ಕೌಟುಂಬಿಕ ಸಮಸ್ಯೆ ಬಗೆಹರಿಯುತ್ತೆ, ವಿವಾದಿತ ವಿಷಯಗಳು ಇತ್ಯರ್ಥ; ಇಲ್ಲಿದೆ ಇಂದಿನ ಭವಿಷ್ಯ!

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ದ್ವಾದಶಿ ತಿಥಿ, ಮೃಗಶಿರಾ ನಕ್ಷತ್ರ, ರಾಹುಕಾಲ ಮಂಗಳವಾರ ಮಧ್ಯಾಹ್ನ 3.00 ರಿಂದ 4.30 ರವರೆಗೆ ಇರಲಿದೆ.

ಮೇಷ ರಾಶಿ

• ಮಗುವಿಗೆ ತೊಂದರೆ ಆಗುವುದರಿಂದ ನಿಮಗೆ ಅವಮಾನವಾಗುವ ಸಾಧ್ಯತೆಗಳಿವೆ
• ಕೆಲಸದಲ್ಲಿ ನಿಮ್ಮ ಗುಣಮಟ್ಟ ಸುಧಾರಣೆಯಾಗುತ್ತದೆ
• ಆದರೆ ಯಾವುದು ಕೂಡ ಕಾರ್ಯಗತ ಆಗುವುದಿಲ್ಲ
• ವಾಹನಗಳ ವಿಚಾರದಲ್ಲಿ ಜಾಗ್ರತೆವಹಿಸಿ
• ನಿಮ್ಮ ಮಟ್ಟಕ್ಕನುಗುಣವಾಗಿ ನಿಮ್ಮ ಇಮೇಜ್ ಹೆಚ್ಚಾಗುವ ಸಾಧ್ಯತೆಯಿದೆ
• ಕುಟುಂಬದಲ್ಲಿ ಚಿಕ್ಕ ವಯಸ್ಸಿನ ಮಕ್ಕಳ ಜೊತೆ ಸೌಹಾರ್ದತೆಯಿಂದ ವರ್ತಿಸಿ
• ಆಂಜನೇಯ ಸ್ವಾಮಿಯನ್ನು ಸ್ಮರಿಸಿ

ವೃಷಭ

• ಸಂಶೋಧಕರಿಗೆ ಮತ್ತು ವಿಜ್ಞಾನಿಗಳಿಗೆ ಬಹಳ ವಿಶೇಷವಾದ ಶುಭದಿನ
• ಮನೆಯಲ್ಲಿ ಮಕ್ಕಳಿಗೆ ಆರೋಗ್ಯದ ಸಮಸ್ಯೆ ಕಾಡಬಹುದು ಆದರೆ ಆತಂಕ ಬೇಡ
• ಪ್ರೇಮಿಗಳಿಗೆ ಉತ್ತಮವಾದ ದಿನ, ಆದರೆ ಸುಳ್ಳು ಹೇಳಬಾರದು
• ಯೋಗಾಭ್ಯಾಸ ಮಾಡುವ ಬಗ್ಗೆ ಚಿಂತಿಸಿ ಒಳ್ಳೆಯದಾಗುತ್ತದೆ
• ಹಳೆಯ ಸಂಪರ್ಕಗಳಿಂದಾಗಿ ಸಮಸ್ಯೆಗಳು ಉಲ್ಬಣವಾಗುವ ಸಾಧ್ಯತೆಯಿದೆ
• ಪಾರಿಜಾತ ಸರಸ್ವತಿಯನ್ನು ಆರಾಧಿಸಿ

ಮಿಥುನ

•  ದೃಢವಾದ ನಂಬಿಕೆ ಮಾತ್ರ ಕೆಲಸ ಮಾಡುವುದೆಂದು ಅರಿಯಬೇಕು
• ಧೂಳು ಮತ್ತು ಸೂರ್ಯನ ಬೆಳಕಿನಿಂದ ಸಮಸ್ಯೆ ಉಂಟಾಗುವ ಸಾಧ್ಯತೆಯಿದೆ
• ಬೇರೆಯವರ ಭರವಸೆಯ ಮಾತುಗಳು ನಿಮಗೆ ಉಪಯೋಗಕ್ಕೆ ಬರುವುದಿಲ್ಲ
• ವಿವಾದಿತ ವಿಷಯಗಳಿದ್ದರೆ ಇಂದು ಇತ್ಯರ್ಥವಾಗುವ ಸಾಧ್ಯತೆಯಿದೆ
• ವಿದ್ಯಾಭ್ಯಾಸಕ್ಕೆ ಸಾಲ ದೊರೆಯಬಹುದು, ಸರಿಯಾಗಿ ವ್ಯವಹರಿಸಿ
• ತಪ್ಪು ಮಾಹಿತಿ ದುಷ್ಪರಿಣಾಮ ಉಂಟು ಮಾಡಬಹುದು
• ನಾರಾಯಣನನ್ನು ಪ್ರಾರ್ಥಿಸಿ

ಕಟಕ

•  ವಿದೇಶದಲ್ಲಿ ಅಧ್ಯಯನ ಮಾಡಬೇಕೆನ್ನುವ ವಿದ್ಯಾರ್ಥಿಗಳಿಗೆ ಅನುಕೂಲವಿದೆ
• ನಿಮ್ಮ ಅಸುಯಾ ಪರವಾದ ಬುದ್ಧಿಯನ್ನ ದೂರ ಮಾಡಿಕೊಳ್ಳಬೇಕು
• ಕಾರ್ಯಕ್ಷೇತ್ರದಲ್ಲಿ ಹೊಸ ಸಮಸ್ಯೆ ಉದ್ಭವವಾಗುವ ಸಾಧ್ಯತೆಯಿದೆ
• ನಿಮ್ಮ ಮೇಲಾಧಿಕಾರಿಗಳು ನಿಮಗೆ ಹೆಚ್ಚಿನ ಜವಾಬ್ದಾರಿ ಹೊರಿಸಿ ಪರೀಕ್ಷಿಸಬಹುದು
• ಕೌಟುಂಬಿಕ ಸಮಸ್ಯೆಗಳು ಬಗೆಹರಿಯುವ ಕಾಲ ಕೂಡಿ ಬಂದಿದೆ
• ತಲೆನೋವು ಅಥವಾ ಮೈಗ್ರೇನ್​ಗೆ ಸಂಬಂಧಿಸಿದ ಸಮಸ್ಯೆ ಕಾಡಬಹುದು
• ಇಂದ್ರಾಕ್ಷೀ ದೇವಿಯನ್ನು ಪ್ರಾರ್ಥಿಸಿ

ಸಿಂಹ

• ಬೇರೆಯವರ ಮನಸ್ಸನ್ನು ಅರ್ಥ ಮಾಡಿಕೊಳ್ಳಲು ಪ್ರಯತ್ನಿಸಿ
• ತಂದೆಯವರ ಮಾತು ಮಾರ್ಗದರ್ಶನವಾಗುತ್ತದೆ, ತಾತ್ಸಾರ ಮಾಡಬೇಡಿ
• ಕಾನೂನಾತ್ಮಕ ವಿಷಯಗಳಲ್ಲಿ ಹಲವು ತೊಡಕುಗಳು ಕಾಣಬಹುದು
• ಪ್ರಕೃತಿ ವೀಕ್ಷಣೆ ಅಥವಾ ಪ್ರಾಣಿ ಸಂಕುಲವನ್ನು ವೀಕ್ಷಿಸಲು ಪ್ರವಾಸ ಕೈಗೊಳ್ಳಬಹುದು
• ವೈದ್ಯರ ಸಲಹೆ ಪಡೆಯಿರಿ, ಅಗತ್ಯ ಬಿದ್ದರೆ ಎರಡನೇ ವೈದ್ಯರನ್ನು ಭೇಟಿ ಮಾಡಿ
• ಹೊಸ ಕೆಲಸಗಳನ್ನು ಮಾಡಲು ಆತ್ಮವಿಶ್ವಾಸದ ಕೊರತೆ ಕಾಡಬಹುದು
• ಕುಲದೇವತಾ ಆರಾಧನೆ ಮಾಡಿ

ಕನ್ಯಾ

• ವಿದ್ಯೆ, ಬುದ್ಧಿಗೂ ಮೀರಿ ಮಾನವೀಯತೆ ಮೆರೆಯಬೇಕಾದ ಸಂದರ್ಭ
• ಷೇರುಪೇಟೆಯಲ್ಲಿ ಮಾತ್ರ ಹಣ ಹೂಡಿಕೆ ಮಾಡಬೇಡಿ
• ವಾತಾವರಣ ವ್ಯತ್ಯಾಸದಿಂದ ಆರೋಗ್ಯದಲ್ಲಿ ವ್ಯತ್ಯಯ ಕಾಣಬಹುದು ಜಾಗ್ರತೆಯಿರಲಿ
• ಸಹೋದ್ಯೋಗಿಗಳಿಗೆ ನಿಮ್ಮ ಪರಿಸ್ಥಿತಿ ಅರ್ಥವಾದ್ರೂ ಪ್ರಯೋಜನಕ್ಕೆ ಬರುವುದಿಲ್ಲ
• ಕಠಿಣ ಪರಿಶ್ರಮಕ್ಕೆ ಪೂರ್ಣ ಪ್ರತಿಫಲ ಸಿಗದೆ ಇರಬಹುದು
• ಮಕ್ಕಳಿಗೆ ಶುಭವಾದ ವಾತಾವರಣ, ಶುಭಫಲವಿರುವ ದಿನ
• ಕಾಳಿದೇವಿಯನ್ನು ಆರಾಧನೆ ಮಾಡಿ

ತುಲಾ

•  ವ್ಯವಹಾರಿಕವಾಗಿ ಉತ್ತಮ ಲಾಭ, ಹಣ ಸಿಗಬಹುದು
• ಮನೆಯಲ್ಲಿ ರಾತ್ರಿಯ ಸಮಯ ಸಮಾಧಾನಕರವಾಗಿರುತ್ತದೆ
• ಹಣ್ಣು ಬೆಳೆಗಾರರಿಗೆ ಮತ್ತು ಹಣ್ಣು ವ್ಯಾಪಾರಿಗಳಿಗೆ ಶುಭವಿದೆ
• ಕಾರ್ಯಕ್ಷೇತ್ರದಲ್ಲಿ ಉತ್ತಮ ದಕ್ಷತೆ, ಪ್ರತಿಭೆಯನ್ನು ತೋರಿ ಜಯಶೀಲರಾಗುತ್ತೀರಿ
• ಮೇಲಾಧಿಕಾರಿಗಳ ವರ್ತನೆ ಮನಸ್ಸಿಗೆ ನೋವುಂಟು ಮಾಡಬಹುದು
• ಆಸ್ತಿಯ ಬಗ್ಗೆ ಪ್ರಶ್ನೆ ಮಾಡುವ ಮನಸ್ಥಿತಿ ಹೆಚ್ಚಾಗುವ ಸಾಧ್ಯತೆಯಿದೆ
• ಇಷ್ಟ ದೇವತಾ ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಮನೆಯ ಸದಸ್ಯರೊಂದಿಗೆ ಪ್ರೀತಿ ವಿಶ್ವಾಸ ಹೆಚ್ಚು ಮಾಡಿಕೊಳ್ಳಿ
• ಪರನಿಂದೆ, ಆತ್ಮಪ್ರಶಂಸೆ ಎರಡೂ ಈ ದಿನ ಬೇಡ
• ಕಡಿಮೆ ರಕ್ತದೊತ್ತಡ ಇರುವವರು ಜಾಗ್ರತೆವಹಿಸಿ, ವೈದ್ಯರ ಸಲಹೆ ಪಡೆಯಿರಿ
• ಬೇರೆಯವರ ಆಲೋಚನೆ, ಮನಸ್ಥಿತಿ ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿ
• ನಿರ್ದಿಷ್ಟವಾದ ವಿಚಾರಗಳಿಗೆ ಸ್ನೇಹಿತರು, ಕುಟುಂಬ ಮಧ್ಯೆ ಜಗಳವಾಗಬಹುದು ಗಮನವಿರಲಿ
• ಆರೋಗ್ಯದ ಬಗ್ಗೆ ಹೆಚ್ಚು ಗಮನವಹಿಸಿ
• ಚಂಡಿಕಾ ಪರಮೇಶ್ವರಿಯನ್ನು ಆರಾಧಿಸಿ

ಧನಸ್ಸು

• ವ್ಯಾವಹಾರಿಕವಾಗಿ ಸಾಲ ಮಾಡಬೇಡಿ
• ಮನೆಯ ವಾತಾವರಣ ಚೆನ್ನಾಗಿರುವುದಿಲ್ಲ
• ನೌಕರಿಯಲ್ಲಿ, ವಿದ್ಯಾಭ್ಯಾಸದಲ್ಲಿ ಅತೀವ ಉನ್ನತಿಗೆ ಅವಕಾಶ ಮಾಡಿಕೊಡುತ್ತದೆ
• ನಿಮ್ಮ ಪ್ರಗತಿಯಲ್ಲಿ ನಿಮ್ಮ ಪೂರ್ವ ಸುಕೃತವೇ ಸರಿ
• ಇರುವ ಹಣ, ಅಧಿಕಾರ, ವ್ಯವಸ್ಥೆಗಳಿಂದ ಅಹಂಕಾರ ಹೆಚ್ಚಾಗಬಹುದು
• ನಿಮ್ಮ ನಿರಂತರ ಪ್ರಯತ್ನ, ಹಿರಿಯರ ಆಶೀರ್ವಾದ ಈಗ ಫಲಿಸಿರುವುದು
• ಗುರು ದತ್ತಾತ್ರೇಯರನ್ನು ಆರಾಧಿಸಿ

ಮಕರ

• ಹಿತೈಷಿಗಳು ಮತ್ತು ಸ್ನೇಹಿತರು ನಿಮ್ಮ ನ್ಯೂನತೆಗಳನ್ನು ಗುರುತಿಸಿ ತೋರಿಸುವ ಸಾಧ್ಯತೆಯಿದೆ
• ಇಂದು ಯಾವುದೇ ಕೆಲಸದ ಮೇಲೆ ಮನಸ್ಸನ್ನು ಕೇಂದ್ರೀಕರಿಸಲು ಸಾಧ್ಯವಾಗದೆ ಇರಬಹುದು
• ಗ್ರಹಗತಿಯಿಂದ ನೌಕರಿಯಲ್ಲಿ, ವಿದ್ಯಾಭ್ಯಾಸದ ಕ್ಷೇತ್ರದಲ್ಲಿ ಆಯಾಸವಾಗುತ್ತದೆ
• ನಿಮ್ಮ ಗುರಿಯ ಬಗ್ಗೆ ನಿಮಗೇ ಆಶ್ಚರ್ಯ ಆಗಬಹುದು
• ಹಳೆಯ ಸಾಲವನ್ನು ಮರುಪಾವತಿ ಮಾಡಲು ತೊಂದರೆಯಾಗಬಹುದು
• ತಾಯಿಯ ಆರೋಗ್ಯದ ಬಗ್ಗೆ ಗಮನಹರಿಸಿ
• ಮಹಾ ಗಣಪತಿಯನ್ನು ಆರಾಧಿಸಿ

ಕುಂಭ

• ಮನೆಯವರ ಸಲಹೆ ತುಂಬಾ ಗಣನೀಯವಾಗಿರುತ್ತದೆ
• ನಿಮ್ಮಲಿರುವ ಪದಾರ್ಥಗಳನ್ನು ಮಾರಾಟ ಮಾಡುವುದರಿಂದ ಲಾಭವಿದೆ
• ನಿಮ್ಮ ಪೂರ್ವಿಕರು ಮಾಡಿರುವ ಪುಣ್ಯದಿಂದ ನಿಮ್ಮ ಜೀವನ ಹಸನಾಗಿರುತ್ತದೆ
• ಈ ರಾಶಿಯ ಚಿಕ್ಕ ಮಕ್ಕಳಿಗೆ ಸಮಸ್ಯೆಯಾಗಬಹುದು
• ಮಕ್ಕಳ ಬಗ್ಗೆ ಪೋಷಕರಿಗೆ ಎಚ್ಚರವಿರಲಿ
• ಯಾವುದಾದ್ರೂ ಸಂದರ್ಶನಗಳಿದ್ದರೆ ಶುಭದಿನ
• ಸಮಾಜದಲ್ಲಿ ನಿಮ್ಮನ್ನು ಗೌರವಿಸುವ ಅವಕಾಶಗಳಿದೆ
• ಮಾತಾ ಲಲಿತಾ ಪರಮೇಶ್ವರಿಯನ್ನು ಆರಾಧಿಸಿ

ಮೀನ 

• ಮೇಲಾಧಿಕಾರಿಗಳಿಗೆ ಮನೆಯವರ ಜೊತೆಯಲ್ಲಿ ಅನ್ಯೋನತೆ ಇರಲಿ
• ನಿಮ್ಮ ಆತ್ಮವಿಶ್ವಾಸದಿಂದ ಎಲ್ಲ ಕೆಲಸಗಳಲ್ಲಿ ಜಯಪ್ರದವಾಗಲಿದೆ
• ಖಾಸಗಿ ಕ್ಷೇತ್ರದಲ್ಲಿ ಕೆಲಸ ಮಾಡುವವರಿಗೆ ಬಡ್ತಿ ಸಿಗುವ ಸಾಧ್ಯತೆಯಿದೆ
• ಸಾಮಾಜಿಕ ಕಾರ್ಯಗಳಲ್ಲಿ ಹೆಚ್ಚು ಆಸಕ್ತಿ ತೋರಿಸುತ್ತೀರಿ
• ಹಣದ ಖರ್ಚಿಗೆ ಹಿನ್ನಡೆ ಹೊಂದುತ್ತೀರಿ ಅಥವಾ ಅವಮಾನಕ್ಕೀಡಾಗುತ್ತೀರಿ
• ತರಕಾರಿ ವ್ಯಾಪಾರಿಗಳಿಗೆ ಶುಭವಿದೆ
• ಸಾಯಂಕಾಲ ಕಾಲಿಗೆ ಪೆಟ್ಟು ಬೀಳುವ, ನೋವಾಗುವ ಸಾಧ್ಯತೆಯಿದೆ
• ಚಾಮುಂಡೇಶ್ವರಿಯನ್ನು ಆರಾಧಿಸಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ