ಆಗಿಬಿಡ್ತಾರಾ..?

ಕೊಹ್ಲಿ​ ನೆನಪಿಸ್ತಾರಾ 2016ರ ಫಿಯರ್​ಲೆಸ್ ಆಟ?

ಆರ್​ಸಿಬಿ ಇಷ್ಟು ದಿನ ಕೊಹ್ಲಿ ಆಟದ ಮೇಲೆಯೇ ಡಿಪೆಂಡ್ ಆಗಬೇಕಿತ್ತು. ಕೊಹ್ಲಿ ಔಟಾದ್ರೆ ಯಾರ್​ ಮ್ಯಾಚ್ ವಿನ್ನಿಂಗ್ ನಾಕ್ ಆಡ್ತಾರೆ? ಯಾರು ತಂಡವನ್ನು ಗೆಲುವಿನ ದಡ ಸೇರಿಸ್ತಾರೆ ಅನ್ನೋ ಭಯ ಸಹಜವಾಗೇ ಕಾಡ್ತಿತ್ತು. ಈ ಭಯ ವಿರಾಟ್​ಗಿಲ್ಲ. ಯಾಕಂದ್ರೆ ಆರ್​ಸಿಬಿಯಲ್ಲಿ ಫಿಲ್ ಸಾಲ್ಟ್​, ಲಿಯಾಮ್ ಲಿವಿಂಗ್ ಸ್ಟೋನ್, ಟಿಮ್ ಡೇವಿಡ್, ರೊಮಾರಿಯೋ ಶೆಫಾರ್ಡ್, ಮನೋಜ್ ಬಾಂಡಗೆಯವರಂಥ ರಣಬೇಟೆಗಾರರ ಪಡೆಯಿದೆ. ಹೀಗಾಗಿ ವಿರಾಟ್ ಫಿಯರ್ ಲೆಸ್ ಬ್ಯಾಟಿಂಗ್​​​ ಆಡಲು ನೆರವಾಗುತ್ತೆ. ಹೀಗಾಗಿ ವಿರಾಟ್, 2016ರ ಐಪಿಎಲ್​ನ ಮತ್ತೆ ನೆನಪಿಸಿದರೂ ಅಚ್ಚರಿ ಇಲ್ಲ.

ಹಿಂದೆ ಕೊಹ್ಲಿ.. ಕೊಹ್ಲಿ ಬಿಟ್ರೆ ಯಾರಾಡಲ್ಲ ಎಂಬ ಮಾತಿತ್ತು. ಮಿಡಲ್ ಆರ್ಡರ್​, ಲೋವರ್ ಆರ್ಡರ್ ವೀಕ್ ಎನ್ನಲಾಗ್ತಿತ್ತು. ಆದ್ರೀಗ ಇದಕ್ಕೆ ಸೂಕ್ತ ಹಂಟರ್ಸ್ ಸಿಕ್ಕಿದ್ದಾರೆ.

ಇದನ್ನೂ ಓದಿ: IPL 2025: ವಿರಾಟ್ ಕೊಹ್ಲಿ ಸ್ನೇಹಿತ ಐಪಿಎಲ್​​ಗೆ ಅಂಪೈರ್ ಆಗಿ ಆಯ್ಕೆ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್