RCB vs MI ; ಇವತ್ತಿನ ಪಂದ್ಯಕ್ಕೂ ಮೊದಲು ಈ 5 ವಿಚಾರಗಳು ನಿಮಗೆ ಗೊತ್ತಿರಲಿ..!

ಆರ್​​​ಸಿಬಿ vs ಮುಂಬೈ ವಾಂಖೆಡೆ ವಾರ್​ಗೆ ಕೌಂಟ್​​ಡೌನ್​ ಶುರುವಾಗಿದೆ. ಸತತ ಸೋಲಿನಿಂದ ಕಂಗೆಟ್ಟಿರುವ ಮುಂಬೈ ಇಂಡಿಯನ್ಸ್​ ಗೆಲುವಿನ ಹಳಿಗೆ ಮರಳುವ ಕನಸು ಕಾಣ್ತಿದೆ. ಗುಜರಾತ್ ಎದುರು ಮುಗ್ಗರಿಸಿರೋ ಆರ್​ಸಿಬಿ, ಕಮ್​ಬ್ಯಾಕ್ ನಿರೀಕ್ಷೆಯಲ್ಲಿದೆ.

ಕೊಹ್ಲಿ vs ರೋಹಿತ್​ ಬ್ಯಾಟಲ್​

ಇವತ್ತಿನ ಸೆಂಟರ್ ಆಫ್ ಅಟ್ರಾಕ್ಷನ್ ಕಿಂಗ್ ಕೊಹ್ಲಿ ಹಾಗೂ ಹಿಟ್​ಮ್ಯಾನ್ ರೋಹಿತ್. ಆರ್​ಸಿಬಿ ವರ್ಸಸ್ ಮುಂಬೈ ಬ್ಯಾಟಲ್​ಗಿಂತ ಮುಂಬೈ ಕಾ ರಾಜ ರೋಹಿತ್ ಹಾಗೂ ಕಿಂಗ್ ಕೊಹ್ಲಿಯ ವಾರ್​ ಎಂದೇ ಇಂದಿನ ಪಂದ್ಯ ಬಿಂಬಿತವಾಗ್ತಿದೆ. ಈ ಮೈದಾನದಲ್ಲಿ ಸಾಲಿಡ್ ರೆಕಾರ್ಡ್ಸ್ ಹೊಂದಿರುವ ಇವರಿಬ್ಬರಿಂದ ರನ್ ಭರಾಟೆ ನಿರೀಕ್ಷಿಸಲಾಗಿದೆ. ಇವರಿಬ್ಬರ ರನ್​ವಾರ್​​ನಲ್ಲಿ ಗೆಲ್ಲೋದ್ಯಾರು ಅನ್ನೋ ಕ್ಯೂರಿಯಾಸಿಟಿ ಅಭಿಮಾನಿಗಳಲ್ಲಿ ಮನೆ ಮಾಡಿದೆ.

ಇದನ್ನೂ ಓದಿ: ಹೈದ್ರಾಬಾದ್​ಗೆ ಬಿಸಿ ಮುಟ್ಟಿಸಿದ ಶುಭ್​ಮನ್ ಗಿಲ್, ಸುಂದರ್.. ಕೇವಲ 1 ರನ್​ನಿಂದ ಅರ್ಧಶತಕ ಮಿಸ್

ಆರ್​ಸಿಬಿ ಬಿಗ್ ಸ್ಕೋರ್

ಆರ್​ಸಿಬಿ ಗೆಲುವಿನ ಟ್ರ್ಯಾಕ್​ಗೆ ಮರಳಬೇಕಾದ್ರೆ ಆರ್​ಸಿಬಿ ಬ್ಯಾಟರ್​ಗಳ ರೋಲ್ ಮೋಸ್ಟ್ ಕ್ರೂಶಿಯಲ್. ಕಳೆದ ಪಂದ್ಯದಲ್ಲಿ ಬ್ಯಾಟರ್​​ಗಳ ವೈಫಲ್ಯವೇ ಆರ್​ಸಿಬಿಗೆ ಮುಳ್ಳಾಗಿತ್ತು. ಹೀಗಾಗಿ ಇವತ್ತಿನ ಪಂದ್ಯದಲ್ಲಿ ಫಿಲ್ ಸಾಲ್ಟ್​, ವಿರಾಟ್ ಕೊಹ್ಲಿ ಒಳ್ಳೆ ಸ್ಟಾರ್ಟ್​ ನೀಡಬೇಕಿದೆ. ರಜತ್ ಪಟಿದಾರ್, ದೇವದತ್ ಪಡಿಕ್ಕಲ್, ಲಿಯಾಮ್ ಲಿವಿಂಗ್ ಸ್ಟೋನ್, ಜಿತೇಶ್ ಶರ್ಮಾ ಹಾಗೂ ಟಿಮ್ ಡೇವಿಡ್​ರಿಂದ ಬಿಗ್ ಸ್ಕೋರ್ ಬರಬೇಕಿದೆ.

ಜೋಶ್​, ಭುವಿ ಮೇಲೆ ಕಣ್ಣು

ವಾಂಖೆಡೆಯಲ್ಲಿ ಮ್ಯಾಚ್ ವಿನ್ನರ್ಸ್​ ಆಗೋದೇ ಪೇಸರ್ಸ್​. ಇಲ್ಲಿ ನಡೆದ 119 ಪಂದ್ಯಗಳಲ್ಲಿ 725 ವಿಕೆಟ್ಸ್​ ವೇಗಿಗಳ ಪಾಲಾಗಿದ್ರೆ 310 ವಿಕೆಟ್ಸ್​ ಸ್ಪಿನ್ನರ್ಸ್​ ಬೇಟೆಯಾಗಿದ್ದಾರೆ. ಇವತ್ತು ಆರ್​ಸಿಬಿ ಗೆಲುವಿನ ದಡ ಸೇರಬೇಕಾದ್ರೆ ಆಸಿಸ್ ಸ್ಪೀಡ್​ ಗನ್ ಜೋಶ್ ಹೇಜಲವುಡ್ ಸ್ವಿಂಗ್ ಮಾಸ್ಟರ್ ಭುವನೇಶ್ವರ್, ಹಾಗೂ ಯಶ್ ದಯಾಳ್​ ಅಟ್ಯಾಕಿಂಗ್ ಸ್ಪೆಲ್ಸ್ ಹಾಕಬೇಕಿದೆ ಅಂತಾ ಇತಿಹಾಸವೇ ಹೇಳ್ತಿದೆ.

ಇದನ್ನೂ ಓದಿ: ಹೈದ್ರಾಬಾದ್ ಟೀಮ್​ಗೆ ಸತತ 4ನೇ ಸೋಲು.. ಹ್ಯಾಟ್ರಿಕ್​ ಗೆಲುವು ಸಂಭ್ರಮಿಸಿದ ಗಿಲ್

ಮುಂಬೈಗೆ ತವರಿನ ಬಲ..

4 ಪಂದ್ಯಗಳಲ್ಲಿ ಮೂರರಲ್ಲಿ ಸೋತಿರುವ ಮುಂಬೈ ಒಂದೇ ಒಂದು ಪಂದ್ಯ ಗೆದ್ದಿದೆ. ಇದೇ ವಾಂಖೆಡೆಯಲ್ಲಿ ಕೆಕೆಆರ್​ ಎದುರು ಗೆದ್ದ ಹಾರ್ದಿಕ್ ಪಾಂಡ್ಯ ಪಡೆ, ತವರಿನಲ್ಲಿ ಮತ್ತೊಂದು ಗೆಲುವಿನ ನಿರೀಕ್ಷೆಯಲ್ಲಿದೆ. ರೋಹಿತ್ ಶರ್ಮಾ, ರಿಯಾನ್ ರಿಕಲ್ಟನ್, ವಿಲ್ ಜಾಕ್ಸ್​ ವೈಫಲ್ಯದ ಸುಳಿಯಲ್ಲಿ ಸಿಲುಕಿದ್ದಾರೆ. ಇತ್ತ ಸೂರ್ಯ ಉತ್ತಮ ಪ್ರದರ್ಶನ ನೀಡುತ್ತಿದ್ರೂ, ಗೆಲುವಿನ ದಡ ಸೇರಿಸುವಲ್ಲಿ ವಿಫಲರಾಗ್ತಿದ್ದಾರೆ. ತಿಲಕ್ ವರ್ಮ ಪರದಾಟ ಬ್ಯಾಟಿಂಗ್​ನಲ್ಲಿ ಹಾರ್ದಿಕ್​​ ಪಾಂಡ್ಯ ಇನ್​ ಕನ್ಸಿಸ್ಟೆನ್ಸಿ ಮುಂಬೈಗೆ ಮಾರಕವಾಗಿದೆ.

ಜಸ್​​ಪ್ರೀತ್​ ಬೂಮ್ರಾ ಬಲ

ಮುಂಬೈ ಇಂಡಿಯನ್ಸ್​ ಬೌಲಿಂಗ್ ಸ್ಟ್ರಾಂಗ್ ಇದೆ. ಇದೀಗ ಆ ಬಲ ಮತ್ತಷ್ಟು ಹೆಚ್ಚಿಸಿದೆ. ಮ್ಯಾಚ್​ ವಿನ್ನರ್​ ವೇಗಿ ಜಸ್​​ಪ್ರಿತ್​ ಬೂಮ್ರಾ ತಂಡವನ್ನ ಕೂಡಿಕೊಂಡಿದ್ದಾರೆ. ಟ್ರೆಂಟ್​ ಬೋಲ್ಟ್, ಜಸ್​​ಪ್ರಿತ್​​​ ಬೂಮ್ರಾ ಇಬ್ಬರೂ ಒಂದಾದ್ರೆ ಎದುರಾಳಿಗೆ ಸಂಕಷ್ಟ ಫಿಕ್ಸ್.

ಯಾರಿಗೆ ವಿಜಯದ ಮಾಲೆ..?

ಟೂರ್ನಿಯಲ್ಲಿ ನಿರೀಕ್ಷಿತ ಆರಂಭ ಪಡೆಯದ ಮುಂಬೈ ಇಂಡಿಯನ್ಸ್​, ಇವತ್ತು ಶತಾಯ-ಗತಾಯ ಅಂತಾ ಗೆಲ್ಲೋಕೆ ಪಣ ತೊಟ್ಟಿದೆ. ಬ್ಯಾಕ್ ಟು ಬ್ಯಾಕ್ ಎರಡು ಗೆಲುವಿನ ಬಳಿಕ ಸೋಲುಂಡಿರುವ ಆರ್​ಸಿಬಿ ಮತ್ತೆ ಗೆಲುವಿನ ಹಳಿಗೇರುವ ಲೆಕ್ಕಾಚಾರದಲ್ಲಿದೆ.

ಇದನ್ನೂ ಓದಿ: ಮುಂಬೈ ಇಂಡಿಯನ್ಸ್ ಕ್ಯಾಂಪ್​​ನಲ್ಲಿ ದೈತ್ಯ ಶಕ್ತಿ.. ಆರ್​ಸಿಬಿಗೆ ಶುರುವಾಯ್ತು ಆತಂಕ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್