RCB vs PBKS: ಇಂದು ಫೈನಲ್​​ಗೆ ಎಂಟ್ರಿ ನೀಡೋ ತಂಡ ಯಾವುದು..? ಹೇಗಿದೆ ಪಿಚ್​..?

ಐಪಿಎಲ್-2025 ಅಂತಿಮ ಹಂತದಲ್ಲಿದೆ. ಲೀಗ್ ಹಂತದ ಎಲ್ಲಾ 70 ಪಂದ್ಯ ಮುಗಿದಿದ್ದು, ಇಂದು ಫೈನಲ್ ಪ್ರವೇಶಕ್ಕಾಗಿ ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಸೆಣಸಾಟ ನಡೆಸಲಿವೆ.

ಎಲ್ಲಿ ನಡೆಯುತ್ತೆ ಪಂದ್ಯ..?

ಇಂದಿನ ಪಂದ್ಯವು ನ್ಯೂ ಚಂಡೀಗಢದ ಮುಲ್ಲನ್‌ಪುರ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಗೆಲ್ಲುವ ತಂಡ ನೇರವಾಗಿ ಫೈನಲ್ ಪ್ರವೇಶಿಸಲಿದೆ. ಸೋತ ತಂಡವು ಎಲಿಮಿನೇಟರ್‌ನ ವಿಜೇತರ ವಿರುದ್ಧ ಎರಡನೇ ಕ್ವಾಲಿಫೈಯರ್​ನಲ್ಲಿ ಆಡಲಿದೆ.

ಯಾರು ಮುಂದಿದ್ದಾರೆ?

ಬೆಂಗಳೂರು ಮತ್ತು ಪಂಜಾಬ್ ನಡುವೆ ತೀವ್ರ ಪೈಪೋಟಿ ಕಂಡುಬರುತ್ತಿದೆ. ಪಂಜಾಬ್ ಕಿಂಗ್ಸ್ ತಂಡ ಆರ್‌ಸಿಬಿಯನ್ನು 18 ಬಾರಿ ಸೋಲಿಸಿದ್ದರೆ, ಬೆಂಗಳೂರು ತಂಡ ಪಂಜಾಬ್ ಅನ್ನು 17 ಬಾರಿ ಸೋಲಿಸಿದೆ. ಅಂತಹ ಪರಿಸ್ಥಿತಿಯಲ್ಲಿ ಕ್ವಾಲಿಫೈಯರ್ -1 ರಲ್ಲೂ ಕಠಿಣ ಸ್ಪರ್ಧೆ ಇರುತ್ತದೆ.

ಮುಲ್ಲನ್ಪುರ ಪಿಚ್ ವರದಿ

ಈ ಮೈದಾನದಲ್ಲಿ ಬಿಗ್​ ಸ್ಕೋರ್‌ಗಳು ದಾಖಲಾಗಿಲ್ಲ. ಮೊದಲ ಇನ್ನಿಂಗ್ಸ್‌ನ ಸರಾಸರಿ ಸ್ಕೋರ್ 173 ರನ್‌ಗಳು. ಈ ಋತುವಿನಲ್ಲಿ ಮೊದಲು ಬ್ಯಾಟ್ ಮಾಡಿದ ತಂದ ಮೂರು ಬಾರಿ ಗೆದ್ದಿದೆ. ಬೌಲರ್‌ಗಳಿಗೆ ಈ ಪಿಚ್ ಸಹಾಯಕವಾಗಿದೆ. ಟಾಸ್ ಗೆದ್ದ ತಂಡ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರೆ ಒಳ್ಳೆಯದು.

ಪಂದ್ಯದ ಭವಿಷ್ಯ

ಎರಡೂ ತಂಡಗಳ ಮಧ್ಯೆ ಕಠಿಣ ಸ್ಪರ್ಧೆ ನಡೆಯಲಿದೆ. ಆರ್‌ಸಿಬಿ ತವರಿನಾಚೆ ಸತತವಾಗಿ 7 ಪಂದ್ಯಗಳನ್ನು ಗೆದ್ದುಕೊಂಡಿದೆ. ಬೆಂಗಳೂರು ತಂಡ ಮುಲ್ಲನ್ಪುರದಲ್ಲಿ ಗೆಲುವು ದಾಖಲಿಸುವ ನಿರೀಕ್ಷೆ ಇದೆ.

RCB ಸಂಭಾವ್ಯ ಪ್ಲೇಯಿಂಗ್ XI - ಫಿಲ್ ಸಾಲ್ಟ್, ವಿರಾಟ್ ಕೊಹ್ಲಿ , ಟಿಮ್ ಸೀಫರ್ಟ್, ರಜತ್ ಪಾಟಿದಾರ್ (ನಾಯಕ), ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಮಯಾಂಕ್ ಅಗರ್ವಾಲ್, ಟಿಮ್ ಡೇವಿಡ್, ಕೃನಾಲ್ ಪಾಂಡ್ಯ, ಜೋಶ್ ಹೇಜಲ್​ವುಡ್, ಭುವನೇಶ್ವರ್ ಕುಮಾರ್ ಮತ್ತು ಯಶ್ ದಯಾಲ್.

ಇದನ್ನೂ ಓದಿ: RCB vs PBKS; ಮಳೆ ಬಂದು ಪಂದ್ಯ ವಾಶ್​ಔಟ್​ ಆದರೆ ನೇರ ಫೈನಲ್​ಗೆ ಹೋಗೋದು ಯಾರು..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ