ಸ್ಟಾರ್ ಬಕ್ಸ್ ಗೆ ಭಾರತ ಮೂಲದ ಆನಂದ್ ವರದರಾಜನ್ ಉಪಾಧ್ಯಕ್ಷ, ಸಿಟಿಓ ಆಗಿ ನೇಮಕ

ಸ್ಟಾರ್‌ಬಕ್ಸ್ ತನ್ನ ಹೊಸ ಕಾರ್ಯನಿರ್ವಾಹಕ ಉಪಾಧ್ಯಕ್ಷ ಮತ್ತು ಮುಖ್ಯ ತಂತ್ರಜ್ಞಾನ ಅಧಿಕಾರಿ (CTO) ಆಗಿ ಭಾರತೀಯ ಮೂಲದ ತಂತ್ರಜ್ಞಾನ ಕಾರ್ಯನಿರ್ವಾಹಕ ಆನಂದ್ ವರದರಾಜನ್ ಅವರನ್ನು ನೇಮಿಸಿದ್ದು, ಸುಮಾರು ಎರಡು ದಶಕಗಳ ಅಮೆಜಾನ್ ಕಂಪನಿಯ ಅನುಭವಿ ಆನಂದ್‌  ಅವರನ್ನು ತನ್ನ ಜಾಗತಿಕ ತಂತ್ರಜ್ಞಾನ ಕಾರ್ಯಾಚರಣೆಗಳನ್ನು ಮುನ್ನಡೆಸಲು ನೇಮಿಸಿಕೊಂಡಿದೆ.

ವರದರಾಜನ್ ಜನವರಿ 19 ರಂದು ಅಧಿಕಾರ ವಹಿಸಿಕೊಳ್ಳಲಿದ್ದಾರೆ, ಕಂಪನಿಯ ಕಾರ್ಯನಿರ್ವಾಹಕ ನಾಯಕತ್ವ ತಂಡವನ್ನು ಸೇರುತ್ತಾರೆ .  ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಬ್ರಿಯಾನ್ ನಿಕೋಲ್ ಅವರಿಗೆ ನೇರವಾಗಿ ವರದಿ ಮಾಡುತ್ತಾರೆ ಎಂದು ಸ್ಟಾರ್‌ಬಕ್ಸ್ ತಿಳಿಸಿದೆ. ಸೆಪ್ಟೆಂಬರ್‌ನಲ್ಲಿ ನಿವೃತ್ತರಾದ ಡೆಬ್ ಹಾಲ್ ಲೆಫೆವ್ರೆ ಅವರ ನಂತರ ಅವರು ನೇಮಕಗೊಂಡಿದ್ದಾರೆ.

ಅಮೆಜಾನ್‌ನಲ್ಲಿ, ವರದರಾಜನ್ ದೊಡ್ಡ ಪ್ರಮಾಣದ, ಗ್ರಾಹಕ-ಕೇಂದ್ರಿತ ತಂತ್ರಜ್ಞಾನ ವೇದಿಕೆಗಳನ್ನು ನಿರ್ಮಿಸಲು ಸುಮಾರು 19 ವರ್ಷಗಳನ್ನು ಕೆಲಸ ಮಾಡಿದ್ದಾರೆ.  ಇತ್ತೀಚೆಗೆ ಅದರ ವಿಶ್ವವ್ಯಾಪಿ ದಿನಸಿ ಅಂಗಡಿಗಳ ವ್ಯವಹಾರಕ್ಕಾಗಿ ತಂತ್ರಜ್ಞಾನ ಮತ್ತು ಪೂರೈಕೆ ಸರಪಳಿಯನ್ನು ಮೇಲ್ವಿಚಾರಣೆ ಮಾಡಿದರು. ಇದಕ್ಕೂ ಮೊದಲು, ಅವರು ಒರಾಕಲ್‌ನಲ್ಲಿ ಸಾಫ್ಟ್‌ವೇರ್ ಎಂಜಿನಿಯರ್ ಆಗಿ ಮತ್ತು ಹಲವಾರು ಸ್ಟಾರ್ಟ್‌ಅಪ್‌ಗಳೊಂದಿಗೆ ಕೆಲಸ ಮಾಡಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ