ಜಯಲಲಿತಾ ಸೀರೆ, ಕಿರೀಟ, ಚಿನ್ನಾಭರಣ, ವಜ್ರ ತಮಿಳುನಾಡಿಗೆ ವಾಪಸ್; ಏನೇನಿದೆ? ಮೌಲ್ಯ ಎಷ್ಟು ಕೋಟಿ?

ತಮಿಳುನಾಡಿನ ಮಾಜಿ ಮುಖ್ಯಂತ್ರಿ ದಿವಂಗತ ಜಯಲಲಿತಾ ಅವರ ಬೆಲೆ ಬಾಳುವ ವಸ್ತುಗಳನ್ನು ಈಗ ತಮಿಳುನಾಡಿನ ಸರ್ಕಾರದ ಸುಪರ್ದಿಗೆ ನೀಡಲಾಗಿದೆ. ಈ ಬಗ್ಗೆ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ನೀಡಿದ ಎಸ್​ಪಿಪಿ ಕಿರಣ್​ ಜವಳಿ, ತಮಿಳುನಾಡು ಸರ್ಕಾರಕ್ಕೆ ಚಿನ್ನಾಭರಣವನ್ನು ಮರಳಿ ಕೊಡುವ ಆದೇಶವಾಗಿದೆ ಈ ಹಿನ್ನೆಲೆಯಲ್ಲಿ ಸರ್ಕಾರದ ಸುಪರ್ದಿಗೆ ಅವುಗಳನ್ನು ನೀಡಲಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಕುಂಭ ಮೇಳ ಕಾಲ್ತುಳಿತಕ್ಕೆ ಹೋಗ್ಬಿಟ್ಟ ಅಂದ್ಕೊಂಡ ಕುಟುಂಬ.. ತಿಥಿ ಕಾರ್ಯದ ವೇಳೆ ನಗುನಗುತ್ತ ಎಂಟ್ರಿ ಕೊಟ್ಟ..!

ಸೀರೆ, ಫ್ರಿಡ್ಜ್​, ಚಪ್ಪಲಿ ಅಂತ ಬರೆದಿದ್ದರು. ತಮಿಳುನಾಡು ವಿಜಲೇನ್ಸ್ ಅಧಿಕಾರಿಗಳು ಬಂದಿದ್ದರು. ಅವರ ಸಮಕ್ಷಮದಲ್ಲಿ ಪರಿಶೀಲನೆ ಮಾಡಲಾಗಿದ್ದು. ಒಟ್ಟು 11,344 ರೇಷ್ಮೆ ಸೀರೆ, 10 ಟಿವಿ, 12 ಫ್ರಿಡ್ಜ್​, 8ವಿಸಆರ್ , 1 ವಿಡಿಯೋ ಕ್ಯಾಮರಾ, 4 ಸಿಡಿ ಪ್ಲೇಯರ್ಸ್​, 2 ಆಡಿಯೋ ಡೆಕ್ಸ್​, 24 ಟೇಪ್​ ರೆಕಾರ್ಡರ್, 1040 ವಿಡಿಯೋ ಕ್ಯಾಸೆಟ್​, ಐದು ಕಬ್ಬಿಣದ ಲಾಕರ್ಸ್​​ಗಳನ್ನು ಸರ್ಕಾರದ ಸುಪರ್ದಿಗೆ ನೀಡಲಾಗಿದೆ.
ಇದರ ಜೊತೆಗೆ ಮಾಜಿ ಸಿಎಂ ಜಯಲಲಿತಾಗೆ ಸಂಬಂಧಿಸಿದ ಒಟ್ಟು 27 ಕೆಜಿ ವಸ್ತುಗಳನ್ನು ಕೂಡ ಸರ್ಕಾರದ ಸುಪರ್ದಿಗೆ ನೀಡಲಾಗಿದೆ.

ಇದನ್ನೂ ಓದಿ:ಪಾಕ್ ಏರ್​ಸ್ಪೇಸ್ ಮೇಲೆ ಪ್ರಧಾನಿ ಮೋದಿ ವಿಮಾನ 46 ನಿಮಿಷ ಹಾರಾಟ! ಹೇಗಿತ್ತು ಸೂಪರ್ ಭದ್ರತೆ..?

ಸೀಜ್ ಮಾಡಿದ್ದ ಬಸ್​ ಕೂಡ ಸರ್ಕಾರಕ್ಕೆ ಹಸ್ತಾಂತರ ಮಾಡಲಾಗಿದೆ. 1526 ಎಕರೆ ಜಾಗ, ತಂಜಾವೂರು ಸೇರಿದಂತೆ ಬೇರೆ ಬೇರೆ ಕಡೆ ಜಮೀನು ಇದೆ. ಅದನ್ನು ಕೂಡ ತಮಿಳುನಾಡು ಸರ್ಕಾರಕ್ಕೆ ಹಸ್ತಾಂತರಿಸಲಾಗಿದೆ. ಡಾಬು, ಖಡ್ಗ, ಒಂದು ಕೆಜಿ ಚಿನ್ನದ ಕಿರೀಟ, ಗೋಲ್ಡ್​ ವಾಚ್​, ಪೆನ್​, ಸೀರೆ ಸೇರಿ ಒಟ್ಟು 1606 ವಸ್ತುಗಳನ್ನು ನೀಡಲಾಗಿದೆ ಒಟ್ಟು ೨೫ ಕಿಲೋ ಚಿನ್ನಾಭರಣ ಮತ್ತು ವಜ್ರ, ಒಂದು ಕೆ.ಜಿ ೮೫ ಲಕ್ಷದಂತೆ ಒಟ್ಟು ೩೦೦ ರಿಂದ ೩೫೦ ಕೋಟಿ ಬೆಲೆ ಬಾಳವ ಚಿನ್ನಭರಣಗಳನ್ನು ಸರ್ಕಾರದ ಸುಪರ್ದಿಗೆ ನೀಡಲಾಗಿದೆ ಎಂದು ಕಿರಣ್​ ಜವಳಿ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ