ಒಬ್ಬನ ಮೇಲೆ ಇಬ್ಬರ ಲವ್; ನೆರೆಮನೆಯ ಯುವಕನೊಂದಿಗೆ ಓಡಿಹೋದ ಒಂದೇ ಮನೆಯ ಸೊಸೆಯಂದಿರು!

ಪಶ್ಚಿಮ ಬಂಗಾಳದ ಉತ್ತರ 24 ಪರಗಣದ ಬಾಗ್ಡಾ ಪೊಲೀಸ್ ಠಾಣೆ ವ್ಯಾಪ್ತಿಯ ಮಾಲಿಡಾ ಗ್ರಾಮದಲ್ಲಿ ಸೋಮವಾರ ಅಂದರೆ ಸೆಪ್ಟೆಂಬರ್‌ 01 ರಂದು ಈ ವಿಚಿತ್ರ ಘಟನೆ ನಡೆದಿದೆ.  ವಾರಗಿತ್ತಿಯರು ಇಬ್ಬರು  ಪಕ್ಕದ ಮನೆಯ ಯುವಕನೊಂದಿಗೆ ಓಡಿ ಹೋಗಿದ್ದಾರೆ. ಈ ಇಬ್ಬರೂ ಮಹಿಳೆಯರು ಒಂದೇ ಯುವಕ ಪ್ರೀತಿಯಲ್ಲಿ ಬಿದ್ದಿದ್ದು, ಸೋಮವಾರ ಮನೆಯಲ್ಲಿದ್ದ ಅತ್ತೆ, ಮಾವ, ಮೂವರು ಮಕ್ಕಳಿಗೆ ಚಹಾದಲ್ಲಿ ನಿದ್ರೆ ಮಾತ್ರೆ ಹಾಕಿಕೊಟ್ಟು, ಮನೆ ಬಿಟ್ಟು ಪರಾರಿಯಾಗಿದ್ದಾರೆ. ಈ ವಾರಗಿತ್ತಿಯರಿಬ್ಬರು ತಮ್ಮ ಪ್ರಿಯಕರನೊಂದಿಗೆ ಓಡಿ ಹೋಗಿದ್ದಾರೆ . 

ಸೊಸೆಯಂದಿರು ತಂದ ದೌರ್ಭಾಗ್ಯ !
ಒಂದೇ ಮನೆ ಇಬ್ಬರು ಸೊಸೆಯಂದಿರು ಒಂದೇ ದಿನ ನಾಪತ್ತೆಯಾಗಿದ್ದಾರೆ. ಯಾಸಿನ್ ಶೇಖ್ & ಅನಿಸೂರ್ ಶೇಖ್‌ರ ಪತ್ನಿಯರು ನಾಪತ್ತೆಯಾಗಿದ್ದಾರೆ. ಅನಿಸೂರ್ ಗ್ಯಾರೇಜ್ ಕೆಲಸ ಮಾಡುತ್ತಿದ್ದರೇ, ಯಾಸಿನ್ ಶೇಖ್ ವಿದೇಶದಲ್ಲಿದ್ದ.  ಯಾಸಿನ್ ಶೇಖ್ ಪತ್ನಿ ಕುಲ್ಚನ್‌ ಮಲ್ಲಿಕ್‌ & ನಜ್ಮಾ ಮಂಡಲ್‌ ಎಂಬ ಇಬ್ಬರು ನಾಪತ್ತೆಯಾಗಿದ್ದಾರೆ.  ಪಕ್ಕದ ಮನೆಯ  ಆರಿಫ್‌ ಮೊಲ್ಲಾ ಎಂಬಾತನ ಜೊತೆ  ಈ ಇಬ್ಬರು  ಪ್ರೀತಿಯಲ್ಲಿ ಬಿದ್ದಿದ್ದರಂತೆ. ಈ ಬಗ್ಗೆ ಬಾಗ್ಡಾ ಪೊಲೀಸ್ ಠಾಣೆಗೆ ಮಹಿಳೆಯ ಪತಿ  ದೂರು ನೀಡಿದ್ದಾರೆ. 

ಕುಲ್ಚನ್ ಮಲ್ಲಿಕ್ ಮತ್ತು ನಜ್ಮಾ ಮಂಡಲ್ ರನ್ನು ಪತ್ತೆ ಹಚ್ಚಿದ ಪೊಲೀಸರು

ದೂರು ಆಧರಿಸಿ ಮಹಿಳೆಯರನ್ನ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಮೊಬೈಲ್​ ನೆಟ್​ವರ್ಕ್​ ಮಾಹಿತಿ ಆಧರಿಸಿ ಮಹಿಳೆಯರ ಪತ್ತೆ ಮಾಡಲಾಗಿದೆ. ವಿಚಾರಣೆ ವೇಳೆ ಭಯಾನಕ ಸತ್ಯವನ್ನು ಮಹಿಳೆಯರು ಬಾಯ್ಬಿಟ್ಟಿದ್ದಾರೆ.  ನೆರೆಮನೆಯ ಒಬ್ಬನೇ ಯುವಕನ ಪ್ರೀತಿಯಲ್ಲಿ  ಇಬ್ಬರು ಬಿದ್ದಿದ್ದೇವು ಎಂದಿದ್ದಾರೆ. 
ಇಬ್ಬರೂ ಒಂದೇ ಮನೆಯ ಅಣ್ಣ-ತಮ್ಮಂದಿರ ಪತ್ನಿಯರಾಗಿದ್ರು. ಅತ್ತೆ, ಮಾವ, ಮಕ್ಕಳಿಗೆ ಚಹಾದಲ್ಲಿ ನಿದ್ರೆ ಮಾತ್ರೆ ಹಾಕಿ ಎಸ್ಕೇಪ್ ಆಗಿದ್ದರು. ಎಲ್ಲರೂ ಎಚ್ಚರಗೊಂಡಾಗ ಮಹಿಳೆಯರು ನಾಪತ್ತೆಯಾಗಿದ್ದು ಬೆಳಕಿಗೆ ಬಂದಿದೆ.  ಓಡಿಹೋಗಿದ್ದವರು ಈಗ ಪತ್ತೆಯಾಗಿದ್ದಾರೆ.



ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.