ಕೈಕೊಟ್ಟ ಜಕೊಬ್ ಬೆಥಲ್.. ಆರ್​ಸಿಬಿಗೆ ಮತ್ತೊಬ್ಬ ಸ್ಫೋಟಕ ಬ್ಯಾಟರ್​ ಎಂಟ್ರಿ..!

ಐಪಿಎಲ್​ನಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ ಪ್ಲೇ-ಆಫ್ ಪ್ರವೇಶ ಮಾಡಿದೆ. ಪ್ಲೇ-ಆಫ್​​ನಲ್ಲಿ ಗೆದ್ದು ಫೈನಲ್​​ಗೆ ಎಂಟ್ರಿ ನೀಡುವ ಹುಮ್ಮಸ್ಸಿನಲ್ಲಿರುವ ಆರ್​ಸಿಬಿಗೆ, ವಿದೇಶಿ ಆಟಗಾರರ ಅಲಭ್ಯತೆ ಎದುರಾಗಿದೆ. ನ್ಯಾಷನಲ್ ಟೀಂ ಡ್ಯೂಟಿ ಹಿನ್ನೆಲೆಯಲ್ಲಿ ಇಂಗ್ಲೆಂಡ್​ ಸ್ಫೋಟಕ ಬ್ಯಾಟರ್​​, ಜಕೊಬ್ ಬೆಥಲ್ ಪ್ಲೇ-ಆಫ್​ನಲ್ಲಿ ಆಡ್ತಿಲ್ಲ.

ಈ ಹಿನ್ನೆಲೆಯಲ್ಲಿ ಅವರ ಬದಲಿಗೆ ಆರ್​ಸಿಬಿ ಮತ್ತೊಬ್ಬ ಆಟಗಾರನ ಕರೆದುಕೊಂಡು ಬಂದಿದೆ. ನ್ಯೂಜಿಲೆಂಡ್​​ನ ಹೊಡಿಬಡಿ ದಾಂಡಿಗ ಟಿಮ್ ಸೈಫೆರ್ಟ್​ (Tim Seifert) ಜೊತೆ ಆರ್​ಸಿಬಿ ಒಪ್ಪಂದ ಮಾಡಿಕೊಂಡಿದೆ. ನಾಳೆ ಸನ್ ರೈಸರ್ಸ್​ ಹೈದರಾಬಾದ್ ವಿರುದ್ಧ ಆರ್​ಸಿಬಿ ಲಕ್ನೋದಲ್ಲಿ ಸೆಣಸಾಟ ನಡೆಸಲಿದೆ.

ಇದನ್ನೂ ಓದಿ: ರಾಯಲ್ ಚಾಲೆಂಜರ್ಸ್​ ಮುಂದೆ 5 ಚಾಲೆಂಜ್​ಗಳು.. RCB ಟಾರ್ಗೆಟ್ ಏನು ಗೊತ್ತಾ?

ಈ ಪಂದ್ಯದ ಬಳಿಕ ಬೆಥೆಲ್, ಆರ್​ಸಿಬಿ ತಂಡವನ್ನು ತೊರೆಯಲಿದ್ದಾರೆ. ಮೇ 24 ರಂದು ನ್ಯೂಜಿಲೆಂಡ್ ಆಟಗಾರ ಟಿಮ್, ಆರ್​ಸಿಬಿ ಕ್ಯಾಂಪ್ ಕೂಡಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ವಿಕೆಟ್ ಕೀಪರ್ ಕಮ್ ಬ್ಯಾಟರ್ ಆಗಿರುವ ಟಿಮ್​​ಗೆ 2 ಕೋಟಿ ನೀಡಿ ಕರೆದುಕೊಂಡು ಬಂದಿದೆ.

ಆರ್​ಸಿಬಿ ಐಪಿಎಲ್​ನ ಲೀಗ್ ಹಂತದಲ್ಲಿ 12 ಮ್ಯಾಚ್​​​ಗಳನ್ನ ಆಡಿ, ಪಾಯಿಂಟ್ಸ್​ ಟೇಬಲ್​​ನಲ್ಲಿ 17 ಅಂಕಗಳಿಸಿದೆ, ಆರ್​ಸಿಬಿಗೆ ಇನ್ನೂ ಎರಡು ಪಂದ್ಯಗಳು ಬಾಕಿ ಇವೆ. ನಾಳೆ ಹೈದರಾಬಾದ್ ವಿರುದ್ಧ ನಡೆದರೆ, ಮೇ 27 ರಂದು ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಪಂದ್ಯ ನಡೆಯಲಿದೆ.

ಇದನ್ನೂ ಓದಿ: ಚೆನ್ನೈ ಸೂಪರ್ ಕಿಂಗ್ಸ್​ ಅಲ್ಲವೇ ಅಲ್ಲ.. RCBಗೆ ಅಸಲಿ ವಿಲನ್ ಯಾರು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ