ಕೆ. ಆರ್​ ಮಾರ್ಕೆಟ್​ನಲ್ಲಿ ಹೂವಿನ ವ್ಯಾಪಾರ ಬಂದ್​.. ಬೇರೆಡೆ ಶಿಫ್ಟ್​​

ಹಬ್ಬಕ್ಕೆ ಅಂತಲೋ ಪೂಜೆಗೆ ಅಂತಲೋ ಅಥವಾ ಗೃಹಪ್ರವೇಶ, ಮದುವೆ ಏನೇ ಫಂಕ್ಷನ್​ ಇದ್ರೂ ಮೊದಲು ನೆನಪಾಗೋದೇ KR ಮಾರ್ಕೆಟ್ ಅದ್ರಲ್ಲೂ ಹೂ ಬೇಕು ಅಂದ್ರೆ ಚೀಪ್​ ಆಗಿ ಸಿಗುತ್ತೆ ಅಂತ ಅಲ್ಲಿಗೆ ಹೋಗ್ತೀವಿ. ಆದ್ರೆ, ಇನ್ಮುಂದೆ ನೀವು ಹೂ ತರೋದಕ್ಕೆ KR ಮಾರ್ಕೆಟ್​ಗೆ ಹೋಗಂಗಿಲ್ಲ. ಯಾಕಂದ್ರೆ ಹೂವಿನ ಮಾರ್ಕೆಟ್ ಅತಿ ಶೀಘ್ರದಲ್ಲಿ ಬೇರೆಡೆ ಶಿಫ್ಟ್​ ಆಗ್ತಾಯಿದೆ. 
ಹಬ್ಬ ಬಂದ್ರೆ ಸಾಕು ಹೇಗಿರುತ್ತೆ ಕೆ ಆರ್​ ಮಾರ್ಕೆಟ್​ನ ಹೂವಿನ ಬ್ಯುಸ್​ನೆಸ್​. ಯಾವ ತರದ್ದೇ ಹೂ ಬೇಕು ಅಂದ್ರು ಎಷ್ಟೇ ಹೂ ಬೇಕು ಅಂದ್ರು. ಒಂದೇ ಕಡೆ ವೆರೈಟಿ ವೆರೈಟಿ ಹೂವು ನಿಮಗೆ ಸಿಗುತ್ತೆ. ಬರೀ ಹಬ್ಬ ಅಂತ ಅಲ್ವೇ ಅಲ್ಲಾ ಪ್ರತಿದಿನ ಈ ಹೂವಿನ ಮಾರುಕಟ್ಟೆಯಲ್ಲಿ ರಶು. ಜನ ಜಂಗುಳು ಇದ್ದೇ ಇರುತ್ತೆ. ಅಷ್ಟು ಫೇಮಸ್​ KR ಮಾರ್ಕೆಟ್.. ಆದ್ರೆ, ಇಲ್ಲಿ ಇನ್ಮುಂದೆ ಹೂವು ಸಿಗೋದು ಡೌಟ್​. 
ಹೌದು, ಸಿಲಿಕಾನ್ ಸಿಟಿಯ ಬಹು ಬೇಡಿಕೆಯ ಕೆ ಆರ್​ ಮಾರ್ಕೆಟ್​ನಿಂದ ಹೂವಿನ ಮಾರ್ಕೆಟ್ ಶಿಫ್ಟ್ ಮಾಡೋದಕ್ಕೆ ಬಿಬಿಎಂಪಿ ಸಿದ್ಧತೆ ಮಾಡ್ಕೊಂಡಿದೆ. ಅಷ್ಟೇ ಅಲ್ಲ, ಈಗಾಗಲೇ ಹೊಸ ಹೂವಿನ ಮಾರುಕಟ್ಟೆಗೆ ಸ್ಥಳ ಕೂಡ ನಿಗದಿಯಾಗಿದೆ. ನಗರದ ಹೆಬ್ಬಾಳ ಬಳಿ ಇರೋ ಜಿಕೆವಿಕೆ ಆವರಣಕ್ಕೆ ಹೂವಿನ ಮಾರ್ಕೆಟ್ ಶೀಘ್ರದಲ್ಲೇ ಸ್ಥಳಾಂತರವಾಗಲಿದೆ. ಈ ಬಗ್ಗೆ ಗ್ರೇಟರ್ ಬೆಂಗಳೂರು ಅಥಾರಿಟಿಯ  ಮುಖ್ಯ ಆಯುಕ್ತ ಮಹೇಶ್ವರ ರಾವ್ ಅಧಿಕೃತ ಮಾಹಿತಿ ನೀಡಿದ್ದಾರೆ. 
ಬೆಳಿಗ್ಗೆ 3 ಗಂಟೆಯಿಂದ ಕೆ ಆರ್ ಮಾರುಕಟ್ಟೆಯ ಸುತ್ತಲಿನ ರಸ್ತೆಗಳಲ್ಲಿ ಹೂ ಮಾರಾಟ ಆರಂಭವಾಗುತ್ತೆ. ಕೆಳ ಅಂತಸ್ತಿನಲ್ಲಿ ಇರುವ ಹೂವಿನ ಮಾರುಕಟ್ಟೆಯಿಂದ ಮಾರುಕಟ್ಟೆಯ ಸುತ್ತಮುತ್ತ ಟ್ರಾಫಿಕ್ ಸಮಸ್ಯೆ ಉಂಟಾಗುತ್ತೆ. ಟ್ರಾಫಿಕ್ ಸಮಸ್ಯೆಯಿಂದ ಸಾರ್ವಜನಿಕರ ಕೆಲಸ ಕಾರ್ಯಗಳಿಗೆ ತೊಂದರೆಯಾಗುತ್ತೆ. ಇತ್ತ ಬೆಳಿಗ್ಗೆ 3  ಗಂಟೆಯಿಂದ ಮಾರುಕಟ್ಟೆ ರಸ್ತೆ ಸೇರಿದಂತೆ ಎಸ್​ಜೆಪಿ ರಸ್ತೆಯಲ್ಲಿ ಕೂಡ ಹೂ ಮಾರಾಟವಾಗುತ್ತೆ. ಇನ್ನೂ ರೈತರು ತರುವ ಹೂಗಳಿಗೆ ಕೆ. ಆರ್​ ಮಾರುಕಟ್ಟೆಯಲ್ಲಿ ಸರಿಯಾದ ಸಂಸ್ಕರಣಾ ಘಟಕದ ಕೊರತೆಯಿದೆ. ಸಂಸ್ಕರಣಾ ಘಟಕ ಇಲ್ಲದೆ ರೈತರು ಬೆಳೆದ ಹೂ ಗಳು ಹಾಳಾಗಿ ನಷ್ಟ ಆಗುತ್ತಿದೆ. ಈ ಸಮಸ್ಯೆಗಳ ಪರಿಹಾರಕ್ಕೆ ಕೆ ಆರ್ ಮಾರುಕಟ್ಟೆಯ ಹೂವಿನ ಮಾರುಕಟ್ಟೆ ಸ್ಥಳಾಂತರಕ್ಕೆ ಸರ್ಕಾರ ಮುಂದಾಗಿದೆ. ನಗರದ ಹೆಬ್ಬಾಳ ಬಳಿ ಇರೋ ಜಿಕೆವಿಕೆ ಆವರಣಕ್ಕೆ ಹೂವಿನ ಮಾರುಕಟ್ಟೆ ಶಿಪ್ಟ್ ಮಾಡಲು ನಿರ್ಧರಿಸಿದೆ.

ಸುಮಾರು 5 ಎಕರೆ ವಿಸ್ತೀರ್ಣದಲ್ಲಿ ಸುಸಜ್ಜಿತ ಮಾರುಕಟ್ಟೆ ನಿರ್ಮಾಣವಾಗಲಿದೆ. ಸುಮಾರು 400ರಿಂದ 500 ಮಳಿಗೆ ನಿರ್ಮಾಣ ಮಾಡಿ ಹೂವಿನ ವ್ಯಾಪಾರಕ್ಕೆ ಅವಕಾಶ ಮಾಡಿಕೊಡಲಾಗುತ್ತದೆ. 
ಒಟ್ನಲ್ಲಿ ಕಲರ್​ ಕಲರ್​ ಫ್ಲವರ್​ ಬೇಕು ಅಂದ್ರೆ ಕೆ. ಆರ್​ ಮಾರ್ಕೆಟ್​ಗೆ​ ಬನ್ನಿ ಅಂತಿದ್ದ ದಶಕಗಳ ಮಾತು ಶೀಫ್ರದಲ್ಲೇ ಬದಲಾಗಲಿದೆ ಅನ್ನೋದು ಸತ್ಯ. ಸರ್ಕಾರದ ಈ ನಿರ್ಧಾರಕ್ಕೆ ಮುಂದಿನ ದಿನಗಳಲ್ಲಿ ಯಾವ ರೀತಿಯ ರೆಸ್ಪಾನ್ಸ್​​ ಸಿಗುತ್ತೆ ಕಾದುನೋಡಬೇಕಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.