ಕನ್ನಡಿಗ ಪ್ರಸಿದ್ಧ್​ಗೆ ಕೊಕ್​, ಆ ಸ್ಥಾನಕ್ಕೆ ಬಲಿಷ್ಠ ಪ್ಲೇಯರ್​..! ಹೇಗಿರುತ್ತೆ ಟೀಂ ಇಂಡಿಯಾ ಪ್ಲೇಯಿಂಗ್​-11

ಲಾರ್ಡ್ಸ್​, ಕ್ರಿಕೆಟ್ ಕಾಶಿ ಎಂದೇ ಪ್ರಖ್ಯಾತಿ. ಅತಿ ದೊಡ್ಡ ಇತಿಹಾಸ ಹೊಂದಿರುವ ಲಾರ್ಡ್ಸ್​ನಲ್ಲಿ ಸ್ಟೋರ್ಟ್​ ಮ್ಯೂಸಿಯಮ್, ಐಕಾನಿಕ್ ಪೆವಿಲಿಯನ್, ಲಾಂಗ್ ರೂಮ್​​ಗೆ ಪ್ರತ್ಯೇಕತೆ ಇದೆ. ಇಂಥಹ ಕ್ರಿಕೆಟ್ ಕಾಶಿ ಲಾರ್ಡ್ಸ್​ನಲ್ಲಿ ಪಂದ್ಯವನ್ನಾಡುವುದು ಆಡುವುದು ಪ್ರತಿ ಕ್ರಿಕೆಟರ್​​ ಕನಸು. ಇದೀಗ ಹೋಮ್ ಆಫ್ ಕ್ರಿಕೆಟ್ ಲಾರ್ಡ್ಸ್​ನಲ್ಲೇ ಟೀಮ್ ಇಂಡಿಯಾ, ಇಂಗ್ಲೆಂಡ್​ ಬ್ಯಾಟಲ್​ಗೆ ಕೌಂಟ್​ಡೌನ್ ಶುರುವಾಗಿದೆ.

ಹೇಗಿರುತ್ತೆ ಪ್ಲೇಯಿಂಗ್-11..?

ಕ್ಯಾಪ್ಟನ್ ಶುಭ್​ಮನ್, ಕಳೆದ 2 ಟೆಸ್ಟ್​ಗಳಿಂದ 3 ಶತಕ ಸಿಡಿಸಿದ್ದಾರೆ. ಲಾರ್ಡ್ಸ್​ನಲ್ಲೂ ಅದೇ ಕ್ಲಾಸ್​ ಬ್ಯಾಟಿಂಗ್ ಮುಂದುವರಿಸ್ತಾರಾ ಎಂಬ ಕುತೂಹಲ ಸಹಜವಾಗಿದೆ. ರಿಷಭ್​ ಪಂತ್, ರವೀಂದ್ರ ಜಡೇಜಾರಿಂದ ಬರ್ಮಿಂಗ್​ಹ್ಯಾಮ್​​ನ ಪರ್ಫಾಮೆನ್ಸ್​ ಮುಂದುವರಿಯಬೇಕಿದೆ. ಈ ಪೈಕಿ ಕನ್ನಡಿಗ ಕೆ.ಎಲ್.ರಾಹುಲ್, ಶುಭ್​ಮನ್ ಗಿಲ್​ ಎಕ್ಸ್​ಟ್ರಾ ಕೇರ್ ತೆಗೆದುಕೊಂಡು ಆಡಬೇಕು ಅನ್ನೋದು ಮರಿಬಾರದು.

ನಿತೀಶ್​ ರೆಡ್ಡಿಗೆ ಕೊಕ್? ಜುರೇಲ್​, ಶಾರ್ದೂಲ್ vs ಅರ್ಷದೀಪ್..?

ಆಲ್​ರೌಂಡರ್ ನಿತೀಶ್ ರೆಡ್ಡಿ ಲಾರ್ಡ್ಸ್​ನಲ್ಲಿ ಆಡ್ತಾರಾ ಅನ್ನೋದೇ ಪ್ರಶ್ನೆ. 2ನೇ ಟೆಸ್ಟ್​​ನಲ್ಲಿ ಬ್ಯಾಟಿಂಗ್​, ಬೌಲಿಂಗ್​ನಲ್ಲಿ ಫೇಲಾಗಿದ್ದಾರೆ. ಹೀಗಾಗಿ ಪೇಸರ್​ಗಳಿಗೆ ನೆರವಾಗುವ ಈ ಪಿಚ್​​ನಲ್ಲಿ ಸ್ಪೆಷಲಿಸ್ಟ್​ ಬ್ಯಾಟರ್​​ಗೆ ಅವಕಾಶ ನೀಡ್ತಾರಾ? ಸ್ಪೆಷಲಿಸ್ಟ್​ ಬೌಲರ್​​ಗೆ ಕಣಕ್ಕಿಳಿಸ್ತಾರಾ ಅನ್ನೋ ಕ್ಯೂರಿಯಾಸಿಟಿ ಇದೆ. ಹೀಗಾಗಿ ಬ್ಯಾಟರ್​​ ಆಗಿ ಧ್ರುವ್ ಜುರೇಲ್​ಗೆ ಅವಕಾಶ ನೀಡ್ತಾರಾ? ಬೌಲಿಂಗ್ ಜೊತೆ ಬ್ಯಾಟಿಗ್​ನಲ್ಲಿ ನೆರವಾಗಬಲ್ಲ ಶಾರ್ದೂಲ್​ಗೆ ಅವಕಾಶ ಒದಿಸ್ತಾರಾ? ಇಲ್ಲ ಲೆಫ್ಟಿ ಪೇಸರ್​ ಅರ್ಷದೀಪ್​ ಡೆಬ್ಯು ಮಾಡಿಸ್ತಾರಾ ಅನ್ನೋದು ಪಂದ್ಯಕ್ಕೂ ಮುನ್ನವೇ ತಿಳಿಯಬೇಕಿದೆ.

ಇದನ್ನೂ ಓದಿ: ಪಂದ್ಯ ಆರಂಭಕ್ಕೂ ಮುನ್ನವೇ ಟೀಂ ಇಂಡಿಯಾಗೆ ಬೆದರಿಕೆ ಹಾಕಿದ ಬೆನ್​​ ಸ್ಟೋಕ್ಸ್..!

ಬೂಮ್ರಾ ​​ಬ್ಯಾಕ್​.. ಪ್ರಸಿದ್ಧ ಕೃಷ್ಣ ಔಟ್?

ಲಾರ್ಡ್ಸ್​ ಟೆಸ್ಟ್​ ಪಂದ್ಯದಲ್ಲಿ ಜಸ್​​ಪ್ರಿತ್ ಬೂಮ್ರಾ ಕಮ್​ಬ್ಯಾಕ್​ ಗ್ಯಾರಂಟಿ. ಹೀಗಾಗಿ ಕನ್ನಡಿಗ ಪ್ರಸಿದ್ಧ್​ ಕೃಷ್ಣ ಪ್ಲೇಯಿಂಗ್​ ಇಲೆವೆನ್​ನಿಂದ ಹೊರಬೀಳಲಿದ್ದಾರೆ. ಎಡ್ಜ್​ಬಾಸ್ಟನ್​ನಲ್ಲಿ ಫೈರಿ ಸ್ಪೆಲ್ ಮಾಡಿದ್ದ ಆಕಾಶ್​ದೀಪ್​, ಮೊಹಮ್ಮದ್​ ಸಿರಾಜ್ ಸಹಜವಾಗೇ ಮುಂದುವರಿಯಲಿದ್ದಾರೆ. ಲಾರ್ಡ್ಸ್​ನಲ್ಲಿ ಸ್ಪಿನ್ ಅಡ್ವಾಂಟೇಜ್ ಇಲ್ಲ. ಈ ಕಾರಣಕ್ಕೆ ಸುಂದರ್ ಬೆಂಚ್ ಕಾಯೋ ಚಾನ್ಸ್ ತಳ್ಳಿ ಹಾಕುವಂತಿಲ್ಲ.

ಲಾರ್ಡ್ಸ್​ನಲ್ಲಿ ಲೀಡ್​ ಪಡೆದುಕೊಳ್ಳುತ್ತಾ ಟೀಮ್ ಇಂಡಿಯಾ?

ಮೊದಲ ಟೆಸ್ಟ್ ಸೋತ ಟೀಮ್ ಇಂಡಿಯಾ, 2ನೇ ಟೆಸ್ಟ್​ನಲ್ಲಿ ಸ್ಟ್ರಾಂಗ್ ಕಮ್​ಬ್ಯಾಕ್ ಮಾಡಿದೆ. ಬ್ಯಾಟಿಂಗ್, ಬೌಲಿಂಗ್​ನಲ್ಲಿ ಸಂಘಟಿತ ಆಟವಾಡಿದೆ. ನಿರೀಕ್ಷೆಗೂ ಮೀರಿದ ಪ್ರದರ್ಶನ ನೀಡಿದ್ದಾರೆ. ಸರಣಿ ಸಮಬಲ ಮಾಡಿಕೊಂಡಿರುವ ಟೀಮ್ ಇಂಡಿಯಾಗೆ ಲಾರ್ಡ್ಸ್​ ಟೆಸ್ಟ್​ ಮೋಸ್ಟ್ ಇಂಪಾರ್ಟೆಂಟ್. ಸರಣಿ ಗೆಲ್ಲುವಿನ ದೃಷ್ಟಿಯಿಂದ ಈ ಮ್ಯಾಚ್ ಗೆಲ್ಲಬೇಕು. ಈ ನಿಟ್ಟಿನಲ್ಲಿ ಲಾರ್ಡ್ಸ್​ನಲ್ಲಿ ಲೀಡ್ ಪಡೆದುಕೊಳ್ಳಬೇಕಿದೆ. ಹೀಗಾಗಿ ಎಚ್ಚರಿಕೆಯ ಜೊತೆಗೆ ಸಂಘಟಿತ ಆಟ ಮತ್ತೊಮ್ಮೆ ಹೊರಬರಬೇಕಿದೆ.
ಒಟ್ನಲ್ಲಿ ಲಾರ್ಡ್ಸ್​ನಲ್ಲಿ ಮತ್ತೊಂದು ದಿಗ್ವಿಜಯದ ನಿರೀಕ್ಷೆಯಲ್ಲಿರೋ ಟೀಮ್​ ಇಂಡಿಯಾ, ಸಖತ್ ಸ್ಟ್ರಾಂಗ್ ಆಗಿಯೇ ಕಾಣ್ತಿದೆ. ಆನ್​ಫೀಲ್ಡ್​ನಲ್ಲಿ ನಿರೀಕ್ಷೆಗೆ ತಕ್ಕ ಆಟವಾಡಿದ್ರೆ, ಐತಿಹಾಸಿಕ ಸ್ಟೇಡಿಯಂನಲ್ಲಿ ಮತ್ತೊಂದು ಗೆಲುವು ದಕ್ಕೋದ್ರಲ್ಲಿ ಅನುಮಾನವಿಲ್ಲ.

ಇದನ್ನೂ ಓದಿ: Land Rover: ಖಡಕ್ ಲುಕ್​ನೊಂದಿಗೆ ಹೊಸ ಲ್ಯಾಂಡ್​ ರೋವರ್.. ಬೆಲೆ ಎಷ್ಟು ಗೊತ್ತಾ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ