ಎಟಿಎಂನಲ್ಲಿದ್ದ 24 ಲಕ್ಷ ದೋಚಿ ಪರಾರಿಯಾಗಿದ್ದ 4 ಜನರ ಬಂಧನ

ಎಟಿಎಂಗೆ ಒಂಚೂರು ಹಾನಿ ಮಾಡದೆ ಹಣ ಎಗರಿಸಿದ ಖತರ್ನಾಕ್​ ಕಳ್ಳರು

ಹಣ ಕಳ್ಳತನದ ಬಗ್ಗೆ ಸಿಎಂಎಸ್​ ಕಂಪನಿ ಮ್ಯಾನೇಜರ್​ ಪೊಲೀಸರಿಗೆ ದೂರು

ಎಟಿಎಂನಲ್ಲಿದ್ದ ಹಣವನ್ನ ದರೋಡೆ ಮಾಡಿದ್ದ ನಾಲ್ವರನ್ನ ಬೆಂಗಳೂರಿನ ಪರಪ್ಪನ ಅಗ್ರಹಾರ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನ ನದೀಂ, ಶ್ರೀರಾಮ್, ಅರುಳ್ ಕುಮಾರ್ ಮತ್ತು ಮಹೇಶ್ ಎಂದು ಗುರುತಿಸಲಾಗಿದೆ.

ಬಂಧಿತ ನಾಲ್ವರು ಖದೀಮರು ಎಟಿಎಂನಲ್ಲಿದ್ದ 24 ಲಕ್ಷ ದೋಚಿ ಪರಾರಿಯಾಗಿದ್ದರು. ಅರುಳ್​ ಎಂಬಾತ ಹಣ ತುಂಬುವ ಕಸ್ಟೋಡಿಯನ್​ ಆಗಿದ್ದು, ಈತ ಹಣವನ್ನು ಏಟಿಎಂ ಗೆ ತುಂಬಿಸಿ ಸೇಪ್ಟಿ  ಡೋರ್​ ಲಾಕ್​ ಮಾಡದೇ ಹೋಗ್ತಿದ್ದ. ಈತ ಹೋದ ಬಳಿಕ ಈ ಮೂವರು ಹೆಲ್ಮೆಟ್​ ಧರಿಸಿ ಬಂದಿದ್ದಾರೆ. ಎಟಿಎಂಗೆ ಒಂಚೂರು ಹಾನಿ ಮಾಡದೇ ಹಣ ಎಗರಿಸಿದ್ದಾರೆ.

ನಾಲ್ವರು ಕಳ್ಳರು ಎಟಿಎಂಗೆ ನುಗ್ಗಿ 24 ಲಕ್ಷ ರೂಪಾಯಿ ದೋಚಿ ಪರಾರಿಯಾಗುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ನಾಲ್ವರು ಕಳ್ಳರನ್ನು ಪರಪ್ಪನ ಅಗ್ರಹಾರ ಪೊಲೀಸರು ಹಿಡಿದು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.#Bangalore #Theves #CCTV pic.twitter.com/6hsrR6YXZv

— NewsFirst Kannada (@NewsFirstKan) July 17, 2023

ಹಣ ಕಳ್ಳತನದ ಬಗ್ಗೆ ಸಿಎಂಎಸ್​ ಕಂಪನಿ ಮ್ಯಾನೇಜರ್​ ಪೊಲೀಸರಿಗೆ ದೂರು ನೀಡಿದ್ದರು. ದೂರಿನ ಅನ್ವಯ ನಾಲ್ವರನ್ನ ಪೊಲೀಸರು ಪತ್ತೆಹಚ್ಚಿ ಬಂಧಿಸಿದ್ದಾರೆ. ಪರಪ್ಪನ ಅಗ್ರಹಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ