ಆರ್​ಸಿಬಿಗೆ ಕಾಡ್ತಿದೆ ಆತಂಕ.. ಇವತ್ತು ಸ್ಫೋಟಕ ಬ್ಯಾಟರ್​ ಆಡೋದು ಡೌಟ್​..!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಆಪತ್ಬಾಂಧವ ಟಿಮ್ ಡೇವಿಡ್​ ಹೈದ್ರಾಬಾದ್ ವಿರುದ್ಧ ಫೀಲ್ಡಿಂಗ್ ಮಾಡುವ ವೇಳೆ ಆರ್ಮ್​ಸ್ಟ್ರಿಂಗ್ ಇಂಜುರಿಗೆ ಒಳಗಾಗಿದ್ದರು.

ಇದುವರೆಗೂ ಟಿಮ್ ಡೇವಿಡ್ ಇಂಜುರಿ ಬಗ್ಗೆ ಯಾವುದೇ ಅಪ್​ಡೇಟ್ ಇಲ್ಲ. ಮೂಲಗಳ ಪ್ರಕಾರ ಟಿಮ್, ಲಕ್ನೋ ವಿರುದ್ಧದ ಮಹತ್ವದ ಪಂದ್ಯಕ್ಕೆ ಅಲಭ್ಯರಾಗೋ ಸಾಧ್ಯತೆ ಹೆಚ್ಚಿದೆ. ಒಂದು ವೇಳೆ ಟಿಮ್ ಡೇವಿಡ್​​ ಫೀಲ್ಡ್​​ಗೆ ಇಳಿಯದಿದ್ರೆ, ಇಂಗ್ಲೀಷ್ ಆಲ್​ರೌಂಡರ್ ಲಿಯಾಮ್ ಲಿಂಗ್​ಸ್ಟೋನ್ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಅವಕಾಶ ಪಡೆಯಲಿದ್ದಾರೆ. ಆರ್​ಸಿಬಿ ಮ್ಯಾನೇಜ್ಮೆಂಟ್ ಸಹ, ಟಿಮ್ ಡೇವಿಡ್ ಮೆಡಿಕಲ್ ರಿಪೋರ್ಟ್​​ಗಾಗಿ ಕಾಯ್ತಿದೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಲಕ್ನೋದಲ್ಲಿ ಇವತ್ತು ಆರ್​ಸಿಬಿಗೆ ಒಂದಲ್ಲ, ಎರಡು ಸವಾಲ್..! ಏನದು..?

ಹೇಜಲ್​ವುಡ್ ಜೋಶ್

ಆರ್​ಸಿಬಿಯ ಸೂಪರ್​ಸ್ಟಾರ್ ಪೇಸರ್ ಜೋಷ್ ಹೇಜಲ್​​ವುಡ್, ಶೋಲ್ಡರ್ ಇಂಜುರಿಯಿಂದ ರಿಕವರ್ ಆಗಿದ್ದಾರೆ. ಆಸಿಸ್​​​ನಿಂದ ಸೀದಾ ಆರ್​ಸಿಬಿ ಕ್ಯಾಂಪ್​​ಗೆ ಎಂಟ್ರಿ ಕೊಟ್ಟಿರುವ ಹೇಝಲ್​ವುಡ್, ಲಕ್ನೋ ವಿರುದ್ಧ ಪಂದ್ಯ ಆಡಲಿದ್ದಾರೆ. ಹೇಝಲ್​ವುಡ್ ಆಗಮನದಿಂದ ಬೆಂಗಳೂರು ತಂಡಕ್ಕೆ ಬಿಗ್ ಬೂಸ್ಟ್ ಆಗಿದೆ. ಆ ಮೂಲಕ ಆರ್​ಸಿಬಿಯ ಬೌಲಿಂಗ್ ಅಟ್ಯಾಕ್ ಕೂಡ ಬಲ ತುಂಬಿದಂತಾಗಿದೆ.

ಲಕ್ನೋ ಸೂಪರ್​ಜೈಂಟ್ಸ್​ ತಂಡ ಲೀಗ್​ನ ಕೊನೆಯ​ ಪಂದ್ಯವನ್ನ ಗೆದ್ದು, ​ ಟೂರ್ನಿಗೆ ಗುಡ್​ಬೈ ಹೇಳಲು ಹೊರಟಿದ್ರೆ, ಅತ್ತ ಆರ್​ಸಿಬಿ ಗೆಲ್ಲಲೇಬೇಕಾದ ಪಂದ್ಯದಲ್ಲಿ ಅದೃಷ್ಟದ ಹುಡುಕಾಟದಲ್ಲಿದೆ. ಲಕ್ನೋದಲ್ಲಿ ಆರ್​ಸಿಬಿಗೆ ಲಕ್ ಖುಲಾಯಿಸುತ್ತಾ..? ಕಾದುನೋಡಬೇಕು.

ಇದನ್ನೂ ಓದಿ: RCB ಗೆಲ್ಲಲು ಈ ಫಾರ್ಮುಲಾ ಬೇಕೇಬೇಕು.. ಇವತ್ತು ಯಾರ ಕೊಡುಗೆ ತುಂಬಾನೇ ಮುಖ್ಯ ಗೊತ್ತಾ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ