ಕನ್ನಡಿಗನ ಮೇಲೆ ಗಿಲ್​​ಗೆ ಭರವಸೆ.. ಅಯ್ಯರ್​ ಜೊತೆ ಮ್ಯಾಜಿಕ್ ಎಂದ RCB ಮಾಜಿ ಸ್ಟಾರ್..!

ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಟೂರ್ನಿಯ ಮತ್ತೊಂದು ಮೆಗಾ ಬ್ಯಾಟಲ್​ಗೆ ವೇದಿಕೆ ಸಜ್ಜಾಗಿದೆ. ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಗುಜರಾತ್​ ಟೈಟನ್ಸ್​ - ಪಂಜಾಬ್​ ಕಿಂಗ್ಸ್​ ತಂಡಗಳು ತೊಡೆ ತಟ್ಟಲು ಸಜ್ಜಾಗಿವೆ. ಈ ಹಿಂದಿನದ್ದೇ ಒಂದು ಲೆಕ್ಕ.. ಈ ಸೀಸನ್​ನಿಂದಲೇ​​ ಒಂದು ಲೆಕ್ಕಾ.. ಅಂತಾ ಅಖಾಡಕ್ಕಿಳಿಯಲು ಉಭಯ ತಂಡಗಳು ರೆಡಿಯಾಗಿವೆ.

17 ವರ್ಷಗಳ ಐಪಿಎಲ್​ನಲ್ಲಿ ಪಂಜಾಬ್​ ಕಿಂಗ್ಸ್​ ತಂಡದಲ್ಲಿ ಎಲ್ಲಾ ಬದಲಾಯ್ತು. ಆಟಗಾರರು, ಕ್ಯಾಪ್ಟನ್, ಕೋಚ್​ ಅಷ್ಟೇ ಏಕೆ ಅದೃಷ್ಟ ಬದಲಾಗುತ್ತೆ ಅಂತಾ ತಂಡದ ಹೆಸರು ಬದಲಾಗಿದ್ದಿದೆ. ಹಣೆಬರಹಕ್ಕೆ ಹೊಣೆ ಯಾರು? ಎಂಬಂತೆ ಕಪ್​ ಗೆಲ್ಲೋಕಾಗಿಲ್ಲ. 2014ರಲ್ಲಿ ರನ್ನರ್​ಅಪ್​ ಆಗಿದ್ದೇ ದೊಡ್ಡ ಸಾಧನೆ. ಕಳೆದ 4 ಸೀಸನ್​ಗಳಿಂದಂತೂ ಟಾಪ್​ 5 ಒಳಗೂ ಪಂಜಾಬ್​ ಎಂಟ್ರಿ ಕೊಟ್ಟಿಲ್ಲ.

ಹೊಸ ಕೋಚ್​, ಹೊಸ ನಾಯಕ, ಪಂಜಾಬ್​​ಗೆ ಪವರ್

ಸೀಸನ್​ 18ರಲ್ಲಿ ಪಂಜಾಬ್​ ತಂಡದಲ್ಲಿ ಪಂಟರ್ಸ್​ ಸಮಾಗಮವಾಗಿದೆ. ಕೋಚ್​ ಆಗಿ ರಿಕಿ ಪಾಂಟಿಂಗ್ ಎಂಟ್ರಿ ಕೊಟ್ಟಿ​ದ್ರೆ, ಕ್ಯಾಪ್ಟನ್​​ ಶ್ರೇಯಸ್​ ಅಯ್ಯರ್​​ ತಂಡದ ಚುಕ್ಕಾಣಿ ಹಿಡಿದಿದ್ದಾರೆ. ಡೆಲ್ಲಿ ಫ್ರಾಂಚೈಸಿಯನ್ನ ಮೊಟ್ಟ ಮೊದಲ ಬಾರಿಗೆ ಫೈನಲ್​ಗೇರಿಸಿದ ಹಿರಿಮೆ ಈ ಜೋಡಿಯದ್ದು. ಶ್ರೇಯಸ್​ ಕಳೆದ ಬಾರಿ ಕೆಕೆಆರ್​ನ ಚಾಂಪಿಯನ್​ ಕೂಡ ಮಾಡಿದ್ದಾರೆ. ಹೀಗಾಗಿ ಈ ಜೋಡಿಯ ಮೇಲೆ ನಿರೀಕ್ಷೆ ಬೆಟ್ಟದಷ್ಟಿದೆ.

ಇದನ್ನೂ ಓದಿ: ತಂಡವನ್ನು ಗೆಲ್ಲಿಸಿಕೊಟ್ಟು ಧೋನಿ ಅಭಿಮಾನಿಗಳಿಂದ ಅವಮಾನಕ್ಕೆ ಒಳಗಾದ ರಚಿನ್ ರವೀಂದ್ರ..!

ಫೈರಿ ಬ್ಯಾಟರ್ಸ್​!

ಈ ಬಾರಿಯ ಮೆಗಾ ಆಕ್ಷನ್​ನಲ್ಲಿ ಪಂಜಾಬ್​ ಕಿಂಗ್ಸ್​ ಬಲಿಷ್ಟ ತಂಡವನ್ನೇ ಕಟ್ಟಿದೆ. ಸ್ಪೋಟಕ ಬ್ಯಾಟಿಂಗ್​ ನಡೆಸಬಲ್ಲ ಬ್ಯಾಟರ್ಸ್​ ದಂಡಿಂದೆ. ಮ್ಯಾಚ್​ ವಿನ್ನಿಂಗ್​ ಆಲ್​​ರೌಂಡರ್ಸ್​ ಇದ್ದಾರೆ. ಸ್ಪಿನ್​ ಹಾಗೂ ಪೇಸ್​ ಎರಡೂ ವಿಭಾಗವೂ ಬಲಿಷ್ಟವಾಗಿದೆ. ಸ್ಟಾರ್​​ಗಳನ್ನೆ ಒಳಗೊಂಡ ಪ್ರಬಲ ಪ್ಲೇಯಿಂಗ್​ ಇಲೆವೆನ್​ ಆಯ್ಕೆಯೂ ಏನು ಕಷ್ಟದ ವಿಚಾರವೇನಲ್ಲ..

ಪಂಜಾಬ್​ ಸಂಭಾವ್ಯ ಪ್ಲೇಯಿಂಗ್​-XI

ಪ್ರಭ್​​ಸಿಮ್ರನ್​, ಜೋಸ್​​​ ಇಂಗ್ಲೀಸ್​​, ಶ್ರೇಯಸ್​​ ಅಯ್ಯರ್​, ಮಾರ್ಕಸ್​ ಸ್ಟೋಯ್ನಿಸ್​, ಗ್ಲೇನ್​ ಮ್ಯಾಕ್ಸ್​​ವೆಲ್​, ಶಶಾಂಕ್​ ಸಿಂಗ್​, ನೆಹಾಲ್​ ವಡೇರಾ, ಮಾರ್ಕೋ ಯಾನ್ಸೆನ್​, ಹರ್ಪ್ರಿತ್​ ಬ್ರಾರ್​​​​, ಆರ್ಷ್​​​ದೀಪ್​ ಸಿಂಗ್​, ಯುಜುವೇಂದ್ರ ಚಹಲ್​

ಪ್ರಭ್​ ಸಿಮ್ರನ್​ ಸಿಂಗ್, ಜೋಶ್​ ಇಂಗ್ಲಿಸ್​​ ಓಪನ್​ ಮಾಡೋ ಸಾಧ್ಯತೆಯಿದೆ. 3ನೇ ಕ್ರಮಾಂಕದಲ್ಲಿ ಶ್ರೇಯಸ್​ ಅಯ್ಯರ್​ ಆಡೋದು ಕನ್​​ಫರ್ಮ್​​. ಬಳಿಕ ಮಾರ್ಕಸ್​​ ಸ್ಟೋಯ್ನಿಸ್​​, ಗ್ಲೇನ್​ ಮ್ಯಾಕ್ಸ್​ವೆಲ್​, ಶಶಾಂಕ್​ ಸಿಂಗ್​, ನೆಹಾಲ್​ ವಡೇರಾ ಕಣಕ್ಕಿಳಿಯಲಿದ್ದಾರೆ. ವೇಗಿಗಳಾಗಿ ಮಾರ್ಕೋ ಯಾನ್ಸೆನ್​, ಆರ್ಷ್​​ದೀಪ್​ ಸಿಂಗ್​ ಆಡಲಿದ್ದು, ಸ್ಪೆಷಲಿಸ್ಟ್​ ಸ್ಪಿನ್ನರ್​ ಆಗಿ ಯುಜುವೇಂದ್ರ ಚಹಲ್​ ಕಣಕ್ಕಿಳಿಯಲಿದ್ದಾರೆ.

ಸ್ಪಷ್ಟ, ಬಲಿಷ್ಟ..

ಪಂಜಾಬ್​ ಕಿಂಗ್ಸ್​​​ದು ಒಂದು ಕಥೆಯಾದ್ರೆ ಗುಜರಾತ್​ ಟೈಟನ್ಸ್​ದ್ದು ಇನ್ನೊಂದು ಕಥೆ. ಮೊದಲ ಸೀಸನ್​ನಲ್ಲೇ ಚಾಂಪಿಯನ್​ ಆದ ಗುಜರಾತ್​, 2ನೇ ಸೀಸನ್​ನಲ್ಲಿ ರನ್ನರ್​ ಅಪ್​ ಆಯ್ತು. ಕಳೆದ ಸೀಸನ್​​ನಲ್ಲಿ ಗಿಲ್​ ನಾಯಕತ್ವದಲ್ಲಿ ಫ್ಲಾಪ್​ ಶೋ ನೀಡಿ, 8ನೇ ಸ್ಥಾನಕ್ಕೆ ಕುಸಿದು ಬಿಡ್ತು. ಈ ಸೀಸನ್​ನಲ್ಲಿ ಟೈಟನ್ಸ್​​ನ ಕಡೆಗಣಿಸುವಂತೆ ಇಲ್ಲ.

ಇದನ್ನೂ ಓದಿ: ರಿಷಬ್ ಪಂತ್​ಗೂ ಗೊಯೆಂಕಾ ಎಚ್ಚರಿಕೆ; KL ರಾಹುಲ್​ ಘಟನೆ ನೆನಪಿಸಿದ ಫ್ಯಾನ್ಸ್..! Video

ಮೆಗಾ ಆಕ್ಷನ್​ನಲ್ಲಿ ಗುಜರಾತ್​​ ಟೈಟನ್ಸ್​ ಕೂಡ ಬಲಿಷ್ಟ ತಂಡವನ್ನೇ ಕಟ್ಟಿದೆ. ಕ್ವಾಲಿಟಿ ಆಟಗಾರರ ಆಗಮನ ಟೈಟನ್ಸ್​ ಬಲವನ್ನ ಹೆಚ್ಚಿಸಿದೆ. ಗಿಲ್​​ ಕೂಡ ಈಗ ಅನಾನುಭವಿ ನಾಯಕನಲ್ಲ. ಅದ್ರಲ್ಲೂ ಪಂಜಾಬ್​ ಎದುರಿನ ಇಂದಿನ ಪಂದ್ಯಕ್ಕಂತೂ ಪ್ರಬಲ ಪಡೆಯನ್ನೇ ಗುಜರಾತ್​ ಫೀಲ್ಡ್​ಗಿಳಿಸಲಿದೆ.

ಗುಜರಾತ್​ ಸಂಭಾವ್ಯ ಪ್ಲೇಯಿಂಗ್​-XI

ಗಿಲ್​, ​ಬಟ್ಲರ್​, ಸಾಯಿ ಸುದರ್ಶನ್​, ಗ್ಲೆನ್​ ಫಿಲಿಪ್ಸ್​, ಶಾರುಖ್​ ಖಾನ್​, ರಾಹುಲ್​ ತೆವಾಟಿಯಾ, ಸುಂದರ್​, ರಶೀದ್​ ಖಾನ್​, ಕಗಿಸೋ ರಬಾಡ, ಪ್ರಸಿದ್ಧ್ ಕೃಷ್ಣ, ಮೊಹಮ್ಮದ್​​ ಸಿರಾಜ್​​.

ಒಟ್ಟಿನಲ್ಲಿ ಅಹ್ಮದಾಬಾದ್​ ಬ್ಯಾಟಲ್​ಫೀಲ್ಡ್​ನಲ್ಲಿ ನಡೆಯೋ ಇಂದಿನ ಯುದ್ಧದಲ್ಲಿ ಸಮಬಲ ಹೊಂದಿರೋ ಎರಡೂ ತಂಡಗಳು ಗೆಲುವಿನ ಫೆವರಿಟ್​​ಗಳಾಗಿ ಕಣಕ್ಕಿಳಿತಿವೆ. ಕನ್ನಡಿಗ ಪ್ರಸಿದ್ಧ ಕೃಷ್ಣ ಮೇಲೆ ಗಿಲ್ ಭರವಸೆ ಇಟ್ಟಿದ್ದಾರೆ.

ಇದನ್ನೂ ಓದಿ: ವಿಘ್ನೇಶ್ ಪುತೂರು ಇಂಪ್ಯಾಕ್ಟ್ ಡೆಬ್ಯು ಹಿಂದಿನ ಅಸಲಿ ಕಾರಣ ರಿವೀಲ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್