ಲಕ್ನೋದಲ್ಲಿ ಇವತ್ತು ಆರ್​ಸಿಬಿಗೆ ಒಂದಲ್ಲ, ಎರಡು ಸವಾಲ್..! ಏನದು..?

ಲಕ್ನೋದಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ ಅದೃಷ್ಟ ಪರೀಕ್ಷೆಗೆ ಮುಂದಾಗಲಿದೆ. ಪಾಯಿಂಟ್ ಟೇಬಲ್​ನಲ್ಲಿ ನಂಬರ್.1 ಸ್ಥಾನಕ್ಕಾಗಿ ಪೈಪೋಟಿ ನಡೆಸಲಿರುವ ಆರ್​ಸಿಬಿ, ಇಂದು ಲೀಗ್​ ಸ್ಟೇಜ್​​ನ ಕೊನೆಯ ಪಂದ್ಯದಲ್ಲಿ ಲಕ್ನೋ ಸೂಪರ್​ಜೈಂಟ್ಸ್​ ವಿರುದ್ಧ ಗೆಲ್ಲಲೇಬೇಕು. ಆರ್​ಸಿಬಿ ಕ್ವಾಲಿಫೈಯರ್-1 ಪ್ರವೇಶಿಸಬೇಕಾದ್ರೆ ಜಸ್ಟ್ ಗೆಲುವು ಸಾಕಾಗೊಲ್ಲ.

ಆರ್​ಸಿಬಿಗೆ ಒಂದಲ್ಲ.. ಎರಡು ಸವಾಲ್..!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಇಂದಿನ ಪಂದ್ಯ ಎಷ್ಟು ಮುಖ್ಯ ಗೊತ್ತಾ? ಲಕ್ನೋ ಸೂಪರ್​ಜೈಂಟ್ಸ್ ತಂಡವನ್ನ ಆರ್​ಸಿಬಿ ಸೋಲಿಸಿದ್ರೆ ಸಾಲದು. ಎಲ್​ಎಸ್​​ಜಿ ವಿರುದ್ಧ ಆರ್​ಸಿಬಿ ಒಳ್ಳೆ ರನ್​ರೇಟ್​ನಿಂದ, ಪಂದ್ಯವನ್ನ ಗೆಲ್ಲಲೇಬೇಕು. ಸದ್ಯ ಆರ್​ಸಿಬಿ, 8 ಪಂದ್ಯಗಳನ್ನ ಗೆದ್ದು ಒಟ್ಟು 17 ಪಾಯಿಂಟ್ ಪಡೆದುಕೊಂಡಿದೆ. ಇಂದಿನ ಪಂದ್ಯ ಗೆದ್ರೆ 2 ಪಾಯಿಂಟ್​​ನೊಂದಿಗೆ ಒಟ್ಟು 19 ಪಾಯಿಂಟ್​ಗಳಿಸಿದಂತಾಗಿದೆ. ಉತ್ತಮ ರನ್​ರೇಟ್​​ನಿಂದ ಲಕ್ನೋ ತಂಡವನ್ನ ಸೋಲಿಸಿದ್ರೆ ಆರ್​ಸಿಬಿ ಪಾಯಿಂಟ್​​ ಟೇಬಲ್​​ನಲ್ಲಿ ಟಾಪ್ 1 ಸ್ಥಾನಗಳಿಸೋ ಸಾಧ್ಯತೆ ಹೆಚ್ಚಿದೆ.

ಇದನ್ನೂ ಓದಿ: RCBಗೆ ಗುಡ್​ನ್ಯೂಸ್​; ವಾಪಸ್ ಬಂದ ಬಲಿಷ್ಠ ಪ್ಲೇಯರ್​.. ತಂಡಕ್ಕೆ ಬಂತು ಆನೆಬಲ

ಈಗಾಗಲೇ ಮೊದಲ ಸ್ಥಾನದಲ್ಲಿ ಕೂತಿರುವ ಪಂಜಾಬ್, 19 ಅಂಕದೊಂದಿಗೆ +0.372 ನೆಟ್​ ರನ್ ​ರೇಟ್​ ಗಳಿಸಿಕೊಂಡಿದೆ. ಹಾಗಾಗಿ ಇವತ್ತು ಆರ್​ಸಿಬಿಗೆ ಕೇವಲ ಗೆಲುವು ಒಂದೇ ಸಾಲದ ನೆಟ್​ ರನ್​ರೇಟ್ ಚೆನ್ನಾಗಿ ಇರಬೇಕು. ಆಗ ಮಾತ್ರ ಪಾಯಿಂಟ್ಸ್​ ಟೇಬಲ್​​ನಲ್ಲಿ ಮೊದಲ ಸ್ಥಾನಕ್ಕೆ ಏರುವ ಅವಕಾಶ ಇದೆ. ಹಾಗಾಗಿ ಆರ್​ಸಿಬಿಗೆ ಇಂದು ಕೇವಲ ಗೆಲುವು ಒಂದೇ ಅಲ್ಲ, ರನ್​ ರೇಟ್ ಕೂಡ ಅವಶ್ಯಕವಾಗಿದೆ.

ಇದನ್ನೂ ಓದಿ: ಮುಂಬೈಗೆ ಮಣ್ಣು ಮುಕ್ಕಿಸಿದ ಪಂಜಾಬ್ ಕಿಂಗ್ಸ್​, ಜಯಭೇರಿ.. IPL ಪಾಯಿಂಟ್​ ಟೇಬಲ್​ನಲ್ಲಿ ಬದಲಾವಣೆ!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ