27 ವರ್ಷದಿಂದ ಉಗುರೇ ಕತ್ತರಿಸಿಲ್ಲ.. 10 ಬೆರಳ 42 ಫೀಟ್ ಉದ್ದದ ಉಗುರಿಗೆ 20 ಬಾಟಲಿ ನೇಲ್​ ಪಾಲಿಶ್​ ಬೇಕಂತೆ!

ಉಗುರು ಬಿಡುವುದು ಆರೋಗ್ಯ ದೃಷ್ಟಿಯಿಂದ ಅಪಾಯಕಾರಿ. ಉಗುರಿನ ಸೆರೆಯಲ್ಲಿ ಕೊಳೆ ನಿಲ್ಲುವುದರಿಂದ ವೈದ್ಯರು ಉರುಗು ಕತ್ತರಿಸಲು ಹೇಳುತ್ತಾರೆ. ಶಿಕ್ಷಕರು ಶಾಲೆಗಳಲ್ಲಿ ವಿದ್ಯಾರ್ಥಿಗಳಿಗೆ ಉಗುರನ್ನು ಕತ್ತರಿಸಿ ಶುಚಿತ್ವಕ್ಕೆ ಒತ್ತುನೀಡುತ್ತಾರೆ. ಇದರಿಂದ ಮಕ್ಕಳಲ್ಲಿ ಕಾಣಿಸುವ ಅನಾರೋಗ್ಯವನ್ನ ತಪ್ಪಿಸುತ್ತಾರೆ. ಆದರೆ ಫ್ಯಾಷನ್​ ಲೋಕದಲ್ಲಿ ಉಗುರು ಬಿಡುವುದೇ ಟ್ರೆಂಡ್​ ಆಗಿದೆ.

ಹೌದು. ಉಗುರು ಬಿಡುವುದು ಪ್ರಸ್ತುತ ಕಾಲದಲ್ಲಿ ಟ್ರೆಂಡ್​ ಆಗಿ ಬಿಟ್ಟಿದೆ. ಯುವತಿಯರು ಮಾತ್ರವಲ್ಲ, ಯುವಕರು ಈಗ ಉಗುರು ಬಿಡುತ್ತಿದ್ದಾರೆ. ಆದರೆ ಉದ್ದನೆಯ ಉಗುರನ್ನು ಜೋಪಾನವಾಗಿ ನೋಡಿ ಕೊಳ್ಳಲು ಕಷ್ಟವೆನಿಸಿದವರು ಫ್ಯಾನ್ಸಿ ಉಗುರನ್ನು ಅಂಟಿಸಿಕೊಳ್ಳುತ್ತಾರೆ. ಆದರೆ ವಿಚಾರ ಅದಲ್ಲ. ಈ ಉಗುರಿನಿಂದಲೇ ಮಹಿಳೆಯೊಬ್ಬಳು ಗಿನ್ನೆಸ್​​ ವಿಶ್ವ ದಾಖಲೆ ಬರೆದ ಕತೆ ಗೊತ್ತಾ? ಈ ಸ್ಟೋರಿ ಓದಿ.

ಇದನ್ನೂ ಓದಿ: Modi Laddu: ಮಾರುಕಟ್ಟೆಯಲ್ಲಿದೆ ‘ಮೋದಿ ಲಡ್ಡು’.. ಭಾರೀ ಫೇಮಸ್ಸು! ಇದರಲ್ಲೇನಿದೆ ವಿಶೇಷತೆ?

ಹೆಸರು ಡಯಾನಾ ಆರ್ಮ್​​ಸ್ಟ್ರಾಂಗ್​​. ಈಕೆ ಬರೋಬ್ಬರಿ 27 ವರ್ಷದಿಂದ ಉಗುರನ್ನೇ ಕತ್ತರಿಸಿಲ್ಲವಂತೆ. ಇದೇ ವಿಚಾರವಾಗಿ ಡಯಾನಾ ಗಿನ್ನೆಸ್​​ ವಿಶ್ವ ದಾಖಲೆ ಪುಟ ಸೇರಿದ್ದಾರೆ. ಅಚ್ಚರಿಯ ಸಂಗತಿ ಎಂದರೆ ಈ ಮಹಿಳೆಯ 10 ಬೆರಳುಗಳಲ್ಲಿ 42 ಫೀಟ್​​ 10.4 ಉದ್ದದ ಉಗುರನ್ನು ಹೊಂದಿದ್ದಾಳೆ.

ಡಯಾನಾ ಆರ್ಮ್​ಸ್ಟ್ರಾಂಗ್​​ 1997ರಿಂದ ಉಗುರನ್ನು ಕತ್ತರಿಸಿಲ್ಲವಂತೆ. ಆಕೆಯ ಮಗಳು ಲತೀಶಾ ಅಸ್ತಮಾದಿಂದ ಸಾವನ್ನಪ್ಪಿದ ಬಳಿಕ ಡಯಾನಾ ಉಗುರು ಕತ್ತರಿಸಲ್ಲ ಎಂಬ ನಿರ್ಧಾರ ಮಾಡಿದಳು. ಅಲ್ಲಿಂದ ಇಲ್ಲಿಯವರೆಗೆ ಅಂದರೆ 27 ವರ್ಷದವರೆಗೆ ಉಗುರು ಕತ್ತರಿಸಿಲ್ಲ.

ಇದನ್ನೂ ಓದಿ: Selfie: ಕಾಡಾನೆ ಜೊತೆ ಸೆಲ್ಫಿ ತೆಗೆಯಲು ಹೋಗಿ ಓರ್ವ ಸಾ*ವು.. ಇಬ್ಬರು ಪ್ರಾಣಾಪಾಯದಿಂದ ಪಾರು

ಡಯಾನಾ ತನ್ನ ಉಗುರನ್ನು ಪಾಲಿಶ್​​ ಮಾಡಲು ಹತ್ತು ಗಂಟೆ ತೆಗೆದುಕೊಳ್ಳುತ್ತಾಳಂತೆ. ನಾಲ್ಕೈದು ವರ್ಷಗಳಿಗೊಮ್ಮೆ ತಪಾಸಣೆ ಮಾಡಿಸುತ್ತಾಳೆ. ಈಕೆಯ ಉಗುರಿಗೆ ಹದಿನೈದರಿಂದ ಇಪ್ಪತ್ತು ಬಾಟಲಿ ನೇಲ್​ ಪಾಲಿಶ್​​ (ಬಣ್ಣ) ಖರ್ಚಾಗುತ್ತಂತೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ