5 ಸ್ಟಾರ್ 7 ಸ್ಟಾರ್ ಕೇಳಿರುತ್ತೀರಾ.. 10 ಸ್ಟಾರ್ ಹೋಟೆಲ್​ ಬಗ್ಗೆ ಗೊತ್ತಾ? ಇಡೀ ವಿಶ್ವದಲ್ಲಿ ಇದು ಒಂದೇ ಇರೋದು!

ದುಬೈ ಅಂದ ತಕ್ಷಣ ನಮಗೆ ಮೊದಲು ನೆನಪಾಗುವ ಶಬ್ದವೇ ಲ್ಯಾವೀಶ್​ ಪ್ರಪಂಚ. ಅಲ್ಲಿನ ಪಟ್ಟಣಗಳಿಗೆ ಬೇರೆಯದ್ದೇ ರಂಗು ಇದೆ. ಅಲ್ಲಿನ ಒಂದೊಂದು ಕಟ್ಟಡವೂ ಒಂದೊಂದು ಇತಿಹಾಸವನ್ನು ಹೇಳುತ್ತೆ. ವೈಭವದ, ಅದ್ಧೂರಿತನದ ಬದುಕನ್ನೇ ಹಾಸಿ ಹೊದ್ದುಕೊಂಡು ಮಲಗಿರುವ ದೇಶ ಅಂದ್ರೆ ಅದು ದುಬೈ. ಮರಳುಗಾಡು, ಅಲ್ಲಿನ ಬುರ್ಜ್ ಖಲೀಫಾ ಕಟ್ಟಡ, ಪಾಲ್ಮಾ ಐಲ್ಯಾಂಡ್​ ಹೀಗೆ ದುಬೈಯನ್ನು ವರ್ಣಿಸುವ ವೇಳೆ ಮತ್ತೊಂದು ಹೆಸರು ನೆನಪಿಗೆ ಬರೋದು ಬುರ್ಜ್​ ಅಲ್ ಅರಬ್​.. ಇದು ವಿಶ್ವದ ಏಕೈಕ ಟೆನ್ ಸ್ಟಾರ್ ಹೋಟೆಲ್​. ಬುರ್ಜ್ ಅಲ್ ಅರಬ್​ ತನ್ನ ಕಟ್ಟಡದ ವಿನ್ಯಾಸ ಹಾಗೂ ಅದ್ಧೂರಿತನದ ಆತಿಥ್ಯಕ್ಕೆ ವಿಶ್ವದಲ್ಲಿಯೇ ಹೆಸರುವಾಸಿ.

1999ರಲ್ಲಿ ಶುರುವಾದ ಈ ಹೋಟೆಲ್​ನ್ನು ಮಾನವ ನಿರ್ಮಿತ ದ್ವೀಪ ಅಂತಲೇ ಇದನ್ನು ಕರೆಯುತ್ತಾರೆ. ಅಂದಿನ ಕಾಲದಲ್ಲಿಯೇ ಇದನ್ನು 100 ಕೋಟಿ ಡಾಲರ್ ವೆಚ್ಚದಲ್ಲಿ ನಿರ್ಮಿಸಲಾಗಿತ್ತು. ದುಬೈನ ಈ ಬುರ್ಜ್​ ಅಲ್ ಅರಬ್​ ಅದ್ಧೂರಿತನ ಗುರುತು. ಈ ಹೋಟೆಲ್​ನಲ್ಲಿ ಒಂದು ರಾತ್ರಿ ಉಳಿದುಕೊಳ್ಳಲು 10 ಲಕ್ಷ ರೂಪಾಯಿ ಬೇಕು. ಈ ಹೋಟೆಲ್​ ಬುಕ್ ಮಾಡುವ ಅತಿಥಿಗಳನ್ನು ಹೆಲಿಕಾಪ್ಟರ್​ ಇಲ್ಲವೇ ರೋಲ್ಸ್​ ರಾಯ್ಸ್ ಕಾರ್​ನಲ್ಲಿ ಕರೆದುಕೊಂಡು ಬರಲಾಗುತ್ತದೆ. ಈ ಹೋಟೆಲ್​ನ ಇನ್ನೊಂದಿಷ್ಟು ಇಂಟರೆಸ್ಟಿಂಗ್ ಮಾಹಿತಿ ಇಲ್ಲಿವೆ.

ಇದನ್ನೂ ಓದಿ:ಜೈಲಿನಿಂದ ಎಸ್ಕೇಪ್ ಆದ್ರೂ ಬರೋಬ್ಬರಿ 6 ಸಾವಿರ ಕೈದಿಗಳು.. ಆಮೇಲೆ ಆಗಿದ್ದೇನು?

ಬುರ್ಜ್​ ಅಲ್​ ಅರಬ್​ನಲ್ಲಿ ಉಳಿದುಕೊಳ್ಳುವುದೇ ಐಷಾರಾಮಿ ಬದುಕಿನ ಒಂದು ಗುರುತು. ಇಲ್ಲಿ ರೂಮ್ ಮಾಡಿ ಉಳಿದುಕೊಂಡವರು ಅರೆಬೀಯನ್​ ಸಮುದ್ರವನ್ನು ಕಣ್ತುಂಬಿಕೊಳ್ಳುತ್ತಲೇ ಕೂರಬಹುದು. ಈ ಹೋಟೆಲ್​ ಅತ್ಯಾಧುನಿಕ ಸೌಕರ್ಯಗಳನ್ನು ಹೊಂದಿವೆ. ಉದಾಹರಣೆಗೆ ಹೆಚ್​ಡಿ ಟಿವಿ ಮತ್ತು ಪ್ರಿಮೀಯಮ್ ಸೌಂಡ್​ ಸಿಸ್ಟಮ್​. ಜಗತ್ತಿನ ಯಾವುದೇ ಮೂಲೆಯಿಂದ ಬಂದರೂ ಅವರಿಗೆ ಇಲ್ಲಿ ಪ್ರಮುಖ ಎಂಟು ದೇಶದ  ಪ್ರಮುಖ ಆಹಾರಗಳು ಸಿಗುತ್ತದೆ. ಐಷಾರಾಮಿ ಸ್ಪಾ ಇದೆ.

ಇದನ್ನೂ ಓದಿ:₹30 ಲಕ್ಷ ಕೋಟಿ ಆಸ್ತಿ, 1000ಕ್ಕೂ ಹೆಚ್ಚು ಕುಟುಂಬ ಸದಸ್ಯರು; ಒಂದು ತೈಲ ರಾಷ್ಟ್ರವನ್ನೇ ಆಳುತ್ತಿದೆ ಈ ಕುಟುಂಬ!

ಈ ಹೋಟೆಲ್​ನ ಮತ್ತೊಂದು ವಿಶೇಷವೆಂದರೆ ಅದು ಸ್ಕೈ ವೀವ್ ಬಾರ್​. ಈ ಹೋಟೆಲ್​ ಸುಮಾರು 656 ಫೀಟ್ ಎತ್ತರವಿದೆ. ಸ್ಕೈ ವೀವ್ ಮಾಡುವಾಗ ಇಲ್ಲಿನ ಗ್ರಾಹಕರು ತಮ್ಮ ನೆಚ್ಚಿನ ಪಾನೀಯವನ್ನು ಸವಿಯುತ್ತಾ ನೋಡಬಹುದು. ಈ ಹೋಟೆಲ್​ ಎರಡು ಸ್ವಿಮ್ಮಿಂಗ್ ಫೂಲ್​​ಗಳನ್ನು ಹೊಂದಿದೆ. ಮತ್ತು ರೂಫ್​​ಟಾಪ್ ಬಾರ್​. ಇಲ್ಲಿ ಗ್ರಾಹಕರಿಗೆ ದೊರಕುವ ಐಷಾರಾಮಿ ವ್ಯವಸ್ಥೆಗಳು, ಹೋಟೆಲ್​ನಲ್ಲಿ ದೊರಕುವ ಸೇವೆ, ಹೀಗೆ ಎಲ್ಲವೂ ಇಲ್ಲಿ ಐಷಾರಾಮಿತನದ ಗುರುತು. ನೀವು ವಿಶ್ವದ ಯಾವುದೇ ಮೂಲೆಗೆ ಹೋದರು ಕೂಡ ಇಂತಹದೊಂದು ಐಷಾರಾಮಿ ಹೋಟೆಲ್​, ಐಷಾರಾಮಿ ಸೇವೆ ಹಾಗೂ ಗ್ರಾಹಕತೃಪ್ತಿ ಸಿಗುವುದು ಅಪರೂಪವೇ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ