ಹೇಮಾಮಾಲಿನಿ ಮಾಜಿ ಅಳಿಯನಿಂದ ಮತ್ತೊಂದು ಮದುವೆಗೆ ಸಿದ್ದತೆ, ನನ್ನ ಕುಟುಂಬಕ್ಕೆ ಸ್ವಾಗತ ಎಂದು ಭರತ್‌ ಹೇಳಿದ್ದು ಯಾರಿಗೆ? !

ತನ್ನ ಮಾಜಿ ಪತಿ ಭರತ್ ತಖ್ತಾನಿಯವರ ಇತ್ತೀಚಿನ ಸಾಮಾಜಿಕ ಮಾಧ್ಯಮ ಪೋಸ್ಟ್ ಜನರನ್ನು ಮಾತನಾಡುವಂತೆ ಮಾಡಿದ ಅಂದಿನಿಂದ ಇಶಾ ಡಿಯೋಲ್ ಸುದ್ದಿಯಲ್ಲಿದ್ದಾರೆ. 2024 ರಲ್ಲಿ ಇಶಾಗೆ  ಭರತ್,  ಡಿವೋರ್ಸ್ ನೀಡಿದ್ದರು.  ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರೀಸ್‌ನಲ್ಲಿ ಮೇಘಾ ಲಖಾನಿ ಜೊತೆಗಿನ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಫೋಟೋ ಜೊತೆಗೆ, ಅವರು ಹೃದಯದ ಎಮೋಜಿಯನ್ನು ಪೋಸ್ಟ್ ಮಾಡಿದ್ದು, "ನನ್ನ ಕುಟುಂಬಕ್ಕೆ ಸ್ವಾಗತ" ಎಂದು ಬರೆದಿದ್ದಾರೆ.  ಮೇಘಾ ಲಖಾನಿಗೆ ತಮ್ಮ ಕುಟುಂಬಕ್ಕೆ ಸ್ವಾಗತ ಕೋರಿದ್ದಾರೆ. 
ಈ ಪೋಸ್ಟ್ ತಕ್ಷಣವೇ ಭರತ್ ತಖ್ತಾನಿ, ಮೇಘಾ ಲಖಾನಿ ಜೊತೆ ಲವ್ ನಲ್ಲಿ ಬಿದ್ದಿದ್ದಾರೆ, ಅವರನ್ನು ಮದುವೆಯಾಗುತ್ತಾರೆ ಎಂಬ ಸುದ್ದಿಯ ಚರ್ಚೆಗೆ ಕಾರಣವಾಗಿದೆ. 

ಬಾಲಿವುಡ್ ನಟಿ ಹಾಗೂ ಮಥುರಾ ಕ್ಷೇತ್ರದ ಹಾಲಿ ಸಂಸದೆ ಹೇಮಾಮಾಲಿನಿ ಅವರ ಮಾಜಿ ಅಳಿಯ ಭರತ್ ತಖ್ತಾನಿ ಈಗ ಮೇಘಾ ಲಖಾನಿ ಜೊತೆ ಲವ್ ನಲ್ಲಿರೋದು ದೃಢಪಟ್ಟಿದೆ. ಕಳೆದ ವರ್ಷವೇ ಭರತ್ ತಖ್ತಾನಿ, ಹೇಮಾಮಾಲಿನಿ ಪುತ್ರಿ ಇಶಾ ಡಿಯೋಲ್ ಗೆ ಡಿವೋರ್ಸ್ ನೀಡಿದ್ದಾರೆ. 

ಮೇಘಾ ಲಖಾನಿ ಯಾರು?
ಇನ್ನೂ ಭರತ್ ಮದುವೆಯಾಗುತ್ತಿರುವ ಮೇಘಾ ಲಖಾನಿ ಯಾರು ಎಂಬ ಚರ್ಚೆಯೂ ನಡೆಯುತ್ತಿದೆ. ಮೇಘಾ ಸ್ಪೇನ್ ನಲ್ಲಿ ಹುಟ್ಟಿದವರು. ಈಕೆ ಇದುವರೆಗೂ ಮೂರು ಸ್ಟಾರ್ಟಅಪ್ ಗಳನ್ನು ಆರಂಭಿಸಿದ್ದಾರೆ. ಮೇಘಾ ಉದ್ಯಮಿ ಕೂಡ ಹೌದು. ಯೂನಿರ್ವಸಿಟಿ ಆರ್ಟ್ಸ್ ಲಂಡನ್ ನಲ್ಲಿ ಆರ್ಟ್ಸ್ ಮತ್ತು ಪ್ರಮೋಷನ್ ವಿಷಯದಲ್ಲಿ ಪದವಿ ಪಡೆದಿದ್ದಾರೆ. ಐಇ ಬ್ಯುಸಿನೆಸ್ ಸ್ಕೂಲ್ ನಲ್ಲಿ ಎಂಬಿಎ ಪದವಿ ಕೂಡ ಪಡೆದಿದ್ದಾರೆ.
ಬಳಿಕ ಸ್ಪೇನ್ ನಲ್ಲೇ ಜೆಟ್ ಏರ್ ವೇಸ್ ನಲ್ಲಿ ಸೇಲ್ಸ್ ಮ್ಯಾನೇಜರ್ ಮತ್ತು ಮ್ಯಾನೇಜರ್ ಆಗಿಯೂ ಕೆಲಸ ಮಾಡಿದ್ದಾರೆ. ಬಳಿಕ ಎಮಿರೇಟ್ಸ್ ಕಂಪನಿಯಲ್ಲಿ ಬ್ಯುಸಿನೆಸ್ ಅನಾಲಿಸ್ಟ್ ಹಾಗೂ ಡೆವಲಪರ್ ಆಗಿ ಕೆಲಸ ಮಾಡಿದ್ದಾರೆ. 

ಮಹಿಳಾ ಉದ್ಯಮಿ ಮೇಘಾ ಲಖಾನಿ

ಭರತ್ ಅವರ ವೈಯಕ್ತಿಕ ಜೀವನವು ಗಮನ ಸೆಳೆಯುತ್ತಿರುವಾಗ, ಅಭಿಷೇಕ್ ಬಚ್ಚನ್ ಅವರ ಬಗ್ಗೆ ಹಳೆಯ ಇಶಾ ಡಿಯೋಲ್ ಸಂದರ್ಶನವು ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದೆ.
ವರ್ಷಗಳ ಹಿಂದೆ, ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಾಗ, ಇಶಾ ಅವರ ತಾಯಿ ಹೇಮಾ ಮಾಲಿನಿ, ಅಭಿಷೇಕ್ ಅವರನ್ನು ತಮ್ಮ ಅಳಿಯನನ್ನಾಗಿ ಮಾಡಿಕೊಳ್ಳಲು ಬಯಸಿದ್ದಾಗಿ ಒಪ್ಪಿಕೊಂಡಿದ್ದರು. ಶೋಲೆಯಂತಹ ಚಿತ್ರಗಳಲ್ಲಿ ಹಲವು ವರ್ಷಗಳಿಂದ ಅಮಿತಾಬ್ ಮತ್ತು ಜಯಾ ಬಚ್ಚನ್ ಅವರೊಂದಿಗೆ ನಿಕಟವಾಗಿ ಕೆಲಸ ಮಾಡಿರುವ ಹೇಮಾ, ಅಭಿಷೇಕ್ ಇಶಾಗೆ ಸರಿಯಾದ ಜೋಡಿ ಎಂದು ಭಾವಿಸಿದ್ದರು.  ಹೇಮಾಮಾಲಿನಿ ದೃಷ್ಟಿಯಲ್ಲಿ, ಅಭಿಷೇಕ್ ಬಚ್ಚನ್   "ಪರಿಪೂರ್ಣ" ಆಯ್ಕೆಯಾಗಿದ್ದರು.
ಆಗ, ಇಶಾ ಡಿಯೋಲ್ ಇಂಡಿಯಾ ಫೋರಂ ಜೊತೆಗಿನ ಚಾಟ್‌ನಲ್ಲಿ ಈ ಬಗ್ಗೆ ಮಾತನಾಡಿದರು. ತಾಯಿಯ ಈ ಹೇಳಿಕೆಯ ಬಗ್ಗೆ ಕೇಳಿದಾಗ, ನಟಿ ವಿವರಿಸಿದ್ದು, "ನನ್ನ ತಾಯಿ ನಿಜವಾಗಿಯೂ ಸ್ವೀಟ್ ಪರ್ಸನ್. ಆ ಸಮಯದಲ್ಲಿ ಅಭಿಷೇಕ್ ಅತ್ಯಂತ ಅರ್ಹ ಬ್ರಹ್ಮಚಾರಿಯಾಗಿದ್ದರಿಂದ ಅವರು ಹೇಮಾಮಾಲಿನಿ  ಅಭಿಷೇಕ್ ಹೆಸರು ಹೇಳಿದ್ದಾರೆ.   ನಾನು ಒಳ್ಳೆಯ ವ್ಯಕ್ತಿಯೊಂದಿಗೆ ಜೀವನದಲ್ಲಿ ಸೆಟಲ್ ಆಗಬೇಕೆಂದು ತಾಯಿ ಹೇಮಾಮಾಲಿನಿ  ಬಯಸಿದ್ದರು.  ಅವರ ದೃಷ್ಟಿಯಲ್ಲಿ ಅಭಿಷೇಕ್ ಬಚ್ಚನ್ ಅತ್ಯುತ್ತಮ ವ್ಯಕ್ತಿ . ಆದರೆ ನಾನು ಅಭಿಷೇಕ್ ಬಚ್ಚನ್ ಅವರನ್ನು ಮದುವೆಯಾಗಲು ಬಯಸುವುದಿಲ್ಲ."
ಅಭಿಷೇಕ್ ಬಚ್ಚನ್ ಅವರನ್ನು ಆ ದೃಷ್ಟಿಕೋನದಲ್ಲಿ ಏಕೆ ನೋಡಲಿಲ್ಲ ಎಂಬುದನ್ನು ನಟಿ ಹಂಚಿಕೊಂಡರು. "ಏಕೆಂದರೆ ನಾನು ಅವರನ್ನು ನನ್ನ ಅಣ್ಣನಂತೆ ಪರಿಗಣಿಸುತ್ತೇನೆ. ಆದ್ದರಿಂದ, ಕ್ಷಮಿಸಿ ಅಮ್ಮ,"  ಎಂದು ಇಶಾ ಡಿಯೋಲ್ ಹೇಳಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.