ಬ್ಯಾಟಿಂಗ್​ನಲ್ಲಿ ಸೈಲೆಂಟ್ ಆದ ಶುಭ್​ಮನ್ ಗಿಲ್​.. ಮೂರು ಇನ್ನಿಂಗ್ಸ್​ನಲ್ಲಿ ಕ್ಯಾಪ್ಟನ್​ ರನ್ ಇಷ್ಟೇನಾ?

ವಿಶ್ವ ಕ್ರಿಕೆಟ್​​​ನ ಕ್ಲಾಸ್ ಬ್ಯಾಟರ್​ಗಳಲ್ಲಿ ಟೀಮ್​ ಇಂಡಿಯಾ ಕ್ಯಾಪ್ಟನ್​ ಶುಭ್​ಮನ್​ ಗಿಲ್​ ಕೂಡ ಒಬ್ಬರು. ಸೈಲೆಂಟ್ ಆಗೇ ಮ್ಯಾಚ್ ಫಿನಿಶ್ ಮಾಡೋ ಸೈಲೆಂಟ್ ಬ್ಯಾಟರ್. ಇಂತಹ ಕ್ಲಾಸಿ ಬ್ಯಾಟರ್​​ ಶುಭ್​ಮನ್​ ಇದೀಗ ಮತ್ತೊಬ್ಬ ಬಾಬರ್ ಅಝಂ ಆಗಿಬಿಟ್ರಾ ಎಂಬ ಅನುಮಾನ ಹುಟ್ಟಿದೆ. ಅದು ಯಾಕೆ|.

ಶುಭ್​ಮನ್ ಗಿಲ್ ವಿಶ್ವ ಕ್ರಿಕೆಟ್​​ನ ಪ್ರಿನ್ಸ್​. ಕ್ರಿಕೆಟ್ ಲೋಕದ ನಯಾ ಸೂಪರ್ ಸ್ಟಾರ್​. ಈತನ ಬ್ಯಾಟಿಂಗ್ ಟೆಕ್ನಿಕ್, ಸ್ಟ್ರೈಲಿಶ್ ಶಾಟ್ಸ್​, ಟೈಮಿಂಗ್ ನಿಜಕ್ಕೂ ಅದ್ಬುತ. ಈತನ ಕ್ಲಾಸಿಕ್​​ ಬ್ಯಾಟಿಂಗ್ ನೋಡೋದೆ ಒಂದು ಚೆಂದ. ಇಂಗ್ಲೆಂಡ್​ ಸರಣಿಯಲ್ಲಿ ಜಬರ್ದಸ್ತ್ ಪರ್ಫಾಮನ್ಸ್​ ನೀಡಿದ್ದ ಶುಭ್​ಮನ್, ವಿಶ್ವ ಕ್ರಿಕೆಟ್​ನಲ್ಲಿ ಹೊಸ ಸೆನ್ಸೇಷನ್​​ ಸೃಷ್ಟಿಸಿದ್ರು. ಶತಕಗಳ ಮೇಲೆ ಶತಕ ಸಿಡಿಸಿ ಸೆಂಚುರಿ ಸ್ಟಾರ್ ಆಗಿ ಅಭಿಮಾನಿಗಳ ಮನವನ್ನು ಗೆದ್ದಿದ್ದರು. ಶುಭ್​ಮನ್ ಆಟ ನೋಡಿದ ಕ್ರಿಕೆಟ್ ಪಂಡಿತರು ಊಘೆ ಊಘೆ ಎಂದಿದ್ರು. ಆದ್ರೀಗ ಅದೇ ಶುಭ್​ಮನ್ ಗಿಲ್​​ ಬ್ಯಾಟಿಂಗ್​ ಬಗ್ಗೆ ಟೀಕೆಗಳು ವ್ಯಕ್ತವಾಗ್ತಿದೆ.

2 ಮ್ಯಾಚ್, 3 ಶತಕ, 585 ರನ್.. ಶುಭ್​ಮನ್ ಸೆನ್ಸೇಷನ್..!

ಇಂಗ್ಲೆಂಡ್ ಟೂರ್​ಗೂ ಮುನ್ನ ಶುಭ್​ಮನ್ ಗಿಲ್ ಬ್ಯಾಟಿಂಗ್ ಬಗ್ಗೆ ಪ್ರಶ್ನೆಗಳಿದ್ದವು. ಆದ್ರೆ, ಆ ಪ್ರಶ್ನೆಗಳಿಗೆ ಬ್ಯಾಟ್​ನಿಂದಲೇ ಉತ್ತರ ನೀಡಿದ್ದ ಶುಭ್​ಮನ್ ಗಿಲ್, ಅಕ್ಷರಶಃ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದರು. ಹೆಂಡಿಗ್ಲೆಯ ಮೊದಲ ಇನ್ನಿಂಗ್ಸ್​ನಲ್ಲಿ 147 ರನ್​​ ಬಾರಿಸಿದ್ದ ಗಿಲ್​, ಎಡ್ಜ್​ಬಾಸ್ಟನ್​ನ ಟೆಸ್ಟ್​ನ ಎರಡೂ ಇನ್ನಿಂಗ್ಸ್​ನಲ್ಲಿ ಮಿಂಚಿದ್ದರು. ಒಂದು ಶತಕ, ಒಂದು ದ್ವಿಶತಕ ಸಹಿತ 430 ರನ್ ಕೊಳ್ಳೆ ಹೊಡೆದಿದ್ದರು. ಮೊದಲ 2 ಟೆಸ್ಟ್​ ಪಂದ್ಯಗಳಿಂದಲೇ 3 ಶತಕ ಸಹಿತ 585 ರನ್​ ಚಚ್ಚಿದ್ದರು.

ಮೊದಲ 2 ಟೆಸ್ಟ್​ ಪಂದ್ಯಗಳಲ್ಲಿ ಶುಭ್​ಮನ್

ಮೊದಲ 2 ಪಂದ್ಯಗಳ 4 ಇನ್ನಿಂಗ್ಸ್​ಗಲ್ಲಿ ಶುಭ್​ಮನ್ ಗಿಲ್​ 146.25 ಬ್ಯಾಟಿಂಗ್ ಅವರೇಜ್​ನಲ್ಲಿ 585 ರನ್​ ಗಳಿಸಿದ್ದರು. ಮೂರು ಶತಕ ಸಿಡಿಸಿ ಮಿಂಚಿದ್ರು.

3 ಇನ್ನಿಂಗ್ಸ್​ಗಳಿಂದ ಸೌಂಡೇ ಮಾಡ್ತಿಲ್ಲ ಶುಭ್​ಮನ್ ಬ್ಯಾಟ್​..!

ಹೆಡಿಂಗ್ಲೆ ಹಾಗೂ ಎಡ್ಜ್​​ಬಾಸ್ಟನ್​ನಲ್ಲಿ ಬ್ಲಾಕ್​ ಬಸ್ಟರ್​ ಪರ್ಫಾಮೆನ್ಸ್ ನೀಡಿದ್ದ ಶುಭ್​ಮನ್​, ಲಾರ್ಡ್ಸ್​ ಟೆಸ್ಟ್​ ಪಂದ್ಯದಿಂದ ಕಂಪ್ಲೀಟ್ ಸೈಲೆಂಟ್ ಆಗಿದ್ದಾರೆ. ಸಾಲಿಡ್​​ ಟಚ್​ನಲ್ಲಿದ್ದ ಶುಭ್​ಮನ್​ ರನ್​ ಗಳಿಸಲು ಪರದಾಡ್ತಿದ್ದಾರೆ. ಶುಭ್​ಮನ್ ಬ್ಯಾಟಿಂಗ್ ನೋಡ್ತಿದ್ರೆ. ನಾವ್ ಮೊದಲ ಎರಡು ಟೆಸ್ಟ್​ನಲ್ಲಿ ನೋಡಿದ ಶುಭ್​ಮನ್ ಗಿಲ್ ಇವ್ರೇನಾ..? ಎಂಬ ಪ್ರಶ್ನೆ ಉದ್ಬವವಾಗ್ತಿದೆ. ಕಳೆದ 2 ಟೆಸ್ಟ್​ ಪಂದ್ಯಗಳ 3 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್ ಬೀಸಿರುವ ಶುಭ್​ಮನ್, 11.33ರ ಬ್ಯಾಟಿಂಗ್ ಅವರೇಜ್​ನಲ್ಲಿ 34 ರನ್ ಗಳಿಸಿದ್ದಾರೆ. ಈ ಪೈಕಿ ಶುಭ್​ಮನ್ ಗಳಿಸಿದ ಗರಿಷ್ಠ ರನ್ ಕೇವಲ 16.

ಮತ್ತೊಬ್ಬ ಬಾಬರ್ ಅಜಂ ಆಗಿದ್ದಾರಾ ಪಂಜಾಬ್ ಪುತ್ತರ್..?

ಶುಭ್​ಮನ್ ಗಿಲ್​, ಡೇಂಜರಸ್ ಬ್ಯಾಟರ್ ಅನ್ನೋದ್ರಲ್ಲಿ ನೋ ಡೌಟ್. ಆದ್ರೆ, ಶುಭ್​ಮನ್ ಆಟ ಬ್ಯಾಟಿಂಗ್ ಫ್ರೆಂಡ್ಲಿ ಫ್ಲಾಟ್​ ಟ್ರ್ಯಾಕ್​​ ಪಿಚ್​ಗಳಿಗೆ ಮಾತ್ರವೇ ಸಿಮೀತವಾಗಿದೆ. ಗಿಲ್​​ರ ಈ ಬ್ಯಾಟಿಂಗ್ ನೋಡಿದ ಇಂಗ್ಲೆಂಡ್​ ಮಾಜಿ ನಾಯಕ ಮೈಕಲ್ ವಾನ್, ಮತ್ತೊಬ್ಬ ಬಾಬರ್ ಅಜಂ ಅಂತಾನೇ ಟೀಕಿಸಿದ್ದಾರೆ. ಮೊದಲ ಎರಡು ಪಂದ್ಯಗಳು ನಡೆದ ಹೆಂಡಿಗ್ಲೆ ಹಾಗೂ ಎಡ್ಜ್​ಬಾಸ್ಟನ್​ ಪಿಚ್​ಗಳು ಕಂಪ್ಲೀಟ್​ ಪ್ಲ್ಯಾಟ್​ ಟ್ರ್ಯಾಕ್​​ಗಳಾಗಿದ್ವು. ಆದ್ರೆ, ಕೊನೆ ಎರಡು ಟೆಸ್ಟ್​ ಪಂದ್ಯಗಳು ನಡೆದ ಲಾರ್ಡ್ಸ್​ ಹಾಗೂ ಮ್ಯಾಂಚೆಸ್ಟರ್​ ಪಿಚ್​ಗಳು ಬೌಲರ್ಸ್​ಗೆ ಹೆಚ್ಚು ನೆರವಾಗ್ತಿವೆ. ಫ್ಲಾಟ್​ ಟ್ರ್ಯಾಕ್​​ನಲ್ಲಿ ಅಬ್ಬರಿಸಿದ ಶುಭ್​ಮನ್, ಟಫ್ ಕಂಡೀಷನ್ಸ್​ನಲ್ಲಿ ಸೈಲೆಂಟ್ ಆಗಿದ್ದಾರೆ. ಕಳೆದ​ 4 ಟೆಸ್ಟ್​ ಪಂದ್ಯಗಳ ಪ್ರದರ್ಶನ ಮಾತ್ರವಲ್ಲ.. ಗಿಲ್ ಕರಿಯರ್​ನ ಟ್ರ್ಯಾಕ್​ ರೆಕಾರ್ಡ್​ ಕೂಡ ಶುಭ್​​ಮನ್ ಪ್ಲಾಟ್​ ಟ್ರ್ಯಾಕ್​ನ ಹೀರೋ ಎನ್ತಿವೆ.

ಇದನ್ನೂ ಓದಿ:ಅಚ್ಚರಿ ಅನಿಸಿದರೂ ಇದು ಸತ್ಯ.. 1 ವರ್ಷದ ಮಗು ಕಚ್ಚಿದ್ದಕ್ಕೆ ಸ್ಥಳದಲ್ಲೇ ಜೀವ ಬಿಟ್ಟ ನಾಗರ ಹಾವು!

ಆಸಿಸ್​, ಆಫ್ರಿಕಾದಲ್ಲಿ ವಿಂಡೀಸ್​ನಲ್ಲಿ ಗಿಲ್ ಆಟ

ಆಸ್ಟ್ರೇಲಿಯಾದಂತ ಟಫ್ ಕಂಡೀಷನ್​​ನಲ್ಲಿ 11 ಇನ್ನಿಂಗ್ಸ್​ಗಳಿಂದ 352 ರನ್​ ಗಳಿಸಿರುವ ಶುಭ್​ಮನ್, ಸೌತ್ ಆಫ್ರಿಕಾದಲ್ಲಿ 4 ಇನ್ನಿಂಗ್ಸ್​​ಗಳಿಂದ 74 ರನ್ ಗಳಿಸಿದ್ದಾರೆ. ವೆಸ್ಟ್ ಇಂಡೀಸ್​ನಲ್ಲಿ 3 ಇನ್ನಿಂಗ್ಸ್​​​ಗಳಿಂದ 45 ರನ್ ಗಳಿಸಿದ್ದಾರೆ.

ಟೀಕೆಗಳಿಗೆ ಬ್ಯಾಟ್​ನಿಂದ ಉತ್ತರಿಸ್ತಾರಾ ಶುಭ್​ಮನ್ ಗಿಲ್..?

ಕಳೆದ ಮೂರು ಇನ್ನಿಂಗ್ಸ್​ಗಳಿಂದ 16, 6, 12 ರನ್​​ಗಳಿಸಿರುವ ಶುಭ್​ಮನ್​​ ಗಿಲ್, 2ನೇ ಇನ್ನಿಂಗ್ಸ್​ನಲ್ಲಿ ಬಿಗ್ ಇನ್ನಿಂಗ್ಸ್​ ಕಟ್ಟಬೇಕಿದೆ. ಇದು ಕೇವಲ ಟೀಕೆಗಳಿಗೆ ಉತ್ತರಿಸುವ ಸಲುವಾಗಿ ಮಾತ್ರವೇ ಅಲ್ಲ. ಇಲ್ಲ ಸರಣಿ ಮ್ಯಾಂಚೆಸ್ಟರ್​ನಲ್ಲೇ ಫಿನಿಷ್ ಆಗೋದು ಫಿಕ್ಸ್. ಹೀಗಾಗಿ, ಟಫ್ ಕಂಡೀಷನ್ಸ್​ನಲ್ಲೂ ಬಿಗ್ ಇನ್ನಿಂಗ್ಸ್​ ಕಟ್ಟುವ ಕಲೆಗಾರಿಕೆಯನ್ನ ಶುಭ್​ಮನ್​ ಗಿಲ್​ ಕಲಿಯಬೇಕಿದೆ. ಇಲ್ಲ ಟೀಕೆಗಳನ್ನ ಎದುರಿಸುತ್ತಲೇ ಇರಬೇಕಾಗೋದ್ರಲ್ಲಿ ಡೌಟೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ